„ბაზისბანკსა” და „ლიბერთი ბანკს” შორის მიმდინარე მოლაპარაკებების გააქტიურების შესახებ BMG-სთვის ცნობილი ჯერ კიდევ რამდენიმე თვის წინ გახდა. ეს ფაქტი გუშინ ეროვნულმა ბანკმაც დაადასტურა და განმარტა, რომ საუბარია ბაზისბანკის მიერ ლიბერთის 95.99%-ის შესაძლო შეძენაზე. ვიდრე მარეგულირებელი შესაძლო კონცენტრაციის კონკურენტულ გარემოსთან თავსებადობის საკითხს სწავლობს, იქამდე ლიბერთის მფლობელი, ბიზნესმენი ირაკლი რუხაძე აღნიშნავს, რომ მხარეები გარიგების დასრულებასთან ახლოს არიან და ამ ეტაპზე შეთანხმების ბოლო შტრიხებზე მუშაობენ. თუკი ეს გარიგება შედგება, საფინანსო სექტორში გაჩნდება ბანკი, რომლის აქტივები დაახლოებით 10 მილიარდი ლარი იქნება, ხოლო საკრედიტო პორტფელი 7 მილიარდი. აქტივებით და კრედიტების ზომით ამ კონცენტრაციის შედეგად მიღებული საფინანსო ორგანიზაცია საბანკო სისტემის 10%-ზე მეტ წილს დაიკავებს. როგორ აისახება „ბაზისბანკის“ მიერ „ლიბერთი ბანკის“ შეძენა საბანკო კონცენტრაციასა და კონკურენციაზე და რა ადგილს დაიკავებს მესამე მსხვილი ბანკი ბაზარზე?

სტუმარი: მარინა გულედანი - კაპიტალის ბაზრის ექსპერტი

#ახალიამბები #BusinessMediaGeorgia