14 ივლისს ვაგზლის მიმდებარე ტერიტორიაზე შენობის ჩამონგრევამ, რასაც ორი ადამიანი ემსხვერპლა, ავარიული შენობების პრობლემის სიმწვავე დღის წესრიგში კიდევ ერთხელ დააყენა. მხოლოდ დედაქალაქში 10 000-მდე ავარიული შენობაა, რომელიც ან გამაგრებას საჭიროებს ან აუცილებელია მისი დემონტაჟი. სახლი, რომელიც გუშინ ჩამოინგრა, ავარიული შენობების მესამე კატეგორიას მიეკუთვნება და ავარიული შენობების ჩანაცვლების პროგრამით გათვალისწინებულ პირობებს აკმაყოფილებს. თბილისის მუნიციპალიტეტის მერიაში ამბობენ, რომ მოსახლეობა შენობის დაზიანების ხარისხის შესახებ ინფორმირებული იყო, თუმცა მისი დემონტაჟი მაცხოვრებლების ნაწილის წინააღმდეგობის გამო ვერ განხორციელდა.
ჰქონდა თუ არა უფლება მერიას მობინადრეების სრული თანხმობის გარეშე შენობის დემონტაჟის და თუ მუნიციპალიტეტისთვის შენობის ავარიული მდგომარეობის შესახებ ცნობილი იყო, რატომ არ მიიღო მათ შორის ავარიული შენობის გარე პერიმეტრზე ადამიანების უსაფრთხოების უზრუნველსაყოფად შესაბამისი ზომები- ამ საკითხებზე მოსაზრებები არაერთგვაროვანია.
რა წერია საკრებულოს შესაბამის დადგენილებაში და რა განმარტებას იძლევა ქვეყანაში მოქმედი სამშენებლო კოდექსი, თუ უძრავი ქონება ავარიულია და გამაგრებას არ ექვემდებარება.

#ახალიამბები #BusinessMediaGeorgia