ეროვნულ ბანკს ციფრული ლარის გამოშვების უფლება მიენიჭა. პარლამენტის მიერ დაჩქარებული წესით “ეროვნული ბანკის შესახებ“ კანონში მიღებული ცვლილებები მათ შორის განსაზღვრავს, ეროვნული ბანკის უფლებამოსილებებს ციფრული ლარის დამზადების, ემისიისა და მიმოქცევის მიმართულებით. როგორც საკომიტეტო განხილვებზე საფინანსო-საბიუჯეტო კომიტეტის თავმჯდომარემ პაატა კვიჟინაძემ განმარტა, საქართველო ყურადღებით დააკვირდება ევროკავშირის გამოცდილებას, სადაც ციფრული ვალუტის ეტაპობრივი დანერგვის პროცესი უკვე აქტიურად მიმდინარეობს. საფინანსო და ტექნოლოგიური სექტორის წარმომადგენლების ნაწილი კი საქართველოში ციფრული ლარის დანერგვის პერსპექტივას დადებითად აფასებს და მიაჩნიათ, რომ ციფრული ვალუტა გარდა გადახდის საშუალებისა, სხვადასხვა ტექნოლოგიების მიმართულებითაც უნდა დაინერგოს. როგორია საერთაშორისო გამოცდილება ციფრული ვალუტების მიმართ და რა პერსპექტივა აქვს საქართველოში ციფრული ვალუტის გამოშვებას?


#ახალიამბები #BusinessMediaGeorgia