გარემოს დაცვითი შეფასების კოდექსში ცვლილებები შევიდა- პარლამენტმა შესაბამისი გადაწყვეტილება 26 ივნისს მიიღო. წარმოდგენილი ცვლილებების მიზანი ბიზნესისთვის გარემოზე ზეგავლენის შეფასების პროცედურების გამარტივება იყო. გარემოს დაცვისა და სოფლის მეურნეობის სამინისტროს მომზადებული საკანონმდებლო წინადადება პარლამენტმა დააკორექტირა. გარემოს დაცვითი საკონსულტაციო კომპანიების
წარმომადგენლების შეფასებით პირვანდელი ინიციატივის მოდიფიკაციის მიუხედავად, გზშ-ს განხილვის პერიოდი გაიზარდა, თუმცა ფასიანი სერვისი ამოქმედდა და მისი ღირებულების ზედა ზღვარი 15 000 ლარით არის განსაზღვრული. ცვლილებები თავდაპირველად ენერგეტიკის სექტორს შევაფასებინეთ, სადაც ამბობენ, რომ ცვლილებებზე მუშაობისას ბიზნესთან კომუნიკაცია არ ყოფილა. საქართველოს განახლებადი ენერგიების ასოციაციის აღმასრულებელი დირექტორი კანონმდებლებს უკვე მიღებულ ცვლილებების კიდევ ერთხელ გადახედვას პრაქტიკაში მათი გამოყენების შემდეგ ბიზნესთან კონსულტაციის საფუძველზე ურჩევს.

გარემოსდაცვითი შეფასების კოდექსი პროექტებს 2 ნაწილად ყოფს - მსხვილი პროექტები, რომლებსაც გარემოს ზეგავლენის შეფასების ჩატარების ვალდებულება აქვთ და პროექტები, რომლებისთვისაც ამ ვალდებულების გაჩენა სკრინინგის პროცედურაზე და შესაბამისი უწყების გადაწყვეტილებაზეა დამოკიდებული. ეს საქმიანობები კოდექსში დანართების სახით არის წარმოდგენილი, სადაც ცვლილებები განიხილებოდა. ამ ნაწილში ცვლილებები ამოქმედდა გზების და ხიდების მშენებლებისთვის. გარემოზე ზეგავლენის შეფასების პროცედურა აღარ დასჭირდება ისეთი ხიდის მშენებლობას, რომელიც შენდება არსებული ხიდის ჩასანაცვლებლად ან მიმდინარე ტერიტორიაზე. რა იცვლება ინფრასტრუქტურის მშენებელი კომპანიებისთვის, რამდენად ეხმიანება ახალი კანონმდებლობა პროცესში არსებულ გამოწვევებს და პრობლემები რჩება დღის წესრიგში?

სტუმარი: ირაკლი გიორგობიანი - ინფრასტრუქტურის მშენებელთა ასოციაციას ახალი აღმასრულებელი დირექტორი


#ახალიამბები #BusinessMediaGeorgia