ახლო აღმოსავლეთში კრიზისის მიუხედავად საქართველოში ტურიზმის სექტორმა ზრდის შენარჩუნება შეძლო. როგორც 9 თვეში, ასევე მესამე კვარტალში მაჩვენებლები როგორც რაოდენობრივ, ისე შემოსავლების ნაწილში გაზრდილია და რეკორდულ ნიშნულზეა. ტურიზმის ეროვნული ადმინისტრაციის ინფორმაციით, წელს, იანვარ-სექტემბერში საქართველოში 6 მილიონზე მეტი საერთაშორისო მოგზაურის ვიზიტი შედგა, რაც 2025 წლის ანალოგიურ პერიოდთან შედარებით 0.04%-ით მეტია. ტურისტული ვიზიტების მაჩვენებელი კი 4 მილიონს აჭარბებს, ისტორიულ მაქსიმუმზეა და წინა წელთან შედარებით, 2.3%-იან ზრდას აჩვენებს. ეროვნული ბანკის მონაცემებით, ამავე პერიოდში ტურიზმიდან შემოსავლები 4.4%-ით გაიზარდა და 3.8 მილიარდი დოლარი შეადგინა - როგორ აისახება რიცხვები ტურისტული ბიზნესის რეალური შედეგებში?



#ახალიამბები #BusinessMediaGeorgia