საქართველოს ტურიზმის ეროვნული ადმინისტრაციის ცნობით, საერთაშორისო გამოფენა Imex Frankfurt 2025-ზე საქართველოში საქმიანი ტურისტული მიმართულებით ღონისძიებების ჩატარება დაიგეგმა. ტურიზმის ეროვნული ადმინისტრაცია 9 სასტუმროსთან და კომპანიასთან ერთად ფრანკფურტის საერთაშორისო ტურისტულ გამოფენაში იღებს მონაწილეობას და როგორც უწყებაში აცხადებენ, მოლაპარაკებები შედგა წამყვან ევროპულ კომპანიებთან საქართველოში საერთაშორისო კონგრესების, კონფერენციებისა და ფორუმების ჩასატარებლად. ეს კი იმ ფონზე, რომ გასულ პერიოდში თავად ტურიზმის სექტორის წარმომადგენლები აცხადებდნენ, რომ საქართველოში განვითარებული მოვლენების გამო, არაერთი ტურისტული ჯავშანი გაუქმდა, მათ შორის საქმიანი ტურიზმის მიმართულებით. ამასთან, ბიზნესი სულ უფრო აქტიურად საუბრობს იმაზე, რომ საქართველოში ევროპელი ტურისტების სეგმენტს ნელ-ნელა აზიური ბაზარი ანაცვლებს. რომელი ქვეყნები ინტერესდებიან საქართველოში საერთაშორისო ღონისძიებების ჩატარებით და რა მოლოდინები აქვს კერძო სექტორს უკვე ზაფხულის ტურისტული სეზონის მიმართ?

სტუმარი: ნიკა მანჯგალაძე - კომპანია Travelshop-ის დამფუძნებელი

#ახალიამბები #BusinessMediaGeorgia