მაღალი ეკონომიკური ზრდის ტემპის მიუხედავად, I კვარტალი დასაქმების ბაზრისთვის არააქტიური გამოდგა. საქართველოში უმუშევრობა გაიზარდა. უმუშევრობის დონემ წლიურად 0.7 პროცენტული პუნქტით მოიმატა და 14.7 პროცენტი შეადგინა. ეს იმას ნიშნავს, რომ წლიურად უმუშევართა რიცხვი 10 800 კაცით არის გაზრდილი და 239 400 კაცს შეადგენს. ეკონომისტების ნაწილის შეფასებით, შრომის ბაზარზე არსებული ტენდენცია იმაზე მიუთითებს, რომ არასტაბილურობის ფონზე, ბიზნესის ნაწილმა სამუშაო ადგილების შემცირება დაიწყო და ახალი კადრების აყვანის ტემპიც შეანელა. ის, რომ კომპანიებმა ახალი კადრების აყვანის ტემპი შეანელეს, დასტურდება დასაქმების პლატფორმებზე გამოქვეყნებული ვაკანსიების რაოდენობის კლების ტენდენციის გაგრძელებითაც.

#ახალიამბები #BusinessMediaGeorgia