თბილისში, დაახლოებით, 10 000 ავარიული შენობა-ნაგებობაა - ეს ინფორმაცია #BMG-სთან დედაქალაქის მთავრობამ რამდენიმე თვის წინ განაახლა, თუმცა უფრო ახალი და კონკრეტული მონაცემი თბილისის მერიისგან ამ დროისთვის არ გვაქვს.

კანონმდებლობით განსაზღვრული წესის მიხედვით, მუნიციპალიტეტი ავარიული სახლების ჩანაცვლებას მაცხოვრებლებისათვის ან იმავე მიწაზე ან მიმდებარე ტერიტორიაზე განთავსებულ ახალ შენობა ნაგებობაში ან მიმდებარედ არსებულ ფართებში უზრუნველყოფს.

კანონმდებლობა განსაზღვრავს იმ ფართსაც რაც მოქალაქეს უნდა გადაეცეს და გაწერილია ისიც, რომ ჩანაცვლების პროგრამაში ჩართვისთვის აუცილებელია შენობა III, IV ან V კატეგორიას მიეკუთვნებოდეს.

ავარიული სახლების ჩანაცვლებისას 100%-იანი თანხმობა იმ შემთხვევაში არ არის საჭირო, თუ ახალი კორპუსი აშენდება მუნიციპალიტეტის საკუთრებაში არსებულ სხვა მიწის ნაკვეთზე.

რაც შეეხება საქართველოს სივრცის დაგეგმარების, არქიტექტურული და სამშენებლო საქმიანობის კოდექსს. კოდექსის 56-ე მუხლის მე-7 პუნქტის მიხედვით, თუ უძრავი ქონება ავარიულია, გამაგრებას არ ექვემდებარება, და მისი არსებობა ადამიანის ჯანმრთელობას ან/და სიცოცხლეს საფრთხეს საფრთხეს უქმნის, ასეთი შენობის დემონტაჟს მესაკუთრის თანხმობა არ სჭირდება.

ასევე ამავე კოდექსის 137-ე მუხლში გაწერილია, პასუხისმგებლობის საკითხიც. თუ ავარიული შენობა-ნაგებობის მესაკუთრე ინფორმირებულია, რომ შენობა საფრთხის შემქმნელია, მაშინ ვალდებულია მაქსიმუმ 10 დღეში მუნიციპალიტეტის შესაბამის ორგანოს აცნობოს და მთავრობის სამართლებრივი აქტით დადგენილ ვადაში მშენებლობის ნებართვის გამცემ ადმინისტრაციულ ორგანოს ავარიული შენობა-ნაგებობის რეკონსტრუქციის ან დემონტაჟის ნებართვის გაცემის მოთხოვნით მიმართოს და ნებართვის მიღების შემდეგ დემონტაჟი დაიწყოს. თუ კანონით გაწერილი ეს პროცესი არ შესრულდა ჯარიმა 5000 ლარია .

რა მოხდა სადგურის მოედანზე? ამაზე ზუსტი ინფორმაცია ჯერჯერობით ხელმიუწვდომელია. ადგილობრივების ინფორმაციით ავარიულობის და საფრთხის შესახებ დედაქალაქის მთავრობას არაერთხელ მიმართეს.

ვის ეკისრება პასუხისმგებლობა სადგურის მოედანზე მომხდარ ფაქტთან დაკავშირებით, როგორი სქემით მუშაობს

#ახალიამბები #BusinessMediaGeorgia