პანდემიის პერიოდში, მაშინ, როცა მსოფლიოს მასშტაბით, კომპანიები დისტანციურ მუშაობაზე გადავიდნენ, დასაქმებულებს უფრო მეტი დრო გამოუთავისუფლდათ და ცხოვრების და პროფესიული, სამუშაო ცხოვრების უკეთესად შეთავსება ისწავლეს. ფორბსმა კვლევა ჩაატარა, რომლის ფარგლებშიც ქალაქები შეისწავლა და იმ ქალაქების რეიტინგი შეადგინა სადაც ადამიანები ყველაზე კარგად ახერხებენ პროფესიული და ცხოვრების ბალანსს. მაგალითად ამ კვლევამ აჩვენა რომ ბრიტანელი დასაქმებულების 54%-ს ურჩევნია დასაქმდეს დაბალ ანაზღაურებად პოზიციაზე, სანაცვლოდ კი სამსახურის გარდა, სხვა აქტივობისთვის უფრო მეტი დრო დარჩეს. #ახალიამბები #BusinessMediaGeorgia
თბილისის მერია ისტორიულ უბნებში ავარიული შენობების ჩანაცვლებას იწყებს. თბილისის მუნიციპალიტეტის მთავრობის მიერ შემუშავებული პროგრამის მიხედვით, ისტორიულ უბნებში მერია ავარიული სახლების ჩანაცვლების პროცესში ბიზნესი შემოჰყავს. რას სთავაზობენ დეველოპერულ სექტორს და ისტორიული უბნების მაცხოვრებლებს? #ახალიამბები #BusinessMediaGeorgia
საქართველოს ხორბლისა და ფქვილის მწარმოებელთა ასოციაცია რუსული ფქვილის იმპორტის მკვეთრი ზრდის გამო მთავრობას ახალი ხედვის შემუშავებისკენ მოუწოდებს. სტატისტიკის მიხედვით, 202 000 ტონა ფქვილის იმპორტით საქართველო რუსეთისთვის ნომერ პირველი საექსპორტო ბაზარი გახდა. შედეგად, საქართველოში ხორბლის გადამუშავება არაკონკურენტულია, რამაც წისქვილკომბინატების გაჩერება გამოიწვია. ასოციაცია მთავრობას შეთავაზებას უკეთებს, რომლის მთავარ მიზანს პურის ფასის შენარჩუნების გარანტია წარმოადგენს. შეთავაზება გულისხმობს, რომ დაწესებულ იქნას დამაბალანსებელი საიმპორტო მოსაკრებელი იმპორტირებულ ფქვილზე, რაც გაათანაბრებს ფქვილისა და ხორბლის იმპორტის საგადასახადო რეჟიმებს. ასეთ შემთხვევაში წისქვილკომბინატები იღებენ ვალდებულებას, რომ შენარჩუნდება ე.წ. „მასობრივი მოხმარების“ პურზე გარანტირებული ფასი, ადგილობრივი ფერმერებისაგან შეისყიდონ 2022 წლიდან დარჩენილი ჩაუბარებელი ხორბალი, ხარისხების შესაბამის ფასად და შექმნან სასურსათო უსაფრთხოების უზრუნველყოფად ხორბლის 2 თვიანი გარდამავალი მარაგები. საკითხის გადაჭრის მიზნით, ხორბლის და ფქვილის მწარმოებელთა ასოციაცია საქართველოს მთავრობას 3-პუნქტიანი შეთავაზებით მიმართავს, რომლის განხორციელების შემთხვევაში რამდენიმე ვალდებულებას იღებს. ასოციაციის თავმჯდომარის თქმით, აუცილებელია ფქვილის იმპორტზე დამაბალანსებელი გადასახადის შემოღება, რომელიც რეალურად აქამდე გაჟღერებული სარკისებური გადასახადისგან განსხვავდება. მისი განმარტებით, ცვლილებებით ფქვილის ადგილობრივი მწარმოებლები და იმპორტიორები კონკურენტულ პირობებში აღმოჩნდებიან, პარალელურად კი ინდუსტრია პირობას დებს, რომ არც სოციალური პურის ფასი გაიზრდება. #ახალიამბები #BusinessMediaGeorgia
#ბიზნესსიახლეები BM.GE-სგან / 14.03.2023 „ექსპორტისთვის თებერვალი ყოველთვის პასიურია“ - რა ელის ექსპორტის მაჩვენებლებს მომავალ თვეებში? „ვფიქრობთ, რომ „სათიბე“ მალე ტურისტული ჰაბი გახდება“ - ირაკლი გაფრინდაშვილი; "რითეილ სექტორთან თანამშრომლობას ბევრი ბარიერი აქვს” - ადგილობრივი წარმოება; „თელიანი ველი“: „საექსპორტო მიმართულებით პრიორიტეტია გერმანია და აშშ“; "დღეს ახალგაზრდებს გრძელვადიანი პერსპექტივა აინტერესებთ" - კახა ხაზარაძე კადრების დეფიციტზე; „გვინდა ექსპორტზე გასვლა, მაგრამ ამ კუთხით ბევრი სამუშაოა“ – კოსმეტიკის ბრენდი „ეიფორია“; „წლის ბოლომდე მზიურში ახალ მულტიფუნქციურ სივრცეს გავხსნით“ - „თამაშობანა“; #ახალიამბები #BusinessMediaGeorgia
„ყველა წისქვილი გაჩერდა... ფერმერები ხორბალს ვერ აბარებენ“. ხორბლისა და ფქვილის სექტორის წარმომდგენლები ამბობენ, რომ არსებული მდგომარება რუსეთში ხორბლის ექსპორტზე დაწესებული ბაჟით და ფქვილზე ნულოვანი ბაჟით არის განპირობებული. კერძო სექტორს მთავრობასთან შეთავაზება აქვს, რომელიც მეხორბლეთა ასოციაციამ დღეს დილით გაავრცელა. #ახალიამბები #BusinessMediaGeorgia
22 თებერვალს ავტობანზე სამტრედია-გრიგოლეთის I მონაკვეთზე ხიდის ნაწილი ჩავარდა. დღეს დილით კი მედიაში გავრცელდა ინფორმაცია უბისა-შორაპნის მონაკვეთზე ფერდის ჩამოშლასთან დაკავშირებით. საავტომობილო გზების დეპარტამენტის მიერ გავრცელებულ განცხადებაში ვკითხულობთ, რომ "სამუშაოების მიმდინარეობისას, ფერდის ე.წ. დატერასება-გამაგრებამდე, ბოლო პერიოდში მოსული უხვი ნალექის შედეგად გააქტიურებულმა მეწყრულმა პროცესებმა, ჩამოშალა ფერდის ერთ-ერთი უბნის დროებით მოპირკეთებული ზედაპირი, რამაც დააზიანა გარე ბეტონის სექცია.ამჟამად მიმდინარეობს ფერდის ჩამოწმენდის სამუშაოები, რის შემდეგაც განახლდება პროექტით დაგეგმილი სამუშაოების წარმოება." ინფრასტრუქტურულ პროექტებთან ერთად სამშენებლო მასალის ხარისხი აქტუალურია დეველოპერულ პროექტებშიც. ვინ ამოწმებს მშენებლობის ხარისხს და მის სტანდარტებთან შესაბამისობას, რა ტიპის კომპანიები არიან ბაზარზე და როგორია ზოგადად მთელი სამუშაოების დასრულების შემდეგი ციკლი? სტუმარი: ტიტე ჯიშიაშვილი -Caucasian Infrastructure Technology-ის ხელმძღვანელი; #ახალიამბები #BusinessMediaGeorgia
ახალი რეგულაციები მელიორაცია - ირიგაციის სექტორში. სემეკი სექტორის რეგულირებას იწყებს. სწორედ სემეკი დაადგენს სექტორში მარეგულირებელ წესებს და ასევე განსაზღვრავს ახალ ტარიფებს, ფერმერებისა და წყალმომხმარებელთა ორგანიზაციებისთვის. გადაიხედება ტარიფები, როგორც ირიგაციის ასევე დრენაჟის კუთხით. განიხილება ორი სახის ტარიფის შემუშავება - ერთი დღეს არსებულის ანალოგი - რაც 1 ჰექტარზე გარკვეულ გადასახადს ითვალისწინებს, ხოლო მეორე მოცულობაზე დადგენილი ტარიფი იქნება - ანუ ფერმერი ტარიფს მრიცხველის შესაბამისად, ყოველ დახარჯულ 1 კუბ.მეტრზე გადაიხდის. რა გამოწვევებია დღეს სექტორში და რა სიახლეები იგეგმება სექტორის რეგულირების კუთხით? სტუმარი: გიგა ნადირაძე - სემეკის წყალმომარაგების დეპარტამენტის დირექტორი; #ახალიამბები #BusinessMediaGeorgia
სპორტსმენების გამორჩეული მერჩენდაიზები #ახალიამბები #BusinessMediaGeorgia
საბანკო ასოციაციის ინფორმაციით, საქართველოში უცხოური ვალუტის სესხები 3-4%-ით გაძვირდა, მიზეზი ამერიკის ფედერალური რეზერვისა და ევროპის ცენტრალური ბანკის მიერ მონეტარული პოლიტიკის გამკაცრებაა, რა ეფექტიც ქართულ ბაზარს ბოლო რამდენიმე თვეა გადმოეცემა. მაღალია საპროცენტო განაკვეთი ლარში სესხებზეც, თუმცა სავალუტო სესხებისგან განსხვავებით, მოლოდინია, რომ მონეტარული პოლიტიკის შერბილებასთან ერთად მიმდინარე წელს ეროვნულ ვალუტაში სესხებზე საპროცენტო განაკვეთი დაიკლებს. რამდენად გაძვირდა მომხმარებლისთვის ბანკის რესურსის სესხება? #ახალიამბები #BusinessMediaGeorgia
#ამერიკისხმა: ჩიპების წარმოება ამერიკაში #ახალიამბები #BusinessMediaGeorgia
მიკრობანკები საქართველოში 2024 წლიდან გამოჩნდებიან. საკანონმდებლო ჩარჩო მიკრობანკების შესახებ უკვე მიღებულია და ეროვნულ ბანკს ახლა 1 ივლისამდე აქვს ვადა ამ კანონით გათვალისწინებული სამართლებრივი აქტები გამოსცეს. კანონით, ეროვნულმა ბანკმა დაინტერესებულ პირისთვის მიკრობანკის ლიცენზია განაცხადის წარგენიდან 6 თვის ვადაში უნდა უზრუნველყოს. ლიცენზია გაიცემა განუსაზღვრელი ვადით. მისი სხვისთვის გადაცემა კი, აკრძალულია. მიკრობანკებს კრედიტების გაცემა მხოლოდ ლარში შეეძლებათ. ასევე ექნებათ უფლება მოიპოვონ დეპოზიტები, თუმცა მიკრობანკს თითოეული ფიზიკური პირისგან, მათ შორის, ინდივიდუალური მეწარმისგან მოზიდული ანაბრების ოდენობა არ უნდა იყოს 100 000 ლარზე ან უცხოური ვალუტით მის ეკვივალენტზე ნაკლები. მიკრობანკები იქნებიან მიკროსაფინანსო ორგანიზაციებსა და კომერციულ ბანკებს შორის მდგრადი ფინანსური ინსტიტუტები. მათი ბიზნესმოდელი ეფუძნება სამეწარმეო საქმიანობიდან, მათ შორის სასოფლო-სამეურნეო საქმიანობიდან შემოსავლის მიმღები პირების დაკრედიტებას. კერძოდ, მიკრობანკის საკრედიტო პორტფელის არანაკლებ 70% უნდა შედგებოდეს სამეწარმეო მიზნით გაცემული სესხებისგან. მიკროსაფინანსოებისგან განსხვავებით, მიკრობანკებს დეპოზიტების მოზიდვა და ანგარიშების გახსნაც შეეძლებათ. #ახალიამბები #BusinessMediaGeorgia
კიდევ ერთი მცდელობა ყულევის ნავთობგადამამუშავებელი საწარმოს მშენებლობისთვის - მთავრობამ პროექტის ინვესტორი მესამედ შეცვალა. შესაბამისი გადაწყვეტილება დღეს გამართულ მთავრობის სხდომაზე მიიღეს. ვინ გადაიბარა ჯერ კიდევ 2012 წელს დაწყებული პროექტი, რა ვადებში დაიწყება სამუშაოები და რა რაოდენობის ინვესტიციის განხორციელებაა გეგმაში? #ახალიამბები #BusinessMediaGeorgia
რა დარღვევები აღმოაჩინეს სარეალიზაციოდ გამოტანილი კვერცხის ანტიბიოტიკების შემცველობაზე შემოწმების შედეგად?! „საქართველოს სტრატეგიული კვლევებისა და განვითარების ცენტრის“ მომხმარებლის უფლებების დაცვის პროგრამის ხელმძღვანელმა ვახტანგ კობალაძემ პრესკონფერენცია გამართა და მაღაზიებში გაყიდული კვერცხში აკრძალული ანტიბიოტიკების შემცველობაზე შემოწმების შედეგებზე ისაუბრა. შესამოწმებლად შეირჩა ისეთი პროდუქტები, რომლებიც ამ დროისათვის ხელმისაწვდომია მაღაზიებში და დიდი ფერმების მიერ არის წარმოებული, რომელიც მასობრივად იყიდება საქართველოს სავაჭრო ქსელში და ეტიკეტირებულია. რა დარღვევები აღმოჩნდა და რამდენად უსაფრთხოა კვერცხი, რომელსაც მაღაზიებში ვყიდულობთ? სტუმარი: ვახტანგ კობალაძე - GCSD-ის მომხმარებლის უფლებების დაცვის პროგრამის ხელმძღვანელი; #ახალიამბები #BusinessMediaGeorgia
მიკრობანკები საქართველოში 2024 წლიდან გამოჩნდებიან. საკანონმდებლო ჩარჩო მიკრობანკების შესახებ უკვე მიღებულია და ეროვნულ ბანკს ახლა 1 ივლისამდე აქვს ვადა ამ კანონით გათვალისწინებული სამართლებრივი აქტები გამოსცეს. კანონით, ეროვნულმა ბანკმა დაინტერესებულ პირისთვის მიკრობანკის ლიცენზია განაცხადის წარდგენიდან 6 თვის ვადაში უნდა უზრუნველყოს. ლიცენზია გაიცემა განუსაზღვრელი ვადით. მისი სხვისთვის გადაცემა კი, აკრძალულია. კიდევ რისი უფლება აქვს და არ ექნებათ მიკრობანკებს და რა კრიტერიუმებს უნდა აკმაყოფილებდეს მიკროსაფინანსო ორგანიზაცია, რომ მიკრობანკის სტატუსი მიიღოს? #ახალიამბები #BusinessMediaGeorgia
თებერვალში იანვართან შედარებით ექსპორტ/იმპორტი მცირედით შემცირდა. გასულ თვეში საექსპორტო ბაზრებზე 455.8 მლნ დოლარის პროდუქციის ექსპორტი განხორციელდა. გასულ თვესთან შედარებით მცირედი კლებაა, თუმცა წლიურად ზრდა 27 მილიონი დოლარია. რაც შეეხება იმპორტს, თებერვალში ქვეყანამ 963.6 მილიონის პროდუქცია შეიძინა, კლებაა როგორც წინა თვესთან, ასევე წლიურ ჭრილში. წლის 2 თვეში კი, საქართველოს საგარეო სავაჭრო ბრუნვა 2 მილიარდ 898 მლნ დოლარი შეადგინა, რაც წინა წლის შესაბამის მაჩვენებელზე 12.3 პროცენტით მეტია. აქედან, ექსპორტი 914.7 მლნ. აშშ დოლარი იყო, ზრდა 20.3 პროცენტია, ხოლო იმპორტი 1.98 მლრდ დოლარია. უარყოფითმა სავაჭრო ბალანსმა 2023 წლის იანვარ-თებერვალში მილიარდ 68 მილიონი დოლარი შეადგინა, რაც საგარეო სავაჭრო ბრუნვის 36.9 პროცენტია. რა ტენდენციებია ექსპორტში და როგორ აისახება ექსპორტიორებზე გამყარებული ლარი? სტუმარი: გვანცა მელაძე - "ექსპორტის განვითარების ასოციაციის" გამგეობის თავმჯდომარე; #ახალიამბები #BusinessMediaGeorgia
#საქმიანისაღამო: ლარის კურსი & გლობალური საფონდო ბირჟების მიმოხილვა / 10.03.2023 გიორგი თოლორდავა - "საქმიანი საღამოს" წამყვანი; #ახალიამბები #BusinessMediaGeorgia
,,ბოლო მოვლენების გამო, შესაძლოა, ერთ-ერთი საინვესტიციო პროექტი შეჩერდეს” - ამის შესახებ ევროკავშირ-საქართველოს ბიზნეს საბჭოს აღმასრულებელმა დირექტორმა გიორგი კაჭარავამ განაცხადა. Კაჭარავა Ინვესტორის ვინაობას არ ასახელებს, თუმცა ამბობს, რომ საბჭო შეეცდება მის დარწმუნებას, რომ ქვეყანაში დარჩეს. თუმცა მსგავსი პროცესები ქვეყნის ბიზნეს კლიმატს აზარალებს. თუ რა გავლენა ჰქონდა ქვეყნის საინვესტიციო გარემოზე სახელმწიფოს მხრიდან ე.წ აგენტების შესახებ კანონპროექტის წარდგენას და რა ნაბიჯები უნდა გადადგას იმისთვის, რომ საქართველომ მსხვილი ინვესტირების დაინტერესება შეძლოს, ბიზნესის წარმომადგენლები BMG-სთან საუბრობენ. #ახალიამბები #BusinessMediaGeorgia
დღეს ევროკავშირ-საქართველოს ბიზნეს საბჭოს დაფუძნებული „შავი ზღვის პლატფორმის“ საპატიო საბჭოს პირველი შეხვედრა შედგა, რომელსაც დიპლომატიური კორპუსი, საერთაშორისო საფინანსო ინსტიტუტების და კერძო სექტორის წარმომადგენლები ესწრებოდნენ. განსახილველ საკითხებს შორის იყო, წყალქვეშა ელექტრო და ოპტიკურ ბოჭკოვანი კაბელი საქართველოსა და ევროკავშირს შორის, შუა დერეფნის გაციფრულება და საქართველოში არსებული პორტების გამტარუნარიანობის გაზრდა. რამდენად ითვისებს საქართველო როგორც შუა დერეფნის ერთ-ერთი მონაწილე მხარე არსებულ პოტენციალს და რა გამოწვევები უშლის ხელს ის უფრო კონკურენტუნარიანი გახდეს? #ახალიამბები #BusinessMediaGeorgia
ბოლო მოვლენების გამო, შესაძლოა, ერთ-ერთი საინვესტიციო პროექტი შეჩერდეს” - ამის შესახებ ევროკავშირ-საქართველოს ბიზნეს-საბჭოს აღმასრულებელმა დირექტორმა გიორგი კაჭარავამ განაცხადა. კაჭარავა ინვესტორის ვინაობას არ ასახელებს, თუმცა ამბობს, რომ საბჭო შეეცდება მის დარწმუნებას, რომ ქვეყანაში დარჩეს. თუმცა მსგავსი პროცესები ქვეყნის ბიზნეს კლიმატს აზარალებს. რა გავლენა ჰქონდა ქვეყნის საინვესტიციო გარემოზე სახელმწიფოს მხრიდან ე.წ აგენტების შესახებ კანონპროექტის წარდგენას და რა ნაბიჯები უნდა გადადგას იმისთვის, რომ საქართველომ მსხვილი ინვესტირების დაინტერესება შეძლოს? #ახალიამბები #BusinessMediaGeorgia
ისტორიული მაქსიმუმი - 2022 წელს საქართველომ 2 მლრდ დოლარის პირდაპირი უცხოური ინვესტიცია მიიღო, რაც დაახლოებით 10 მლნ მეტია 2017 წლის რეკორდულ მაჩვენებელზე. წლიურად FDI 61% -ით არის გაზრდილი. გაზრდილია, როგორც სააქციო კაპიტალში ჩადებული ინვესტიციების მოცულობა, ასევე რეინვესტირება, ანუ არსებული ინვესტორების მიერ ინვესტიციების ჩაბრუნება. ყველაზე მეტი ინვესტიცია გაერთიანებული სამეფოდან განხორციელდა, 428 მლნ, რაც ჯამური ინვესტიციების 21%-ია, მეორე ადგილზეა ესპანეთი 367 მლნ-ით, სამეულშია აშშ 163.9 მლნ, რაც ჯამური ინვესტიციების 8.2 %-ია. რაც შეეხება სექტორებს - ყველაზე მეტი უცხოური ინვესტიცია საფინანსო და სადაზღვევო სექტორშია ჩადებული - 526 მლნ, მეორე ადგილზეა უძრავი ქონება 407 მლნ, მესამეზე წყალმომარაგება - 197 მლნ. ინვესტიციებში დაწინაურდა გართობა-დასვენება - 173 მლნ დოლარით და ენერგეტიკა 149 მლნ. სტუმარი: ირაკლი ჟვანია - Kudos Georgia -ს მმართველი პარტნიორი; #ახალიამბები #BusinessMediaGeorgia
დღეს ევროკავშირ-საქართველოს ბიზნეს საბჭოს დაფუძნებული „შავი ზღვის პლატფორმის“ საპატიო საბჭოს პირველი შეხვედრა შედგა, რომელსაც დიპლომატიური კორპუსი, საერთაშორისო საფინანსო ინსტიტუტების და კერძო სექტორის წარმომადგენლები ესწრებოდნენ. განსახილველ საკითხებს შორის იყო, წყალქვეშა ელექტრო და ოპტიკურ ბოჭკოვანი კაბელი საქართველოსა და ევროკავშირს შორის, შუა დერეფნის გაციფრულება და საქართველოში არსებული პორტების გამტარუნარიანობის გაზრდა. რამდენად ითვისებს საქართველო როგორც შუა დერეფნის ერთ-ერთი მონაწილე მხარე არსებულ პოტენციალს და რა გამოწვევები უშლის ხელს ის უფრო კონკურენტუნარიანი გახდეს? #ახალიამბები #BusinessMediaGeorgia
ისტორიული მაქსიმუმი - 2022 წელს საქართველომ 2 მლრდ დოლარის პირდაპირი უცხოური ინვესტიცია მიიღო, რაც დაახლოებით 10 მლნ მეტია 2017 წლის რეკორდულ მაჩვენებელზე. წლიურად FDI 61% -ით არის გაზრდილი. გაზრდილია, როგორც სააქციო კაპიტალში ჩადებული ინვესტიციების მოცულობა, ასევე რეინვესტირება, ანუ არსებული ინვესტორების მიერ ინვესტიციების ჩაბრუნება. რომელი ქვეყნებიდან მივიღეთ ყველაზე მეტი FDI და რომელ სექტორებში? #ახალიამბები #BusinessMediaGeorgia
#ბიზნესსიახლეები BM.GE-სგან / 09.03.2023 საბავშვო ტანსაცმლის ბრენდი “ნიკოლი” ფართოვდება; “ჰაი გარდენი” გაფართოებას გეგმავს; “ფოთში კვალიფიციური კადრების დეფიციტია“ – „პრაიმ ბეტონი“; “ავტომობილების გაყიდვები შემცირდება” - ავტოიმპორტიორი ალტერსოქსის და PORSCHE-ს თანამშრომლობა; “ტილისკვერმა” წარმოება გაზარდა; #ახალიამბები #BusinessMediaGeorgia
მმართველ პარტიას უკან დახევა ახლა იმ კანონპროექტებზე უწევს, რომელიც ქვეყანაში უცხოური დაფინანსების გამჭვირვალობის ეგიდით დააინიცირეს და გვარწმუნებენ, რომ ქვეყნის სასიკეთო გადაწყვეტილებას იღებენ. მიუხედავად იმისა, რომ ამ კანონპროექტების ევროკავშირის პრინციპებთან შეუსაბამობაზე თავად ევროკავშირის ლიდერები, ქვეყნების საელჩოები აქტიურად საუბრობენ, უმრავლესობა მაინც გვარწმუნებს, რომ არასამთავრობო სექტორისა და მედიის შემზღუდავი კანონპროექტი ევროპისკენ სწრაფვა. ევროკავშირი კი ქვეყანას იმ საფრთხეებზე აფრთხილებს, რაც ამ ნაბიჯებმა შეიძლება მოუტანოს ქვეყანას. ახლა მინდა თვალი გადავავლოთ რა დახმარებას იღებს დასავლეთიდან არა -არასამთავრობო სექტორი, არამედ უშუალოდ სახელმწიფო. 2013-2023 წლებში, ანუ ბოლო 10 წლის განმავლობაში, საქართველოს მთავრობამ საერთაშორისო დონორებისგან 25.3 მილიარდი ლარის ფინანსური რესურსი მიიღო. მათ შორის, თითქმის 3.9 მილიარდი ლარი საგრანტო დახმარებას, 21.5 მილიარდი კი შეღავათიან საკრედიტო დაფინანსებას წარმოადგენდა და ეს არის უაღრესად დაბალპროცენტიანი სესხი, ანუ იგივე იაფი ფული, რომელსაც დასავლეთი დახმარების სახით გვაძლევდა. ამ ფინანსური დახმარების გარეშე, თამამად შეიძლება ითქვას, რომ ქვეყანაში ვერცერთი ფართომასშტაბიანი პროექტი ვერ განხორციელდებოდა. რა როლი აქვს დასავლეთის ქვეყნის გაწეულ დახმარებას საქართველოსთვის, მათ შორის არასამთავრობო სექტორის თუ მედიის გაძლიერებისთვის. რატომ აყენებს საფრთხის ქვეშ მსგავსი ინიციატივები ქვეყნის განვითარებას? სტუმარი: მიხეილ კუკავა - IDFI-ის ეკონომიკური და სოციალური პოლიტიკის მიმართულების ხელმძღვანელი; #ახალიამბები #BusinessMediaGeorgia
„მივესალმები მმართველი პარტიის გადაწყვეტილებას არასამთავრობო ორგანიზაციებთან დაკავშირებით საკამათო კანონის გაწვევაზე. ევროკავშირისკენ მიმავალ გზაზე საქართველოს კვლავაც შეუძლია ჩვენი მხარდაჭერის იმედი ჰქონდეს- ასე ეხმაურება გაფართოებისა და სამეზობლო საკითხებში ევროკომისარი, ოლივერ ვარჰეი Twitter-ზე მძიმე ღამის შემდეგ ქართული ოცნების გადაწყვეტილებას. როგორც უკვე მოვისმინეთ მმართველი პარტია გვპირდება, რომ არ გამოიყენებს კანონპროექტის დროებით მიზნების გზას და „უცხოური გავლენის გამჭვირვალობის შესახებ“ კანონპროექტს ჩააგდებს, პირველივე სხდომაზე რეგლამენტის მიხედვით. #ახალიამბები #BusinessMediaGeorgia
როგორ უნდა მოხდეს პირველი მოსმენით დამტკიცებული და ვენეციის კომისიაში გაგზავნილი კანონპროექტის უკან გაწვევა - ბუნდოვანია... იურისტების განმარტებით, მხოლოდ განცხადებით კანონპროექტის გაწვევა არ ხდება. კანონპროექტი ავტორებს მხოლოდ იმ პროექტის გამოწვევის შესაძლებლობა აქვთ, რომელიც პირველ მოსმენაზე არ გასულა. როგორ ხდება უკვე ერთხელ მხარდაჭერილი კანონპროექტის გამოწვევა? სტუმარი: ვახტანგ ხმალაძე - კონსტიტუციონალისტი; #ახალიამბები #BusinessMediaGeorgia
საქართველოში ქირის ფასმა იპოთეკის გადასახადს გადაასწრო. კვლევითი ორგანიზაციების წინასწარი პროგნოზით, 2023 წლის განმავლობაში ბინების ფასი შესაძლოა, საშუალოდ 18%-ით, ხოლო დაქირავების 28%-ით გაიზარდოს. რა ტენდენციებია ბაზარზე, როგორია მიგრანტების ეფექტი და უნდა ველოდოთ თუ არა ფასების მორიგ ზრდას? სტუმარი: ზურაბ ერისთავი - RENTALS-ის მმართველი პარტნიორი; #ახალიამბები #BusinessMediaGeorgia
“პარლამენტში გვყავს დეპუტატები, რომლებსაც მიუხედავად საზოგადოების საკმაოდ დიდი ნაწილისა და პარტნიორი ქვეყნების მოწოდებისა, შეუძლიათ წავიდნენ საქართველოს ინტერესების წინააღმდეგ” - ასე გამოეხმაურა სოციალურ ქსელში BDO-ს მმართველი პარტნიორი პარლამენტის მიერ აგენტების შესახებ პირველი მოსმენით კანონპროექტის მიღებას. რა პროცესები ვითარდება ქვეყანაში და უშლის თუ არა ეს ხელს ქვეყნის ევროპულ პერსპექტივას? სტუმარი: ზურაბ ლალაზაშვილი - BDO -ს მმართველი პარტნიორი #ახალიამბები #BusinessMediaGeorgia
#ბიზნესსიახლეები BM.GE-სგან / 07.03.2023 მთავრობა 2013 წლამდე გამოშვებული ავტომობილების იმპორტის შეზღუდვას გეგმავს; კატარის დედაქალაქში ქართული რესტორანი „მოსავალი“ გაიხსნა - ინვესტიცია $5 მილიონია; ქართულ ბაზარზე კოსმეტიკის ახალი ბრენდი „მასკინი“ გამოჩნდა; “რუმს კოხტაში” $1 200 000-ის ინვესტიციის განხორციელება იგეგმება; „თხილის საშუალო მოსავლიანობა და ხარისხი ძალიან დაბალია“– „მეთხილე ფერმერთა ასოციაცია“; საქართველოშიო საექსპორტო თაფლის მარაგი ამოიწურა - ასოციაცია; #ახალიამბები #BusinessMediaGeorgia
ITB berlin-ი, გამოფენის ოფიციალური მასპინძლის, საქართველოს გალა-მიღებას სოციალურ ქსელში ეხმაურება და მას გამაოგნებელს უწოდებს. „უსასრულო ქართული კულტურა – მევენახეობის საწყისებიდან თანამედროვე ავანგარდულ ხელოვნებამდე“ - რა შთამბეჭდავი მოგზაურობაა კავკასიის ქვეყნის კულტურულ და ეთნიკურ მრავალფეროვნებაში! გაოგნებულები ვართ! “, – წერს ITB Berlin-ი „ფეისბუქის“ ოფიციალურ გვერდზე. ერთ-ერთი ყველაზე პრესტიჟული ტურისტული გამოფენის მასპინძელი ქვეყანა საქართველოა, ჩვენი მესიჯი კი მსოფლიოსთვის "უსაზღვრო სტუმართმოყვარეობაა". როგორ მიმდინარეობს ღონისძიება, რას ვაცნობთ მსოფლიოს? სტუმარი: შალვა ალავერდაშვილი - სასტუმროების და რესტორნების ფედერაციის დამფუძნებელი; #ახალიამბები #BusinessMediaGeorgia
უძრავი ქონების ბაზარზე ტრანზაქციების რაოდენობამ 2019 წლის მაჩვენებელს გადააჭარბა - ამის შესახებ დღეს კოლიერს ინტერნეიშენალის დირექტორმა ირაკლი კილაურიძემ FIABCI Georgia-ს მიერ ორგანიზებულ კონფერენციაზე ისაუბრა. როგორც კილაურიძე აცხადებს, აღდგენა ფიქსირდება როგორც საცხოვრებელი, ისე საოფისე და კომერციული ფართების ნაწილშიც. რა ტენდენციებია უძრავი ქონების ბაზარზე და არის თუ არა მოსალოდნელი საცხოვრებელი უძრავი ქონების სარეალიზაციო ფასის ზრდა? #ახალიამბები #BusinessMediaGeorgia
სასტუმრო პულმანში FIABCI-Georgia-ს და Property Georgia-ს ორგანიზებით უძრავი ქონების სექტორის ლიდერები ერთმანეთს ხვდებიან. შეხვედრაზე განიხილება უძრავი ქონების სექტორში არსებული უახლესი ტენდენციები, მხარეები სექტორში მოსალოდნელ რეგულაციებზეც მსჯელობენ, მათ შორის ენერგოეფექტური შენობების შესახებ კანონზე, რომელიც რამდენიმე გადავადების შემდეგ მიმდინარე წლის 30 ივნისიდან შედის ძალაში. რამდენად არის სექტორი მზად სიახლეებისთვის? #ახალიამბები #BusinessMediaGeorgia
ჯონ ჯონსი მძიმე წონის ახალი ჩემპიონია #ახალიამბები #BusinessMediaGeorgia
მცხეთის მიწათსარგებლობის გენერალურ გეგმაზე მუშაობა 2020 წელს უნდა დასრულებულიყო, თუმცა მუნიციპალიტეტს ეს დოკუმენტი ჯერ კიდევ არ დაუმტკიცებია. BM.GE კითხვით, რატომ გაჭიანურდა მცხეთის გენგეგმის დამტკიცების პროცესი ეკონომიკის სამინისტროს დაუკავშირდა. სამინისტროში პროცესების გაჭიანურებას პანდემიით ხსნიან. მათი ინფორმაციით, დაწესებული შეზღუდვების გამო მცხეთის გენგეგმის პროექტზე მუშაობის ვადები გახანგრძლივდა. სამინისტროს მხრიდან გამოგზავნილ წერილობით პასუხში წერია, რომ ამ ეტაპზე გენგეგმის კონცეფციაზე მუშაობა დასრულებულია და დარჩენილია მხოლოდ მცხეთის საკრებულოს მხრიდან დოკუმენტის დამტკიცება. რატომ ჭიანურდება ქვეყანაში გენერალური გეგმების დამტკიცების პროცესი, რა გამოწვევებს აწყდებიან კონტრაქტორი კომპანიები და სად არის გამოსავალი? #ახალიამბები #BusinessMediaGeorgia
ევრო 5-ზე დაბალი სტანდარტის მანქანების შემოყვანა 2024 წლიდან შეიზღუდება - საკითხს მთავრობის ეკონომიკური საბჭო უკვე ამუშავებს. ევრო 5-ის ავტომობილების სავალდებულო სტანდარტის დანერგვა თავის მხრივ 2013 წლამდე გამოშვებულ მანქანების იმპორტს შეზღუდავს. მთავრობა ასევე მიიჩნევს, რომ უკვე არსებული რეგულაციებით, ახალი ავტომობილების იმპორტი სტიმულირებულია. ავტოიმპორტიორების ნაწილი თვლის, რომ აღნიშნული ინიციატივა დააზიანებს ბიზნესს და ცვლილებებისთვის არც მოქალაქეები არიან მზად. #ახალიამბები #BusinessMediaGeorgia
2023 წლის მაისამდე ქართული თაფლი ექსპორტზე აღარ გავა - ინფორმაციას, თაფლის მწარმოებელთა ასოციაციის ხელმძღვანელი ავრცელებს. ინფორმაციისთვის, 2022 წელს საქართველოდან ექსპორტზე 1.1 მლნ აშშ დოლარის ღირებულების 258.1 ტონა თაფლი გავიდა, 2023 წლის სამიზნე მაჩვენებელი კი, ასოციაციისთვის 500 ტონაა. რაც შეეხება წლის დასაწყისს, 2023 წლის იანვარში უცხოეთში მხოლოდ 0,72 ტონა თაფლი გავიდა, წინა წლის ანალოგიურ პერიოდში კი 22.5 ათასი ტონა. რატომ შეფერხდა თაფლის ექსპორტი? სტუმარი: ალეკო პაპავა - "თაფლის მწარმოებელთა ასოციაციის" ხელმძღვანელი; #ახალიამბები #BusinessMediaGeorgia
მცხეთის მიწათსარგებლობის გენერალურ გეგმაზე მუშაობა 2020 წელს უნდა დასრულებულიყო, თუმცა მუნიციპალიტეტს ეს დოკუმენტი ჯერ კიდევ არ დაუმტკიცებია. BM.GE კითხვით, რატომ გაჭიანურდა მცხეთის გენგეგმის დამტკიცების პროცესი ეკონომიკის სამინისტროს დაუკავშირდა. სამინისტროში პროცესების გაჭიანურებას პანდემიით ხსნიან. მათი ინფორმაციით, დაწესებული შეზღუდვების გამო მცხეთის გენგეგმის პროექტზე მუშაობის ვადები გახანგრძლივდა. სამინისტროს მხრიდან გამოგზავნილ წერილობით პასუხში წერია, რომ ამ ეტაპზე გენგეგმის კონცეფციაზე მუშაობა დასრულებულია და დარჩენილია მხოლოდ მცხეთის საკრებულოს მხრიდან დოკუმენტის დამტკიცება. რატომ ჭიანურდება ქვეყანაში გენერალური გეგმების დამტკიცების პროცესი, რა გამოწვევებს აწყდებიან კონტრაქტორი კომპანიები და სად არის გამოსავალი? #ახალიამბები #BusinessMediaGeorgia
პარლამენტში "აგენტების შესახებ" კანონპროექტების განხილვა პროტესტის ფონზე მიმდინარეობს. სხდომა იურიდიულ საკითხთა კომიტეტში მიმდინარეობს, რომელიც აღნიშნულ საკანონმდებლო ინიციატივებზე წამყვან კომიტეტს წარმოადგენს. კომიტეტის სხდომაზე ვითარება რამდენჯერმე დაიძაბა, იყო სიტყვიერი და ფიზიკური დაპირისპირებაც. დეპუტატებმა კითხვების დასმაც მოახერხეს. #ახალიამბები #BusinessMediaGeorgia
„ვფიქრობ, ეს რუსული სულისკვეთებით განმსჭვალული კანონია“ - ასე აფასებს საქართველოს პარლამენტში „ხალხის ძალის“ მიერ უცხოური გავლენის აგენტების შესახებ ინიცირებულ კანონპროექტებს მოქალაქე და ბიზნესმენი თემურ ჭყონია BM.GE-სთან საუბრისას. ის ამბობს, რომ ამ კანონის მიღება მსოფლიოში დღეს არსებული მდგომარეობის გათვალისწინებით არ შეიძლება, მაშინ როდესაც ქვეყნის შიგნით საზოგადოების დიდი ნაწილი პროექტის დაკანონების წინააღმდეგია. #ახალიამბები #BusinessMediaGeorgia
გასული კვირის სოტბისა & კრისტის აუქციონების გამორჩეული გაყიდვები; სურეალისტური საღამო; წიგნები და ხელნაწერები საფრანგეთიდან; ,,ნიმფები წავიდნენ’’; თანამედროვე დღის აუქციონი; ,,ვინტაჟური პერსპექტივები’’ ნაპას ხეობიდან; #ახალიამბები #BusinessMediaGeorgia
#საქმიანისაღამო: კანონპროექტი “უცხოელი გავლენის აგენტების შესახებ” - კრიტიკა #ახალიამბები #BusinessMediaGeorgia
საინჟინრო დარგი დეგრადირებს, რაც მშენებლობის ხარისხზე მოქმედებს. ეს შეფასება bm.ge-თან კომპანია “ბაზალტ ფაიბერის გენერალურმა დირექტორმა ივერი ქუცნაშვილმა გააკეთა. როგორც ქუცნაშვილი ამბობს, ინფრასტრუქტურული პროექტების მშენებლობისას სწორედ პროექტირებაა ის მნიშვნელოვანი კომპონენტი, რომელიც საბოლოო ჯამში მშენებლობის ხარისხზე და მიმდინარეობაზე გავლენას ახდენს. არის თუ არა სახელმწიფოს ინფრასტრუქტურულ პროექტებში პროექტირება და ხარისხი მთავარი გამოწვევა და სად არის გამოსავალი? #ახალიამბები #BusinessMediaGeorgia
Visual capitalist-მა გამოცემა The Economist-ის მიერ ჩატარებული კვლევის მიხედვით რეიტინგი გამოაქვეყნა. რეიტინგი 2022 წლის მონაცემების მიხედვით საცხოვრებლად ყველაზე ძვირადღირებულ და ყველაზე იაფიან ქალაქებს მოიცავს. რეიტინგის მიხედვით 2022 წელს ცხოვრება ყველაზე ძვირი ნიუ-იორკში ჯდებოდა. #ახალიამბები #BusinessMediaGeorgia
საერთაშორისო და ადგილობრივი ორგანიზაციების მკაცრი კრიტიკის, ასევე საკომიტეტო განხილვის დროს დეპუტატებს შორის სიტყვიერი თუ ფიზიკური დაპირისპირების მიუხედავად, პარლამენტის ორმა კომიტეტმა „გავლენის აგენტების შესახებ“ „ხალხის ძალის“ დეპუტატების ინიცირებული კანონპროექტები პირველი მოსმენით მიიღო. ევროკავშირის, ამერიკის შეერთებული შტატების საელჩოს, გაეროს და არაერთი სხვა მეგობარი ორგანიზაციის კრიტიკული დამოკიდებულების შემდეგ საქართველოში მოქმედმა არასამთავრობო და ბიზნეს ორგანიზაციების ნაწილმა ღიად გამოხატა შეშფოთება, რომ აღნიშნული კანონი უარყოფით აღქმას ჩამოაყალიბებს უცხოური მხარდაჭერით მიმდინარე პროგრამებზე, შეაფერხებს საქართველოს ევროკავშირში გაწევრიანების პერსპექტივას და დააზიანებს საინვესტიციო გარემოს. #ახალიამბები #BusinessMediaGeorgia
აზარტული თამაშების ბიზნესისთვის თამაშის ახალი წესების ამოქმედებიდან 1 წლის თავზე სექტორისთვის ახალი ცვლილების ამოქმედდა, ონლაინ კაზინოების მოსაწყობად, კერძო სექტორმა დამატებითი ლიცენზია უნდა მოიპოვოს. იმ შემთხვევაში თუ ბიზნესს ე.წ. ხმელეთის კაზინო უკვე გააჩნია, ონლაინ კაზინოს მოსაწყობად 200 ათასი ლარის გადახდა მოუწევს, თუმცა თუ მხოლოდ ონლაინ კაზინოს ქონა სურს, კომპანიამ 5 მილიონი ლარი უნდა გადაიხადოს. სტუმარი: გიორგი მამულაიშვილი - სათამაშო ბიზნესის ასოციაციის ადმინისტრაციის ხელმძღვანელი. #ახალიამბები #BusinessMediaGeorgia
ზუსტად ერთი წელი გავიდა, რაც აზარტული თამაშების რეკლამა აიკრძალა და საზოგადოების გარკვეული ნაწილისთვის შეზღუდვები ამოქმედდა, სულ ქვეყანაში 1.5 მილიონამდე ადამიანს აქვს თამაში აკრძალული. ამ აკრძალვის შემდეგ 2022 წელს სატელევიზიო და რადიო მაუწყებლების ჯამური კომერციული სარეკლამო შემოსავალი წინა წელთან შედარებით 7.6%-ით შემცირდა და 79.9 მილიონი ლარი შეადგინა. რეგულაციის ამოქმედებამდე, აზარტული თამაშების ორგანიზატორი კომპანიები მაუწყებლების მსხვილ დამფინანსებლებს წარმოადგენდნენ. აკრძალვის ამოქმედებამდე, მაგალითად, 2021 წლის მეორე, მესამე და მეოთხე კვარტლებში აზარტული თამაშების სექტორიდან მიღებულმა სარეკლამო შემოსავალმა 14.3 მილიონი ლარი შეადგინა. როგორი იყო გასული წელი სათამაშო ბიზნესისთვის ჯერ უცნობია. კომპანიები ფინანსურ ანგარიშებს შემოდგომაზე გამოაქვეყნებენ, თუმცა მანამდე ქართულმა ფორბსმა ონლაინ კაზინოების ფინანსური ანგარიშგება გამოაქვეყნა, რომლის მიხედვითაც ბაზარზე 5 ძირითადი მოთამაშეა. რა ფინანსური მაჩვენებლებით შეხვდნენ კომპანიები რეგულაციებს? #ახალიამბები #BusinessMediaGeorgia
საინჟინრო დარგი დეგრადირებს, რაც მშენებლობის ხარისხზე მოქმედებს. ეს შეფასება bm.ge-თან კომპანია “ბაზალტ ფაიბერის გენერალურმა დირექტორმა ივერი ქუცნაშვილმა გააკეთა. როგორც ქუცნაშვილი ამბობს, ინფრასტრუქტურული პროექტების მშენებლობისას სწორედ პროექტირებაა ის მნიშვნელოვანი კომპონენტი, რომელიც საბოლოო ჯამში მშენებლობის ხარისხზე და მიმდინარეობაზე გავლენას ახდენს. არის თუ არა სახელმწიფოს ინფრასტრუქტურულ პროექტებში პროექტირება და ხარისხი მთავარი გამოწვევა და სად არის გამოსავალი? #ახალიამბები #BusinessMediaGeorgia
#ბიზნესსიახლეები BM.GE-სგან / 02.03.2023; დიუსელდორფში „ღვინის ბიბლიოთეკის“ ფილიალი გაიხსნება; „პსპ დაზღვევის“ მენეჯმენტში ცვლილებებია; „რამდენიმე დღეა შევაჩერეთ მუშაობა, თანამშრომლები არ გვყავს“ – Dr.Drive; ფილიპინები, იაპონია, აშშ, კანადა - „კამპამ“ საექსპორტო ბაზრები გააფართოვა; ბაზარზე ჯემების მწარმოებელი ახალი კომპანია “Memoberry” გამოჩნდა; სულ მალე ბაზარზე ქართული ღვინის სადეგუსტაციო ნაკრებები გამოჩნდება - ghvino.ge-ს გეგმები; #ახალიამბები #BusinessMediaGeorgia
იუთუბერი ჯეიკ პოლის პირველი მარცხი კრივში #ახალიამბები #BusinessMediaGeorgia
საქსტატმა დღეს თებერვლის თვის ინფლაციის მაჩვენებლები გამოაქვეყნა. გასული თვის განმავლობაში ქვეყანაში წლიური ინფლაციის დონემ 8.1% შეადგინა, რაც იანვარში არსებულ ინფლაციასთან შედარებით 1.3 პროცენტული პუნქტით ნაკლებია. 2021 წლის ივნისის შემდეგ ქვეყანაში ინფლაციის ასეთი დაბალი მაჩვენებელი არ დაფიქსირებულა. წლიური ინფლაციის ფორმირებაზე მთავარი გავლენა მაინც სურსათის ფასების მატებამ იქონია, რაც წლიურ ჭრილში 14%-ით არის გაძვირებული. ფასები მომატებულია შემდეგ ქვეჯგუფებზე: ბოსტნეული და ბაღჩეული (25.8 პროცენტი), პური და პურპროდუქტები (21.0 პროცენტი), რძე, ყველი და კვერცხი (17.2 პროცენტი). ფასების მატება ასევე დაფიქსირდა საცხოვრებელი, წყალი, ელ.ენერგია, აირის ჯგუფში, რამაც 12.4% შეადგინა. ფასები შემცირებულია ჯანმრთელობის დაცვის ჯგუფში 7.6 პროცენტით. სტუმარი: დავით კეშელავა - ISET-ის კვლევითი ინსტიტუტის უფროსი მკვლევარი; #ახალიამბები #BusinessMediaGeorgia