კომპანია Enka Renewables-მა საქართველოს საერთაშორისო არბიტრაჟში 383.2 მილიონი დოლარი მოუგო. საარბიტრაჟო დავა 2021 წლის ოქტომბერში დაიწყო, მას შემდეგ, რაც სახელმწიფოსთან არსებული საინვესტიციო შეთანხმება ფორს-მაჟორის გამო შეწყდა. კომპანია აღნიშნული პერიოდისთვის ნამახვანჰესის $800 მილიონიანი ჰიდროელექტროსადგურის სამშენებლო სამუშაოების დასაწყებად ემზადებოდა და წინასწარ სამუშაოებზე 100 მილიონამდე უკვე ჰქონდა ინვესტირებული. ირაკლი კობახიძემ გუშინ "ნამახვანჰესის" პროექტს "აბსოლუტურად გამართული" უწოდა და განაცხადა, რომ სახელმწიფოს შეიძლება მრავალმილიონიანი ზიანის ანაზღაურება მოუწიოს.დავის წაგებასა და პროექტის ჩავარდნაში კი არასამთავრობოები დაადანაშაულა. პრემიერის განცხადების საპირისპიროდ ენკას მხრიდან საქართველოს წინააღმდეგ საარბიტრაჟო დავის მოგებასა და 383 მილიონი დოლარის დაკისრებაზე პასუხისმგებლობას ექსპერტებისა და ბიზნესის ნაწილი სრულად მთავრობას აკისრებს, ნაწილი კი მიიჩნევს, რომ ბრალი როგორც მესამე სექტორს, ისე ხელისუფლებას ეკისრება. #ახალიამბები #BusinessMediaGeorgia
ქვეყანაში ბოლო პერიოდში განვითარებული მოვლენები, დასავლეთისგან იზოლაცია და საპროტესტო აქციების ძალადობრივი დარბევა უკვე აისახა ტურიზმის სექტორზე. ტურიზმის დარგის წარმომადგენლები აცხადებენ, რომ ქვეყანაში შექმნილი ვითარების ფონზე, სასტუმროებში ჯავშნები უქმდება, როგორც დედაქალაქში, ასევე რეგიონებში. ბიზნესი ამბობს, რომ დასავლელ პარტნიორებთან ურთიერთობების გაუარესების კვალდაკვალ საქართველოში მაღალმზხარჯველუარიან ტურისტებს აღარ უნდა ველოდეთ. #ახალიამბები #BusinessMediaGeorgia
გასულ თვეში სამომხმარებლო პროდუქტებზე ფასები წლიურად 1.3%-ით გაიზარდა. ინფლაციის დონე ქვეყანაში ეროვნული ბანკის სამიზნე 3%-იან მაჩვენებელს ჩამორჩება, თუმცა საქსტატის სტატისტიკა მოწმობს, რომ ინფლაციური პროცესი ქვეყანაში დაჩქარდა. ფასები ყველაზე მეტად სურსათის სამომხმარებლო ჯგუფში გაიზარდა. ლარის გაუფასურების პირობებში კი სპეციალისტები პროგნოზირებენ, რომ სამომხმარებლო პროდუქტებსა და მომსახურებაზე ფასების ზრდა გარდაუვალია. რა გაძვირდა და გაიაფდა ყველაზე მეტად ბოლო ერთ წელიწადში, როგორ რეაგირებს ბიზნესი ლარის მერყეობაზე და რამდენად რეალურია სამომხმარებლო პროდუქტებზე ფასები ისევ გაიზარდოს. #ახალიამბები #BusinessMediaGeorgia
ქვეყანაში ბოლო პერიოდში განვითარებული მოვლენები, დასავლეთისგან იზოლაცია და საპროტესტო აქციების ძალადობრივი დარბევა უკვე აისახა ტურიზმის სექტორზე. ტურიზმის დარგის წარმომადგენლები აცხადებენ, რომ ქვეყანაში შექმნილი ვითარების ფონზე, სასტუმროებში ჯავშნები უქმდება, როგორც დედაქალაქში, ასევე რეგიონებში. ბიზნესი ამბობს, რომ დასავლელ პარტნიორებთან ურთიერთობების გაუარესების კვალდაკვალ საქართველოში მაღალმზხარჯველუარიან ტურისტებს აღარ უნდა ველოდეთ. #ახალიამბები #BusinessMediaGeorgia
საქართველოში ჩეხეთის ელჩმა თეა მაისურაძემ ჩეხეთში საქართველოს საგანგებო და სრულუფლებიანი ელჩის თანამდებობა დატოვა. მიმდინარე პროცესების ფონზე ამერიკაში, იტალიაში, ნიდერლანდებში, ბულგარეთში, ესტონეთში, ლიეტუვაში საქართველოს ელჩებმა თანამდებობები უკვე დატოვეს. თანამდებობის დატოვების შესახებ განაცხადა საგარეო საქმეთა მინისტრის მოადგილე თემურ ჯანჯალიამაც. ქართული ოცნების გადაწყვეტილებას ემიჯნებიან ბიზნესებიც და გმობენ ბოლო დღეებში განხორციელებულ ძალადობრივ ქმედებებს. ამ კომპანიებს შორისაა მაგთიკომი, სილქნეტი, თიბისი, საქართველოს ბანკი, პროკრედიტ ბანკი, თეგეტა, ალტა, ორბი, ბიბლუსი, უნისონი, ლისი დეველოპმენტი. ბიზნესების მხრიდან გაჟღერებულ განცხადებებს დღეს გამოეხმაურა ბრიფინგზე ირაკლი კობახიძე და ამბობს, რომ ბიზნესების მხრიდან მიმდინარე მოვლენებზე შეფასებების საჯაროდ და ღიად დაფიქსირება ბულინგის შედეგი იყო. გადაწყვეტილებას გაემიჯნა საჯარო სამსახურებში დასაქმებულების ნაწილი. ასობით საჯარო მოხელე თბილისის მერიიდან, ეროვნული ბანკიდან, საჯარო რეესტრიდან, ომბუდსმენის აპარატიდან. ამ პროტესტს კი მალევე მოჰყვა ქართული ოცნების მხრიდან რეორგანიზაციით მუქარა. პრემიერ-მინისტრი ირაკლი კობახიძე საჯარო მოხელეების პროტესტზე ამბობს, რომ აკვირდებიან მათ ქმედებებს და რეაგირება ექნებათ. რა კანონები იცავს დღეს საჯარო მოხელეებს და რისი უფლება აქვთ შრომითი კანონმდებლობით დასაქმებულებს? სტუმარი: თეო ზაქარაშვილი - “საერთაშორისო გამჭვირვალობა-საქართველოს” მთავარი იურისტი; #ახალიამბები #BusinessMediaGeorgia
მთავრობის ადმინისტრაციაში პრემიერ მინისტრის ბრიფინგი დასრულდა, სადაც ბიემჯის მიეცა საშუალება ირაკლი კობახიძისგან მოესმინა განმარტებები იმ ძირითად ეკონომიკურ რისკებზე, რომლის წინაშეც შესაძლოა ქვეყანა მიმდინარე მოვლენების ფონზე აღმოჩნდეს. დავსვით კითხვები ელჩების მხრიდან თანამდებობების დატოვებაზეც. კითხვები დაისვა, თუმცა ვრცელი ინტერვიუდან კონკრეტული პასუხები ნაკლებად მივიღეთ. #ახალიამბები #BusinessMediaGeorgia
როგორ ეხმაურებიან სპორტსმენები საქართველოში მიმდინარე პოლიტიკურ პროცესებს? #ახალიამბები #BusinessMediaGeorgia
ხუთშაბათს საღამოდან მოყოლებული ირაკლი კობახიძის მიერ პარტიის ოფისში გაკეთებული განცხადებების შემდეგ საჯარო უწყებებში დასაქმებულთა ერთობლივი განცხადებები რამდენიმე იყო. საჯარო სექტორში დასაქმებული მოქალაქეების ნაწილი 2028 წლამდე ევროკავშირთან მოლაპარაკებების დაწყებაზე უარს აპროტესტებს და კონსტიტუციის 78-ე მუხლთან შეუსაბამოდ მიიჩნევენ. ირაკლი კობახიძის თქმით ამ პროცესში კარგია, რომ სისტემა იწმინდება და ეს პროცესიც ბოლომდე იქნება მიყვანილი. თვითლუსტრაციად შეაფასა მერიის თანამშრომლების ნაწილის განცხადება, რომლებიც ევროკავშირში გაწევრების პროცესის შეჩერებას ემიჯნებიან კახა კალაძემ და თქვა რომ წინა კვირას მერიაში რეორგანიზაცია გამოაცხადა. თბილისის მერიის თანამშრომლებისთვის ინფორმაციის მისაწოდებლად თუ სხვა საჯარო უწყებებში დასაქმებულებისთვის იურისტებმა ინდივიდუალურად თუ არასამთავრობო ორგანიზაციების წარმომადგენლებმა კიდევ ერთხელ განმარტეს, რომ საჯარო პოზიცია მათი სამსახურიდან გათავისუფლების სამართლებრივი საფუძველი ვერ იქნება და საკუთარი ნებით თანამდებობები არ უნდა დატოვონ. რას ნიშნავს ქართული ოცნების მხრიდან გაკეთებული განცხადებები სისტემის წმენდასთან დაკავშირებით და რა სამართლებრივი ბერკეტები აქვთ, საჯარო სექტორში დასაქმებულებს? #ახალიამბები #BusinessMediaGeorgia
სახელმწიფო კანცელარიაში მთავრობის სხდომაზე ირაკლი კობახიძემ დღეს კიდევ ერთხელ გაიმეორა, რომ საზოგადოების იმ ნაწილს, ვინც 2028 წლამდე ევროკავშირთან მოლაპარაკებების გახსნის საკითხის შეჩერებას აპროტესტებს მმართველი პარტიის განცხადებიდან შინაარსი ვერ გამოაქვს. პრემიერის განცხადებიდან შინაარსი ევროკავშირშიც და შტატებშიც ისე ესმით, როგორც საპროტესტო აქციაზე გამოსულ საზოგადოებას. ევროკავშირთან და აშშ-სთან ურთიერთობების გაუარესება როგორც მოკლევადიან, ასევე გრძელვადიან პერსპექტივაში საქართველოს ეკონომიკას დააზარალებს - ასე აფასებს ბიზნესსექტორის წარმომადგენლების ნაწილის არსებულ ვითარებას. ბიზნესი ამბობს, რომ დასავლეთისგან მორიგ ჯერზე იზოლაცია, ამერიკის შეერთებული შტატებისგან სტრატეგიული პარტნიორობის გაუქმება, საქართველოში დასავლურ ინვესტიციებს გააჩერებს და ეკონომიკურ ზრდაზე ნეგატიურად აისახება. რას ნიშნავს დასავლელ პარტნიორებთან უკიდურესად დაძაბული ურთიერთობები საქართველოს ეკონომიკისთვის. #ახალიამბები #BusinessMediaGeorgia
ბოლო პერიოდის მოვლენების ფონზე ეროვნული ვალუტა გაუფასურებას განაგრძობს. ლარი დოლართან 7 თეთრით, ევროსთან კი 6 თეთრით გაუფასურდა. ეროვნული ბანკის ოფიციალური გაცვლითი კურსის მიხედვით, 1 ამერიკული დოლარის ღირებულება 2.84 თეთრი გახდა, ერთი ევრო კი ხვალ 2.99 ლარი ეღირება. #ახალიამბები #BusinessMediaGeorgia
ბოლო პერიოდის მოვლენების ფონზე ეროვნული ვალუტა უფასურდება. ლარი დოლართან 7 თეთრით, ევროსთან კი 6 თეთრით გაუფასურდა. ეროვნული ბანკის ოფიციალური გაცვლითი კურსის მიხედვით, 1 დოლარის ღირებულება 2.84 თეთრი გახდა, ერთი ევრო კი ხვალ 2.99 ლარი ეღირება. #ახალიამბები #BusinessMediaGeorgia
ირაკლი კობახიძე ირწმუნება, რომ მათი მთავარი საგარეო პოლიტიკური პრიორიტეტი ევროკავშირში ინტეგრაციაა. ირაკლი კობახიძე, რომლის გუნდმაც ევროინტეგრაციაზე უარი თქვა, იმედს გამოთქვამს, რომ ურთიერთობები როგორც ამერიკის შეერთებულ შტატებთან, ასევე ევროკავშირთან თვისობრივად გადაიტვირთება. ოცნებას დონალდ ტრამპის იმედი აქვს, რომელიც კობახიძემ დღეს ევროპის ლიდერად მოიხსენია. რამდენად შესაძლებელია ურთიერთობების გადატვირთვა ქართული ოცნების პირობებში, რეალურად სურს თუ არა ბიძინა ივანიშვილის გუნდს ეს და რა არის გამოსავალი? სტუმარი: რატი კობახიძე - ევროპულ-ქართული ინსტიტუტის ევროინტეგრაციის პროგრამის ხელმძღვანელი და უფროსი მკვლევარი #ახალიამბები #BusinessMediaGeorgia
ევროკავშირთან და აშშ-სთან ურთიერთობების გაუარესება როგორც მოკლევადიან, ასევე გრძელვადიან პერსპექტივაში საქართველოს ეკონომიკას დააზარალებს - ასეთი მოლოდინი აქვს ბიზნესსექტორის წარმომადგენლების ნაწილს. მათი განცხადებით, დასავლეთისგან იზოლაცია, ამერიკის შეერთებული შტატებისგან სტრატეგიული პარტნიორობის გაუქმება საქართველოში დასავლურ ინვესტიციებს გააჩერებს და ეკონომიკურ ზრდაზე ნეგატიურად აისახება. რას ნიშნავს დასავლელ პარტნიორებთან უკიდურესად დაძაბული ურთიერთობები საქართველოს ეკონომიკისთვის? #ახალიამბები #BusinessMediaGeorgia
რატომ არ ესმის მოსახლეობას „ოცნების“? კლინიკების აკრედიტაციის პროცესი, შესაძლოა, გადავადდეს - სარჯველაძე; C ჰეპატიტის პროგრამა არ შეჩერებულა - სარჯველაძე; მიხეილ სარჯველაძე - ჯანდაცვის მინისტრი; ალექსანდრე წულაძე - განათლების და მეცნიერების მინისტრი; თელარა გელანტია - #BMG-ის მთავარი რედაქტორი; #ახალიამბები #BusinessMediaGeorgia
კომერციულ ბანკებს წლის ბოლომდე ეროვნულ ბანკში დამატებით 340 მილიონი დოლარის დარეზერვება მოუწევთ, ეს მას შემდეგ რაც სებმა დეპოზიტების დოლარიზაციის ზრდის ფონზე, ბანკებისთვის უცხოური ვალუტის ვალდებულებებზე სარეზერვო ნორმის ზედა ზღვარი 5 პროცენტული პუნქტით გაზარდა. რეგულატორი განმარტავს, რომ ამ გზით ბანკებში არსებული სავალუტო ლიკვიდობის გაზრდილ სავალუტო დაკრედიტებაში გადაზრდის რისკს აზღვევს. სპეციალისტების შეფასებით კი, სებ-ის მიერ გაცხადებული მიზნის გარდა, სარეზერვო მოთხოვნების გაზრდა სავალუტო რეზერვების შევსების მიზანსაც ემსახურება. რა გავლენა ექნება ბანკებისთვის სარეზერვო მოთხოვნების გაზრდას გასულ თვეებში რეკორდული ინტერვენციების შემდეგ სავალუტო რეზერვებზე? #ახალიამბები #BusinessMediaGeorgia
პოლიტიკური პროცესების ემოციურ ფონზე და დასავლელ პარტნიორებთან გაწყვეტილი ურთიერთობის შედეგით რა პერსპექტივა აქვს ქვეყანას და ეკონომიკას ამაზე საუბარი დღეს ოქტომბერში 11% იანი ეკონომიკური ზრდის სტატისტიკის ფონზე იყო. 10 თვეში საშუალო ეკონომიკურმა ზრდამ 10% შეადგინა. საქსტატის ინფორმაციით, ოქტომბერში საქართველოს ბიზნეს სექტორის, ანუ დღგ-ის გადამხდელი კომპანიების ბრუნვამ 14 მილიარდ 300 მლნ ლარი შეადგინა, რაც წლიურ ჭრილში 14.7%-ით არის გაზრდილი. გასულ თვეს ეკონომიკურ ზრდაში მნიშვნელოვანი წვლილი მათ შორის მშენებლობის, დამმუშავებელი მრეწველობის, საფინანსო და სადაზღვევო საქმიანობებმა, ინფორმაციის და კომუნიკაციის დარგებმა შეიტანეს. #ახალიამბები #BusinessMediaGeorgia
#ბიზნესსიახლეები bm.ge-სგან / 29.11.2024
2024 წლის 10 თვეში საქართველოს ეკონომიკა 10%-ით გაიზარდა- ორნიშნა ეკონომიკურ ზრდას, რომლითაც ქართული ოცნება თავს იწონებს, გერმანიის ელჩის შეფასებით უკრაინაში მიმდინარე ომის ეფექტით არის გამოწვეული, რასაც არ ეთანხმება ეკონომიკის მინისტრი, რომელიც თვლის, რომ საქართველოში ეკონომიკა რეფორმების ხარჯზე იზრდება. რა ზრდის ქვეყანაში ეკონომიკას დღეს და რამდენად განგრძობადი შეიძლება იყოს კონკრეტული ფაქტორებით გამოწვეული ზრდა ევროინტეგრაციის შეჩერების ფონზე? #ახალიამბები #BusinessMediaGeorgia
1 იანვრიდან არაჰეჯირებული უცხოური ვალუტის სესხების ზღვარი 400 000-დან 500 000 ლარამდე იზრდება. შესაბამისად, მოქალაქეებს და კომპანიებს, ვისაც ლარში აქვს შემოსავალი, ნახევარ მლნ ლარამდე სავალუტო სესხის აღება ეზღუდებათ. ამასთან, ოქტომბერში დეპოზიტების დოლარიზაციის ზრდის ფონზე, ეროვნულმა ბანკმა ბანკებისთვის უცხოური ვალუტის ვალდებულებებზე სარეზერვო ნორმის ზედა ზღვარი 5 პროცენტული პუნქტით გაზარდა. რატომ გახდა საჭირო დედოლარიზაციის მიმართულებით დამატებითი რეგულაციების შემოღება საჭირო, რა გავლენა ექნება ამ გადაწყვეტილებებს საფინანსო ბაზარზე და უშუალოდ საქართველოს საერთაშორისო სავალუტო რეზერვებზე, რომელიც სავალუტო ინტერვენციების ფონზე, ოქტომბრის მდგომარეობით, 4 მლრდ დოლარამდე იყო შემცირებული. სტუმარი: მარიამ ხარაიშვილი - ეროვნული ბანკის ფინანსური სტაბილურობის ანალიზისა და მაკროფინანსური მოდელირების განყოფილების უფროსი #ახალიამბები #BusinessMediaGeorgia
ქართული ოცნების გადაწყვეტილებას, 2028 წლამდე ევროკავშირთან მოლაპარაკებების გახსნის საკითხს გაჩერებასთან დაკავშირებით საგარეო საქმეთა სამინისტროს თანამშრომლების ნაწილის პროტესტი მოყვა. ბულგარეთში საქართველოს ელჩი, ოთარ ბერძენიშვილი თანამდებობიდან გადადგა. “არა ძალადობას მშვიდობიანი მომიტინგეების თავისუფალი ნების წინააღმდეგ, ჩემი სრული სოლიდარობა მათ", - წერს ბერძენიშვილი. ოცნების გადაწყვეტილებას გაემიჯნა საგარეო საქმეთა სამინისტროს მოქმედი 100-ზე მეტი თანამშრომელიც, რომლებიც აღნიშნავენ, რომ ევროინტეგრაციის პროცესის გაჩერება არ შეესაბამება ქვეყნის სტრატეგიულ ინტერესებს. რას ნიშნავს მთავრობის გადაწყვეტილება 2028 წლამდე ევროკავშირთან მოლაპარაკებების გახსნის საკითხის გაჩერებასთან დაკავშირებით და როგორ აისახება ევროინტეგრაციის პროცესის შეჩერება ეკონომიკაზე? სტუმარი: ნიკოლოზ შურღაია - ფინანსისტი, ბიზნესის მრჩეველი; #ახალიამბები #BusinessMediaGeorgia
უამინდობის გამო ციტრუსის მოსავლის აღება შეფერხდა. კლიმატური პირობების გამო მოსავალს ფერმერები თითქმის ერთი კვირა ვერ იღებენ, რამაც პროდუქციის ექსპორტის შეჩერებაც გამოიწვია. სექსპორტიორი კომპანიების ინფორმაციით, ქართული მანდარინის გასაღების მთავარი ბაზარი ტრადიციულად, წელსაც რუსეთია. მათი ინფორმაციით, წელს ციტრუსის რაოდენობრივიმოსავალი შემცირებულია, თუმცა გაუმჯობესებულია ხარისხობრივი მაჩვენებლები, რამაც შესასყიდი ციტრუსის ფასი დაახლოებით 20%-ით გაზარდა. მიმდინარე ეტაპზე სხვადასხვა კატეგორიის მანდარინის ღირებულება 1 ლარიდან 1,50 ლარამდე მერყეობს. მიმდინარე წელს აჭარაში ციტრუსის 40-45 ათას ტონამდე მოსავალს ელოდებიან. #ახალიამბები #BusinessMediaGeorgia
გამოწვევები საგარეო ფლანგზე ქართული ოცნების ხელისუფლებაში ყოფნის მეოთხე ვადის დასაწყისში პრობლემებზე საუბრის საფუძველი ვერ ხდება. ირაკლი კობახიძის ხელმძღვანელობით მთავრობის გადახალისებული შემადგენლობა საკანონმდებლო ორგანოში ქართული ოცნების პირობებში პროცედურული წესრიგის დაცვით, მშვიდად და კრიტიკის გარეშე დამტკიცდა. დაპირებები იმედიანი წინადადებებით და კონკრეტიკის გარეშე, სამთავრობო გუნდის წევრებმა თავმჯდომარის თაოსნობით კონკრეტულ რეფორმებზე საუბრის გარეშე გასცეს. სიტყვა რეფორმა წარსულის შეფასებისას და მიღწეული შედეგებით თავმოწონების მიღმა პარლამენტის სასახლეში დღესაც ბევრჯერ ახსენეს, თუმცა საკომიტეტო მოსმენების თუ სასესიო დარბაზში კენჭისყრამდე გამართული მოხსენების დროს, არც კრიტიკული მოსაზრება გაჟღერებულა და არც ერთი საკითხი გამორჩეულა დისკუსიის ღირსად. ირაკლი კობახიძის გუნდი სამთავრობო კაბინეტებში მუშაობას ხვალიდან შეუდგება, 84 მომხრე დეპუტატი და 0 წინააღმდეგი - მინისტრებს პრემიერის ხელმძღვანელობით ნდობა თანაპარტიელებისგან მიღებული აქვთ. #ახალიამბები #BusinessMediaGeorgia
ევროკავშირის წევრობამდე საქართველოს ეკონომიკას პრობლემები ანტიდასავლური რიტორიკა პრობლემებს ეკონომიკაში უახლოეს მომავალში არ მოაკლებს - ასე ფიქრობენ ბიზნეს წრეებში, რომელთათვისაც ინვესტორებთან კომუნიკაციამ ქვეყნიდან გასვლის და ბიზნესაქტივობის შეჩერების სიგნალები უცხო არ არის. ICC საქართველოს თავმჯდომარე მოსალოდნელი სანქციების ფონზე, უცხოური კომპანიების ნაწილის საქართველოდან გასვლას არ გამორიცხავს. ქვეყანაში არსებული არასტაბილური პოლიტიკური გარემოს ფონზე, საინვესტიციო პროექტების დროებით გაჩერებას ადასტურებენ ადგილობრივი ინვესტორების ნაწილიც. ნუცა შუბაშვილი ესაუბრა ბიზნესსექტორის წარმომადგენლებს. #ახალიამბები #BusinessMediaGeorgia
დასავლეთიდან გზავნილები ცალსახა და მკაფიოა. მმართველი უმრავლესობის განცხადებებში თანმიმდევრულობა სულ უფრო იკლებს. 2030 წელს ევროკავშირში ღირსებით შესვლის დაპირების ავტორი პოლიტიკური პარტიის ლიდერი, რომელიც საპარლამენტო ქვეყანაში მეოთხე ვადით ხელისუფლებაში დარჩენილმა ქართული ოცნების გუნდმა სპიკერის თანამდებობისთვის შეარჩია ევროკავშირში სწრაფად გაერთიანების პირობებში ღვინის სექტორის ჩამონგრევას და FTA-ის გაუქმებას ელოდება, შესაბამისად შალვა პაპუაშვილისთვის სარისკოა ევროკავშირის წევრობა ამ დროისთვის. პრემიერს ამ თემაზე დამაზუსტებელი კითხვების პასუხისას დღეს კონკრეტიკა გაუჭირდა და მედიასთან აქცენტი ევროკავშირში სიტყვა სიტყვით ხვალ მიღებასთან დაკავშირებულ პრობლემაზე გააკეთა. ხვალ ან ზეგ საქართველოს ევროკავშირში წევრობის შანსი რომ არ აქვს, ამაზე ევროპული ქვეყნების ლიდერებისგან ბევრჯერ და ბევრნაირი ფორმით მოვისმინეთ და წავიკითხეთ პოზიციები, არგუმენტებიც დასავლეთისკენ მიმავალი გზიდან რატომ და როგორ გადაუხვია ქვეყანამ. #ახალიამბები #BusinessMediaGeorgia
როგორ ფასდება ექსპერტების მხრიდან ქართული ოცნების წევრების განცხადებები, იმ ფონზე, როდესაც ევროინტეგრაციის პროცესი მთავრობის შეცვლილი კურსის გამო შეჩერებულია. რას შეიძლება ნიშნავდეს შეცვლილი ნარატივი და რეალურად რა სარგებლის მომტანია ევროკავშირის წევრობა, რაზეც დღეს ოცნების წევრებს ბევრი არაფერი უთქვამთ... #ახალიამბები #BusinessMediaGeorgia
#ბიზნესსიახლეები bm.ge-სგან / 28.11.2024 კოტეჯები და ამფითეატრი - "შატო ვარციხე" მომავალ წელს გაფართოებას გეგმავს; "თუ ადრე კერძო სახლის შეძენა ოცნება იყო, დღეს მსურველს მისი ყიდვა $150 000-დაც შეუძლია" - Sakura Properties; „ჩვენ აღარ ვართ ერთ კონკრეტულ ბაზარზე ჩამოკიდებული კურორტი“ - ვინ ჯავშნის სასტუმროებს გუდაურში? "კომპანიებს ადეკვატური ვადები უნდა მივცეთ, პროექტის შეცვლა რომ არ გახდეს საჭირო" - ასოციაცია; საქართველოში კვერცხის იმპორტი 53%-ით შემცირდა; #ახალიამბები #BusinessMediaGeorgia
ყაზახეთი „შუა დერეფანში“ ტვირთბრუნვის გაზრდის მიზნით აქტაუსა და კიურიკის პორტების დაღმავების სამუშაოებს ახორციელებს. კიურიკის პორტში ფსკერის დაღრმავების სამუშაოები კონტრაქტორმა იან დე ნურმა, ვადაზე ადრე, რეკორდრდულად მოკლე დროში 4 თვეში დაასრულა. ამ დროისათვის პორტის არხში ფსეკერის სიღრმე 7 დან 8 მეტრამდეა, გემების გამტარუნარიანობის გაზრდისთვის გაზრდისთვის ფსკერის დაღრმავების სამუშაოები ჩატარდება აქტაუს პორტშიც. ეს ორივე პორტი ტრანსკასპიური საერთაშორისო სატრანსპორტო მარშრუტის ნაწილებია და აქტიური როლი უნდა ითამაშოს შუა დერეფნის ტვირთბრუნვაში. პარალელურად, ყაზახეთი ჩინეთთან ერთად აქტაუს პორტში საკონტეინერო ჰაბის მშენებლობას აანონსებს. ტერმინალის მშენებლობა 2025 წლის ზაფხულისთვის უნდა დასრულდეს, რაც პორტის გამტარუნარიანობას დაახლოებით 300 ათას ერთეულ კონტეინერამდე გაზრდის. აქტაუს პორტში ახალი, სასუქების ტერმინალის აშენებას გეგმავს პარტნიორებთან ერთად ქართული Wondernet Group -ი . ჩინეთის ყაზახეთისა და აზერბაიჯანის ჩართულობით კი, დაანონსდა ინტერმოდალური სატვირთო ტერმინალის მშენებლობა ასევე კასპიის ზღვაზე თუმცა მეორე მეორე სანაპიროზე ბაქოს პორტშიც-- რა ტენდენციებია - შუა დერეფანში ინფრასტრუქტურის გაფართოების მიმართულებით და რეალურად რა მოცულობის ტვირთის გატარება შეეძლება აზიიდან ევროპისკენ უახლოეს წლებში ტრანსკასპიურ სატრანსპორტო მარშრუტს. სტუმარი: ლევან სულაბერიძე - ყაზახურ-ქართული ეკონომიკური გაერთიანების ტრანსპორტისა და ლოგისტიკის კომიტეტის თავმჯდომარე; #ახალიამბები #BusinessMediaGeorgia
თუკი საქართველოში ვითარება უახლოეს კვირებში არ გაირკვევა, ინვესტორების ნაწილი ქვეყანაში ბიზნესაქტივობის შეჩერებას განიხილავს - ამის შესახებ ICC საქართველოს თავმჯდომარე ფადი ასლი აცხადებს. მისი თქმით, საქართველოს მიმართ მოსალოდნელი სანქციების ფონზე, კომპანიების ნაწილი საქართველოდან გასვლას არ გამორიცხავს. ქვეყანაში არსებული არასტაბილური პოლიტიკური გარემოს ფონზე, საინვესტიციო პროექტების დროებით გაჩერებას ადასტურებენ ადგილობრივი ინვესტორების ნაწილიც. #ახალიამბები #BusinessMediaGeorgia
ჩვენ ნავთობის გარეშე ვახერხებთ იმავეს, რასაც გაიანა ახერხებს ნავთობის აღმოჩენის პირობებში - პრემიერობის კანდიდატი „ოცნების დეპუტატებს“ და ამომრჩევლებს მომდევნო წლებში საშუალოდ 5%-იან ზრდას ჰპირდება და ამის დასტურად საერთაშორისო სავალუტო ფონდის პროგნოზებს იშველიებს, რომლის თანახმად საქართველო მსოფლიოში ეკონომიკის ზრდის მაჩვენებლით ერთ-ერთი მოწინავე კობახიძემ თქვა, რომ ამ კუთხით საქართველოს "ერთადერთი ქვეყანა ასწრებს - გაიანა რომელმაც თავის ტერიტორიაზე ნავთობი აღმოაჩინა. ირაკლი კობახიძემ დღეს კიდევ ერთი დაპირება გასცა, რაც 2028 წლისთვის საქართველოს ბიუჯეტის 40 მილიარდ ლარამდე გაზრდას ითვალისწინებს - რა თქვა ბიძინა ივანიშვილის მიერ პრემიერად მეორედ წარდგენილმა ირაკლი კობახიძემ და რატომ უჭერს ქართული ოცნების დეპუტატები მხარს მთავრობის ამ შემდგენლობას? #ახალიამბები #BusinessMediaGeorgia
მერია ახლად რეაბილიტირებული ავლაბრის მეტროს გასახსნელად ემზადება, სადაც სამუშაოები 2024 წლის მარტში უნდა დასრულებულიყო. კალაძე თავს იწონებს პროექტით, თუმცა აღიარებს, რომ გამოცდილების არ ქონის გამო ბიზნესებს მეტროს რეაბილიტაციის პროექტირებისას პრობლემები ექმნებათ, რაც საბოლოო ჯამში დათქმული ვადების გაჭიანურებას იწვევს. პროექტში ცვლილებების გამო დროულად ვერ დასრულდა არაერთი პროექტი მათ შორის მთაწმინდა რუსთაველის საბაგირო, ამ დრომდე კითხვის ნიშნებია ვარკეთილის მეტროს რეაბილიტაციაზეც, სადაც კონტრაქტორი წინასწარ შედგენილი პროექტის კორექტირებას ელოდება. რამდენად არის სახელმწიფო ინფრასტრუქტურულ პროექტებში საპროექტო კომპანიების გამოცდილება და კვალიფიკაცია პრობლემა და რამდენად ხშირია ამ მიზეზით ინფრასტრუქტურული სამუშაოების გაჭიანურება? #ახალიამბები #BusinessMediaGeorgia
ეროვნული ბანკის გადაწყვეტილებით, 1 იანვრიდან არაჰეჯირებული უცხოური ვალუტის სესხების ზღვარი 400 000-დან 500 000 ლარამდე იზრდება. ეს ნიშნავს, რომ მოქალაქეებს და კომპანიებს, ვისაც ლარში აქვს შემოსავალი, ნახევარ მლნ ლარამდე სავალუტო სესხის აღება ეზღუდებათ. სებ-მა დღეს კიდევ ერთი გადაწყვეტილება მიიღო და დეპოზიტების დოლარიზაციის ზრდის ფონზე, ბანკებისთვის უცხოური ვალუტის ვალდებულებებზე სარეზერვო ნორმის ზედა ზღვარი 5 პროცენტული პუნქტით გაზარდა. საბანკო სექტორში აცხადებენ, რომ ამ გადაწყვეტილებებს გარკვეული გავლენა ექნება საპროცენტო განაკვეთებზე, სპეციალისტების ნაწილის შეფასებით, კი სებ-ის მიერ გაცხადებული მიზნის გარდა, სარეზერვო მოთხოვნების გაზრდა სავალუტო რეზერვების შევსებასაც ემსახურება. რა გავლენა ექნება ამ გადაწყვეტილებებს საფინანსო ბაზარზე და როგორც აფასებს მას საბანკო სექტორი. #ახალიამბები #BusinessMediaGeorgia
ოთხი კომიტეტის გაერთიანებულ სხდომაზე ეკონომიკური პროფილის მინისტრობის კანდიდატებს მოუსმინეს. ქართული ოცნების დეპუტატების წინაშე ლევან დავითაშვილი, ლაშა ხუციშვილი, ირაკლი ქარსელაძე და დავით სონღულაშვილი წარდგნენ. ქართული ოცნების მომავალმა მინისტრებმა ყურადღება მაღალ ეკონომიკურ ზრდაზე და რეფორმებზე გაამახვილეს, რის გამოც ერთმანეთი შეაქეს. სხდომაზე არცერთი კრიტიკული კითხვა არ დასმულა. #ახალიამბები #BusinessMediaGeorgia
#ბიზნესსიახლეები bm.ge-სგან / 27.11.2024 შარშან საქართველოში სასტუმროები 12%-ით გაძვირდა - PMC; საახალწლოდ კვერცხი არ გაძვირდება - ასოციაცია; შოკოლადის საწარმო „ეთიას შოკოლადი“ მომავალ წელს მოლებსა და აეროპორტში სტენდის განთავსებას გეგმავს; 10 თვეში საქართველომ $31.5 მილიონის კარაქი შეიძინა - სად ვყიდულობთ? #ახალიამბები #BusinessMediaGeorgia
ეროვნული ბანკის გადაწყვეტილებით, 1 იანვრიდან არაჰეჯირებული უცხოური ვალუტის სესხების ზღვარი 400 000-დან 500 000 ლარამდე იზრდება. ეს ნიშნავს, რომ მათთვის, ვისაც ლარში აქვს შემოსავალი ნახევარ მლნ ლარამდე სავალუტო სესხის აღება იზღუდება. სებ-მა დღეს კიდევ ერთი გადაწყვეტილება მიიღო და დეპოზიტების დოლარიზაციის ზრდის ფონზე, ბანკებისთვის უცხოური ვალუტის ვალდებულებებზე სარეზერვო ნორმის ზედა ზღვარი 5 პროცენტული პუნქტით გაზარდა. #ახალიამბები #BusinessMediaGeorgia
ზამთრის კურორტებზე წელს სეზონი შესაძლოა გაცილებით ადრე დაიწყოს. თოვლი მოვიდა, განთავსების ობიექტების უმრავლესობას თებერვლის ჩათვლით ჯავშნები უკვე მიღებული აქვთ, თუმცა როგორი იქნება ზამთრის ტურისტული სეზონი წელს მეტწილად დამოკიდებულია, როგორი კლიმატური პირობები იქნება ზამთრის კურორტებზე. როგორ ხვდება სეზონს გუდაური, ვინ ჯავშნის კურორტზე სასტუმროს და როგორია დატვირთულობის კოეფიციენტი? სტუმარი: გიორგი კვიწინაშვილი - სასტუმრო Best Western Gudauri-ს მფლობელი; #ახალიამბები #BusinessMediaGeorgia
დღეს პარლამენტის ოთხი კომიტეტის გაერთიანებულ სხდომაზე ეკონომიკური პროფილის მინისტრობის კანდიდატებს მოუსმინეს. ქართული ოცნების დეპუტატების წინაშე ლევან დავითაშვილი, ლაშა ხუციშვილი, ირაკლი ქარსელაძე და დავით სონღულაშვილი წარდგნენ. ქართული ოცნების მომავალმა მინისტრებმა ყურადღება მაღალ ეკონომიკურ ზრდაზე და რეფორმებზე გაამახვილეს. სხდომაზე არცერთი კრიტიკული კითხვა არ დასმულა. როგორ ჩაიარა მოსმენამ პარლამენტში? #ახალიამბები #BusinessMediaGeorgia
#ბიზნესსიახლეები bm.ge-სგან / 26.11.2024 გაყინული თევზის იმპორტი 11%-მდე შემცირდა, 51.4%-ით გაიზარდა ექსპორტი - სად ვყიდულობთ და ვყიდით? "საახალწლოდ ჯავშნები, ჯერჯერობით, არ გვაქვს" - Lileo - Hotel and Winery; „ვაკიჯვრის საკალმახე“ წელს ნახევარფაბრიკატების წარმოებას გეგმავს - როდის გამოჩნდება პროდუქცია დახლებზე? „ბიმბილი“ საექსპორტო ბაზრებს აფართოებს - რა ფასად იყიდება რაჭული ღვინო; "საქართველოს მოქალაქეები ძირითადად, უფრო ბიუჯეტურ სასტუმროებს ირჩევენ"- ჰოტელიერი; #ახალიამბები #BusinessMediaGeorgia
საკანონმდებლო ორგანოში მთავრობის განახლებული შემადგენლობის დასამტკიცებლად ემზადებიან, საკომიტეტო ფორმატში მომავალი მინისტრების სამთავრობო ხედვების წარდგენა თანაგუნდელებთან დღეს დაიწყო და ხვალ გაგრძელდება. დეპუტატებს პროგრამა საგარეო, იუსტიციის, შინაგან, თავდაცვისა და შერიგების მინისტრობის კანდიდატებმა წარუდგინეს. ითქვა, რომ მთავრობის შემდეგი 4 წლის პრიორიტეტი საქართველოს ევროინტეგრაცია იქნება, თუმცა ამ მხრივ კონკრეტული გეგმა არ გაჟღერებულა. ოცნების წევრები ირწმუნებიან, რომ პარლამენტში ოპოზიციის შესვლის გარეშეც რეფორმები გაგრძელდება და ქვეყანა ინსტიტუციურად გაძლიერდება. პარლამენტმა ქართული ოცნების მთავრობა 29 ნოემბერს უნდა დაამტკიცოს. #ახალიამბები #BusinessMediaGeorgia
საქართველოში დასაქმების მაჩვენებლები უმჯობესდება და 2024 წლის მესამე კვარტალში უმუშევრობის დონე 13.8%-მდე შემცირდა. თუმცა დადებითი მონაცემების მიუხედავად, ეკონომისტები ამბობენ, რომ ბოლო წლების განმავლობაში შრომის ბაზარზე ვითარება მნიშვნელოვნად არ გაუმჯობესებულა, რადგან გასულ პერიოდში უმუშევრობის შემცირება მნიშვნელოვანწილად გაზრდილი ემიგრაციითაა და სახელმწიფო დასაქმების მოკლევადიანი პროგრამით იყო განპირობებული. როგორ იცვლება დასაქმების მაჩვენებლები და რა განაპირობებს უმუშევრობის დონის შემცირებას. #ახალიამბები #BusinessMediaGeorgia
საქართველოში დასაქმების მაჩვენებლები უმჯობესდება და 2024 წლის მესამე კვარტალში უმუშევრობის დონე 13.8%-მდე შემცირდა. თუმცა გაუმჯობესებული მონაცემების მიუხედავად, ეკონომისტები ამბობენ, რომ ბოლო წლების განმავლობაში შრომის ბაზარზე ვითარება მნიშვნელოვნად არ გაუმჯობესებულა, რადგან გასულ პერიოდში უმუშევრობის შემცირება მნიშვნელოვანწილად გაზრდილი ემიგრაციითაა და სახელმწიფო დასაქმების მოკლევადიანი პროგრამით იყო განპირობებული. როგორ იცვლება დასაქმების მაჩვენებლები და რა განაპირობებს უმუშევრობის დონის შემცირება. #ახალიამბები #BusinessMediaGeorgia
თბილისის საკრებულომ დედაქალაქის 2025 წლის ბიუჯეტის პირველადი ვერსია შენიშვნებით თბილისის მერიას დაუბრუნა. მერია დოკუმენტს დააკორექტირებს და უკვე შეცვლილ ვერსიას საკრებულოში გადააგზავნის, სადაც 1 თვის ვადაში შესაბამისი დოკუმენტის დამტკიცება მოხდება. 2025 წლის ბიუჯეტის პირველადი ვერსია მილიარდ 781 მილიონ ლარზე არის დაგეგმილი, რაც გასული წლის დაზუსტებულ ბიუჯეტს 241 მილიონი ლარით ჩამორჩება, ხოლო დამტკიცებულ ვერსიაზე 62 მილიონი ლარით მეტია. საკრებულოში მიაჩნიათ რომ წლევანდელი ბიუჯეტი ტრანსფერების ხარჯზე დაკორექტირდება და 2 მილიარდ 100 მილიონ ლარს მიაღწევს. მომავალი წლის ბიუჯეტის ძირითად პარამეტრებზე გასული კვირის მიწურულს საკრებულოს ქონების მართვის და საფინანსო-საბიუჯეტო კომისიის თავმჯდომარესთან ვისაუბრეთ, ამ რანგში ირაკლი ხელაძეს BMG-თან ბოლო ინტერვიუ ჰქონდა, ხელაძემ გუშინ საკრებულოდან პარლამენტის საფინანსო საბიუჯეტო კომიტეტში გადაინაცვლა. ირაკლი ხელაძე - თბილისის საკრებულოს ქონების მართვისა და საფინანსო-საბიუჯეტო კომისიის ყოფილი თავმჯდომარე; #ახალიამბები #BusinessMediaGeorgia
პარლამენტში საქართველოს მთავრობის ახალი შემადგენლობის დამტკიცებას 28 ნოემბერს გეგმავენ. დღეიდან საკანონმდებლო ორგანოში მინისტრობის კანდიდატების საკომიტეტო მოსმენა დაიწყო. ამ წუთებში საგარეო ურთიერთობათა კომიტეტის სხდომაზე ამ წუთებში საგარეო საქმეთა მინისტრობის კანდიდატს, მაკა ბოჭორიშვილს უსმენენ. ჩემი კოლეგა გიგა ბენია მუშაობს პარლამენტში და შეფასებებით პირდაპირ ეთერში გვიერთდება. გიგა, ევროკავშირთან ურთიერთობები გართულებულია, დასავლელი პარტნიორები კი საუბრობენ საქართველოს ევროინტეგრაციის პროცესის შეჩერებაზე- რას ამბობენ ამის პარალელურად პარლამენტში მარტო დარჩენილი ოცნების დეპუტატები, როგორ აპირებენ ისინი ევროკავშირთან ურთიერთობის დალაგებას? #ახალიამბები #BusinessMediaGeorgia
ქართული ოცნების“ მთავრობაში საკადრო ცვლილებებია. პრემიერობის კანდიდატმა, ირაკლი კობახიძემ, დღეს დილით სპეციალურ ბრიფინგზე სამთავრობო გუნდის ახალი მინისტრობის კანდიდატები წარადგინა. პოსტებს საგარეო საქმეთა მინისტრი ილია დარჩიაშვილი, გარემოს დაცვისა და სოფლის მეურნეობის მინისტრი ოთარ შამუგია და იუსტიციის მინისტრი რატი ბრეგაძე ტოვებენ. ვინ დაიკავებს მათ ადგილს და როდის აპირებს პარლამენტი მთავრობის ახალი შემადგენლობისთვის ნდობის გამოცხადებას. #ახალიამბები #BusinessMediaGeorgia
პარლამენტის სასახლეში განვითარებული პროცესების თუ მისგარეთ გაკეთებული განცხადებების მიღმა, მეთერთმეტე მოწვევის პარლამენტის ლეგიტიმურობასთან დაკავშირებით კითხვები კონსტიტუციონალისტების განმარტებების ფონზე მაინც რჩება. მათი ნაწილი მიიჩნევს, რომ მეთერთმეტე მოწვევის პარლამენტის მიერ საკუთარი უფლებამოსილების ცნობა საკონსტიტუციო სასამართლოს გადაწყვეტილებამდე და მის მიერ მიღებული ნებისმიერი გადაწყვეტილებაც არალეგიტიმური იქნება. სპეციალისტები ამბობენ, რომ იმ პირობებში, როდესაც საკონსტიტუციო სასამართლოშია გასაჩივრებული დეპუტატების მანდატების კანონიერება, უფლებამოსილების ცნობა კონსტიტუციის დარღვევით მოხდა. თავად ქართულ ოცნებაში კი რომელმაც 150-ვე დეპუტატის უფლებამოსილება თავად ცნო, ამბობენ, რომ ყველაფერი კონსტიტუციის და კანონის დაცვით მოხდა. #ახალიამბები #BusinessMediaGeorgia
პარლამენტის სასახლეში ქართული ოცნების სიით 88 დეპუტატმა 150 დეპუტატის უფლებამოსილება ქუჩაში საპროტესტო აქციის ფონზე სცნო და მეთერთმეტე მოწვევის პარლამენტმა ამ რეალობაში ფუნქციონირება დაიწყო. საპარლამენტო თანამდებობები გადანაწილებულია, თავმჯდომარე დამტკიცებულია და პირველ სხდომაზე, საკადრო გადაწყვეტილებებთან ერთად კომიტეტებში კვოტები დამტკიცდა. XI მოწვევის პარლამენტში კომიტეტები 11-წევრიანი იქნება საიდანაც შვიდი წევრი უმრავლესობას ეყოლება. ოპოზიცია პარლამენტში შესვლაზე უარს ამბობს და უმეტესობა მანდატების დათმობისთვის ემზადება. ბარიერგადალახული პოლიტიკური პარტიების წევრების საქმიანობა პარლამენტის შენობის მიღმაა დაანონსებული. შენობის შიგნით სხდომაზე თანამოაზრეებმა პროცედურის შესაბამისად ყველა ეტაპი მშვიდ და შესაბამისი რეგლამენტით გაწერილი წესების დაცვით გაიარეს; #ახალიამბები #BusinessMediaGeorgia
კონსტიტუციონალისტების ნაწილი აცხადებს, რომ მეთერთმეტე მოწვევის პარლამენტის მიერ საკუთარი უფლებამოსილების ცნობა არაკონსტიტუციურია და მის მიერ მიღებული ნებისმიერი გადაწყვეტილებაც არაკონსტიტუციური იქნება. იურისტები ამბობენ, რომ იმ პირობებში, როდესაც საკონსტიტუციო სასამართლოშია გასაჩივრებული დეპუტატების მანდატების კანონიერება, უფლებამოსილების ცნობა კონსტიტუციის დარღვევით მოხდა. ახალიამბები #BusinessMediaGeorgia
#ბიზნესსიახლეები bm.ge-სგან / 25.11.2024 საქართველომ 10 თვეში $32,5 მილიონის მეორეული ტანსაცმელი შეიძინა; დარიჩინის იმპორტი მცირედით გაძვირდა - საიდან შემოგვაქვს? ქართული სიმინდის საექსპორტო ფასი 16-ჯერ შემცირდა; "გაფართოებაზე უარი ვთქვით, ქვეყანაში არსებული ვითარების გამო, არ ვიცით რა გველოდება" - "ფაფრის ველი"; გაზრდილია ქართველი პენსიონერების რაოდენობა, რომლებიც საზღვარგარეთ მოგზაურობენ - Travel To Georgia; #ახალიამბები #BusinessMediaGeorgia
პარლამენტში ქართული ოცნების შეკრება გარეთ პროტესტის ფონზე მიმდინარეობდა. რუსებო! მონებო! შეძახილები ისმის მთელი დღის მანძილზე. რას ნიშნავს ოცნების დღევანდელი შეკრება? რამდენად აზიანებს მიმდინარე პროცესები ქვეყნის იმიჯს და როგორ აისახება ის საინვესტიციო გარემოზე? სტუმარი: ზაზა ბიბილაშვილი - ჭავჭავაძის ცენტრის დამფუძნებელი; #ახალიამბები #BusinessMediaGeorgia
ქართული ოცნება მის მიერ აღიარებულ მთავრობაში საკადრო ცვლილებებს აანონსებს. პრემიერობის კანდიდატმა, ირაკლი კობახიძემ, დღეს დილით სპეციალურ ბრიფინგზე სამთავრობო გუნდის ახალი მინისტრობის კანდიდატები წარადგინა. პოსტებს საგარეო საქმეთა მინისტრი ილია დარჩიაშვილი, გარემოს დაცვისა და სოფლის მეურნეობის მინისტრი ოთარ შამუგია და იუსტიციის მინისტრი რატი ბრეგაძე ტოვებენ. ვინ დაიკავებს მათ ადგილს და როდის აპირებს ქართული ოცნების პარლამენტი მთავრობის ახალი შემადგენლობისთვის ნდობის გამოცხადებას #ახალიამბები #BusinessMediaGeorgia
პროტესტის, ევროპელების მოლოცვების გარეშე და ასევე ელჩების გარეშე ქართული ოცნება პარლამენტში შეიკრიბა. სხდომა, რომელსაც იურისტები არალეგიტიმურს უწოდებენ, 12 საათზე დაიწყო. სხდომას ესწრება ბიძინა ივანიშვილიც. ოცნებამ 150-ვე დეპუტატის უფლებამოსილება ცნო, პარლამენტის თავმჯდომარის პოსტზე კანდიდატად შალვა პაპუაშვილი წარადგინა. უმრავლესობის ლიდერია მამუკა მდინარაძე გახდა. რა ხდება პარლამენტში? #ახალიამბები #BusinessMediaGeorgia