თბილისში, ვაგზლის მიმდებარე ტერიტორიაზე შენობის ჩამონგრევამ, რასაც ორი ადამიანი ემსხვერპლა, კიდევ ერთხელ დააყენა დღის წესრიგში ავარიული შენობების პრობლემის სიმწვავე, რადგან მხოლოდ დედაქალაქში 10 000-მდე ავარიული შენობაა, რომელიც ან გამაგრებას საჭიროებს ან აუცილებელია მისი დემონტაჟი. სახლი, რომელიც გუშინ ჩამოინგრა, ავარიული შენობების მესამე კატეგორიას მიეკუთვნება და აკმაყოფილებს ავარიული შენობების ჩანაცვლების პროგრამით გათვალისწინებულ პირობებს. თბილისის მუნიციპალიტეტის მერია ამბობს, რომ მოსახლეობა ინფორმირებული იყო შენობის დაზიანების ხარისხის შესახებ, თუმცა მისი დემონტაჟი მაცხოვრებლების ნაწილის წინააღმდეგობის გამო ვერ განხორციელდა. აზრი ორად იყოფა, ჰქონდა თუ არა უფლება მერიას მობინადრეების სრული თანხმობის გარეშე მოეხდინა შენობის დემონტაჟი და თუ მუნიციპალიტეტისთვის ცნობილი იყო შენობის ავარიული მდგომარეობის შესახებ, რატომ არ მიიღო მათ შორის ავარიული შენობის გარე პერიმეტრზე ადამიანების უსაფრთხოების უზრუნველსაყოფად შესაბამისი ზომები. ვისზეა ამ შემთხვევაში პასუხისმგებლობა, რა წერია ოფიციალურ დოკუმენტებში და რა შემთხვევაში, რისი უფლება აქვს მოქალაქეს და მუნიციპალიტეტს, თუ უძრავი ქონება ავარიულია და გამაგრებას არ ექვემდებარება?

სტუმრები: ოთარ კაჭკაჭაშვილი - იურიდიული კომპანია " ოქეი ენდ სი ჯი", დამფუძნებელი და დირექტორი;
კობა ყალიჩავა - "სამშენებლო კოდექსის" თანაავტორი

#ახალიამბები #BusinessMediaGeorgia