ტურიზმის ეროვნული ადმინისტრაციის ინფორმაციით, 2025 წლის მეორე კვარტალში საერთაშორისო მოგზაურების ვიზიტების რაოდენობა წლიურად 7%-ით 1 838 913-მდე გაიზარდა. რაც შეეხება ტურისტულ ვიზიტებს, იანვარ-ივნისის მონაცემებით, ასეთი ჯამში 2.3 მილიონი ვიზიტი იყო, რაც 2024 წელთან შედარებით 7%-ით მეტია.

ტურიზმის ეროვნული ადმინისტრაციის ინფორმაციით, მიმდინარე წლის 6 თვეში საერთაშორისო ვიზიტორების ვიზიტები წლიურად 4.6%-ით 2 810 524-მდე გაიზარდა. აქედან ტურისტული ვიზიტები 2 270 363 იყო, რაც წლიურად ასევე 7%-ით გაზრდილი მაჩვენებელია. ერთდღიანი ვიზიტებში კი 4%-იანი კლებაა და 540 161-ს შეადგენს.

მიმდინარე წლის ორ კვარტალში ტრადიციულად ყველაზე მეტი ვიზიტი რუსეთიდან შედგა. ჯამში ორ კვარტალში რუსეთიდან 581 099 ვიზიტი განხორციელდა, რაც 10%-იანი ზრდაა. მეორე ადგილზეა თურქეთი, საიდანაც კლება 14.5%-ია. Top 10 ქვეყანა, საიდანაც 6 თვეში საქართველოში ყველაზე მეტი ვიზიტი შედგა ასე გამოიყურება: რუსეთს და თურქეთს მოჰყვება სომხეთი. მეოთხე ადგილზეა ისრაელი თითქმის 36%-იანი ზრდით და ხუთეულს ასრულებს აზერბაიჯანი ასევე 36%-იანი მატებით.

ტოპ ქვეყნებში მოხვდა ინდოეთი, საიდანაც წლის 6 თვეში 75 893 ადამიანი შემოვიდა, ზრდა 31.4%-ია, შემდეგ მოდის ყაზახეთი 10%-იანი კლებით და ათეულს ასრულებს ირანი, უკრაინა და ჩინეთი. ამ უკანასკნელის შემთხვევაში ზრდა 42%-ს აღემატება.
როგორც სტატისტიკა აჩვენებს, ევროკავშირის ვერცერთი ქვეყანა ათეულში ვერ მოხვდა.

2025 წლის ორ კვარტალში ევროკავშირის ქვეყნებიდან (დიდი ბრიტანეთის ჩათვლით) თითქმის 202 ათასი ვიზიტი შედგა, შარშანდელთან შედარებით ზრდა 10.2%-ია.

როგორ ტრანსფორმირდა ტურიზმის სექტორი 2025 წელს მიმდინარე პროცესების გათვალისწინებით და რამდენად კმაყოფილია სექტორი სეზონით?

სტუმარი: ნატა კვაჭანტირაძე - საქართველოს ტურიზმის ასოციაციის ხელმძღვანელი;

#ახალიამბები #BusinessMediaGeorgia