გარემოს დაცვითი შეფასების კოდექსში ცვლილებები შევიდა- პარლამენტმა შესაბამისი გადაწყვეტილება 26 ივნისს მიიღო. წარმოდგენილი ცვლილებების მიზანი ბიზნესისთვის გარემოზე ზეგავლენის შეფასების პროცედურების გამარტივება იყო, კერძო სექტორში კანონში შესულ ცვლილებებს დადებითად აფასებენ თუმცა ამბობენ რომ გამოწვევები დღის წესრიგში რჩება, რომელზეც საკანონმდებლო ორგანომ ბიზნესთან უნდა ილაპარაკოს. მათი თქმით, კანონპროექტის პირველადი რედაქცია ბიზნესისთვის უფრო მეტ ხელისშემწყობ მექანიზმს ითვალისწინებდა, თუმცა პარლამენტმა ცვლილებების დიდი ნაწილი არ გაითვალისწინა. რა იცვლება ბიზნესისთვის, რომელსაც პროექტის განხორციელებისთვის გარემოზე ზეგავლენის შეფასების დოკუმენტის მომზადების ვალდებულება აქვს, რამდენად რჩება დღის წესრიგში ამ მიმართულებით გამოწვევები და რა საშეღავათო მექანიზმები დაუბლოკა საკანონმდებლო ორგანომ გარემოს დაცვისა და სოფლის მეურნეობის სამინისტროს?


#ახალიამბები #BusinessMediaGeorgia