საერთაშორისო ფარმაცევტულმა კომპანია GM PHARMA-მ ფარმაცევტულ ინდუსტრიაში ერთ-ერთი ყველაზე მნიშვნელოვან გამოფენაში მიიღო მონაწილეობა, რომელიც ფრანკფურტში გაიმართა. ღონისძიება სამ ათწლეულზე მეტია იმართება და ფარმაცევტულ ინდუსტრიაში ინოვაციების, მონაცემთა და ტექნოლოგიების გაცვლის ყველაზე დიდ პლატფორმას წარმოადგენს. GM PHARMA მედიკამენტების მწარმოებელი ერთადერთი კომპანიაა საქართველოდან, რომელიც ფორუმზე ტრადიციულად წელსაც საკუთარი სტენდით წარდგა. გამოფენას 2400 ექსპონენტი, 62 000 სტუმარი და 250-ზე მეტი საერთაშორისო ექსპერტი-სპიკერი სტუმრობდა მსოფლიოს თითქმის 160-ზე მეტი ქვეყნიდან. გამოფენის ფარგლებში არაერთი წარმატებული სამუშაო შეხვედრა გაიმართა ამჟამინდელ და პოტენციურ პარტნიორებთან - განსაკუთრებული აქცენტები გაკეთდა სალიცენზიო შეთანხმებებისა და საკონტრაქტო წარმოების შესაძლებლობების, ფორმულაციისა და ანალიტიკური განვითარების, ტექნოლოგიური ტრანსფერის განვითარებაზე.


#ახალიამბები #BusinessMediaGeorgia