ევროკავშირის მიერ დაფინანსებული პროექტის — QUIS ფარგლებში ჩატარებული ბიზნესკვლევის შედეგებმა აჩვენა, რომ კომპანიების 75% არ ფლობს ISO/EN სერტიფიკატს, თუმცა 70% დაინტერესებულია მისი მიღებით. ამავე კვლევის ფარგლებში გამოკითხული კომპანიების უმრავლესობას (75%) არ აქვს რომელიმე საერთაშორისო სერტიფიკატი, თუმცა, მათი უმეტესობა აპირებს მიღებას. ეს მაჩვენებელი ყველაზე მაღალი სამშენებლო სექტორშია, ყველაზე დაბალი კი ტექსტილის ინდუსტრიაში. იმ კომპანიებს, რომელთაც სურთ საერთაშორისო სერტიფიკატის ქონა, ესაჭიროებათ სხვადასხვა მიმართულებით დახმარება. უმრავლესობისთვის, გამოკითხულთა 46%-სთვის, ფინანსურ ნაწილში დახმარებაა საჭირო, 18%-ს ხარისხიანი სისტემის დანერგვისთვის სჭირდება კონსულტაცია, 17%-ს - ტრენინგები და ცოდნის გაუმჯობესება სურთ, 17%-ი - ცნობიერების ამაღლებას საჭიროებს. კვლევის ფარგლებში გამოიკითხა 87 კომპანია: 28 სამშენებლო ბიზნესი, 18 - ავეჯის, 20 - ტექსტილის, 6 - სათამაშოების, 5 - შეფუთვის, ხოლო 10 სხვა ბიზნესში მომუშავე კომპანია.

სტუმარი: გიორგი გუდაბანძე - SavvY-ის ასოცირებული პარტნიორი

#ახალიამბები #BusinessMediaGeorgia