ნავთობპროდუქტების გაძვირებასთან ერთად, ქვეყანაში დიზელის საწვავის მოხმარება და იმპორტი შემცირდა. ბენზინის მოხმარება კი სტაბილურ ნიშნულზეა. როგორც ნავთობპროდუქტების იმპორტიორთა კავშირში აცხადებენ, მიუხედავად გლობალური არასტაბილურობისა, საქართველოს საწვავის დეფიციტი არ ემუქრება, თუმცა ფასების კლების პროგნოზირება ამ ეტაპზე შეუძლებელია. ორგანიზაცია განმარტავს, რომ ბოლო ორი კვირაა ბაზარი სტაბილურია, თუმცა ეს სტაბილურობა მაღალი ფასების ფონზე ნარჩუნდება. პარალელურად, „ვისოლ ჯგუფში“ აცხადებენ, რომ დღემდე ბრენდის სადგურები ახლო აღმოსავლეთის ომამდე დაგროვებულ მარაგებს იყენებდა, რის გამოც, ქსელში ფასი ისე არ გაძვირებულა, როგორც ეს მოსალოდნელი იყო.

#ახალიამბები #BusinessMediaGeorgia