მსხვილი საინვესტიციო ჯგუფის დამფუძნებლის დაკავება და ყოფილი თანამდებობის პირის თვითმკვლელობის მცდელობა, - ბოლო 2 დღის მოვლენებს საზოგადოებაში არაერთი ვერსია და აზრთა სხვადასხვაობა მოჰყვა. მიუხედავად იმისა, რომ ადვოკატის განცხადებით, თავად გიორგი რამიშვილი ამ ინციდენტს პოლიტიკურ პროცესებს არ უკავშირებს, მაინც არის ვარაუდები და ეჭვები, რომ Silk Road Group-ის დამფუძნებლის დაკავება სხვა ბიზნესმენების მიმართ ერთგვარი გზავნილია. კერძო სექტორის წარმომადგენლების ნაწილი აცხადებს, რომ ზოგადად ქვეყანაში ბოლო პერიოდში შექმნილი ვითარება ბიზნესგარემოზე ნეგატიურად აისახება და ბიზნესს აქტივობის სურვილს უკლავს.


#ახალიამბები #BusinessMediaGeorgia