ის, რომ საქართველო ზოგადად სპარსეთის ყურის ქვეყნებთან ეკონომიკური თანამშრომლობით არის დაინტერესებული არახალია, მათ შორის, ხშირად მოიაზრება კატარი მნიშვნელოვან ეკონომიკურ პარტნიორად. თუმცა მცდელობების მოუხედავად, ამ ქვეყანასთან სავაჭრო - ეკონომიკური კავშირები არც ისე მჭიდროა. მიმდინარე წელს კი განსაკუთრებული კლებაა ექსპორტში. წელს 4 თვეში ამ მდიდარ არაბულ ქვეყანაში მხოლოდ 97 ათას დოლარამდე ღირებულების პროდუქცია გავიდა, მაშინ როდესაც გასულ წლებში ამავე პერიოდში ექსპორტი ნახევარ მილიონს აღემატებოდა. იყო მცდელობები ქართული პროდუქცია გამოჩენილიყო კატარის მსხვილ სუპერმარკეტებშიც. რა პერსპექტივა აქვს საქართველოში დამზადებულ პროდუქციას კატარის ბაზარზე მოხვდეს, რა აფერხებს ექსპორტს და რას შეცვლის თავისუფალი ვაჭრობის შეთანხმება?