ჩინური კომპანია საქართველოში ნავთობისა და გაზის რესურსების კვლევა/ძიების სამუშაოებს განახორციელებს. ქართულ მხარესთან 25-წლიანი თანამშრომლობის ხელშეკრულება მეათე სალიცენზიო ფართობზე 4 3 36 კვადრატულ კილომეტრს მოიცავს და თიანეთის, საგარეჯოს, ახმეტის, თელავის, ყვარლის, სიღნაღის, გურჯაანისა და ლაგოდეხის რაიონებს მოიცავს, რომელსაც ნავთობისა და გაზის მოპოვების თვალსაზრისით პოტენციალით გამოირჩევა. საუბარია კომპანია West Galf Petroleum-ზე, რომელსაც ნავთობისა და გაზის რესურსებით სარგებლობის უფლება საქართველოში V სალიცენზიო ბლოკზე 2017 წელს ჩატარებული ტენდერით აქვს მოპოვებული და 2018-2024 წლების განმავლობაში კომპანიის მიერ საქართველოში ჩატარებულ სამუშაოებში განხორციელებულმა ინვესტიციებმა 20 მლნ აშშ დოლარამდე შეადგინა. ნავთობისა და გაზის სააგენტოს ინფორმაციით, საქართველოს სალიცენზიო ბლოკებზე ნავთობისა და გაზის რესურსებით სარგებლობის გენერალური ლიცენზიები 12 კომპანიაზეა გაცემული. ნავთობისა და ბუნებრივი აირის მოპოვება კი შვიდ სალიცენზიო ბლოკზე მიმდინარეობს. ნავთობის და გაზის კორპორაციის მონაცემებით, 2024 წელს ქვეყანაში 37 ათას ტონამდე ნავთობი და 16 მლნ მ3 გაზი მოიპოვეს. წლების განმავლობაში ჩატარებული კვლევებით დასტურდება, რომ საქართველოში ნავთობისა და გაზის გარკვეული მარაგები არსებობს, მათ შორის შავი ზღვის შელფზე გარკვეულ არეალში 400-ზე მეტი თავისუფალი გაზის მოდინების წერტილია, რომლის შემადგენლობაში ასევე აღმოჩენილია წყალბადი. შესაბამისი მოკვლევა ტექნიკური უნივერსიტეტის კვლევითმა ჯგუფმა 90-იან წლებში ჩაატარა. ნავთობის და გაზის რა რესურსები შეიძლება გააჩნდეს ქვეყანას და რამდენად იყენებს ქვეყანა ამ რესურსებს?

სტუმარი: გიორგი ჭაღიაშვილი - ტექნიკური უნივერსიტეტის გაზის მიმართულების კვლევითი ჯგუფის ასისტენტ პროფესორი და ენერგეტიკოსი

#ახალიამბები #BusinessMediaGeorgia