ეროვნულმა ბანკმა ოქროს რეზერვები გაზარდა. სებ-მა საერთაშორისო რეზერვებისთვის დამატებით 100 მლნ დოლარის ღირებულების უმაღლესი სინჯის ოქროს ზოდები შეიძინა. მიმდინარე ფასებით აღნიშნული ოქროს წონა 745 კილოგრამია. შედეგად, მთლიანობაში, ოქროზე საქართველოს სავალუტო რეზერვების 15.5% მოდის. ფინანსისტების ნაწილის შეფასებით, გეოპოლიტიკური ვითარების გამო სხვადასხვა ვალუტების მერყეობის ფონზე, ოქროს მიმართულებით რეზერვების დივერსიფიცირება სწორი გადაწყვეტილებაა. ამავდროულად მათი ნაწილი ელის, რომ მიმდინარე წელს სავალუტო რეზერვების დაგროვების ტემპი შესაძლოა, შენელდეს. როგორია დღეს საქართველოს საერთაშორისო რეზერვების სტრუქტურა და რა გეგმები აქვს სებს რეზერვების მართვის კუთხით.


#ახალიამბები #BusinessMediaGeorgia