მიუხედავად იმისა, რომ დღეს პრემიერმა მაკროეკონომიკური მაჩვენებლები შეაფასა, არაფერი უთქვამს პირდაპირ უცხოურ ინვესტიციებზე, რომელიც საქსტატის მონაცემებით ზედიზედ მეორე კვარტალია კლებას
აჩვენებს. წინასწარი მონაცემებით მეორე კვარტალში საქართველოში 468.8 მლნ დოლარის პირდაპირი უცხოური ინვესტიცია ჩაიდო, რაც 2025 წლის II კვარტალის დაზუსტებულ მონაცემებზე 23.2%-ით ნაკლებია. FDI-ში კლებაა I-II კვარტლის ჯამური მონაცემებითაც. 6 თვეში პირდაპირი უცხოური ინვესტიციები 22%-ით, $750.1 მილიონამდეა შემცირებული. საქსტატის განმარტებით, II კვარტალში კლება ძირითადად რეინვესტიციის მაჩვენებლის შემცირებამ განაპირობა. აღსანიშნავია ისიც, რომ 6 თვეში საქართველოში ყველაზე მეტი FDI ჩინეთიდან შემოვიდა. ეკონომისტების
და კერძო სექტორის ნაწილი კი ქვეყანაში FDI-ის კლებას საინვესტიციო გარემოს გაუარესებას უკავშირებს. რომელ სექტორებში ფიქსირდება ინვესტიციების კლება და ზრდის ტენდენცია და როგორია შეფასებები ინვესტიციების მაჩვენებელთან დაკავშირებით.

#ახალიამბები #BusinessMediaGeorgia