საქართველოს სახელმწიფო ელექტროსისტემა ქსნის ქვესადგურის ტერიტორიაზე 200 მგვტ სიმძლავრის ელექტროენერგიის შემნახველ სისტემას მოაწყობს. საუბარია შემნახველი ბატარეების მშენებლობის პროექტზე, რომლისთვისაც საქართველოს აზიის განვითარების ბანკი თითქმის 98 მლნ ევროს მოცულობის სესხს გამოუყოფს. მთავრობა განმარტავს, რომ პროექტის მიზანია ქვეყნის ენერგოუსაფრთხოების გაზრდა, ასევე ქსელში განახლებადი ენერგიის ელექტროსადგურების დამატება. აღსანიშნავია, რომ ენერგიის დამაგროვებელი ბატარეების მშენებლობას ეკონომიკის სამინისტროს მიერ გასულ წელს გამოცხადებული მეორე cfd აუქციონიც მოიცავდა, თუმცა კერძო სექტორის ინფორმაციით, საბოლოოდ მთავრობამ კომპანიებთან ამ მიმართულებით მემორანდუმებს აღარ გაუფორმებია. რას მოიცავს ელექტროენერგიის შემნახველი ბატარეების სისტემის პროექტი და რა პოტენციალი აქვს ქვეყანაში მსგავსი ტიპის ენერგეტიკული ინფრასტრუქტურის მოწყობას?

#ახალიამბები #BusinessMediaGeorgia