სილქნეტი და Orange გლობალური მნიშვნელობის პარტნიორობის შემდეგ ეტაპზე გადადის - სილქნეტის შვილობილმა სილქ ქლაუდმა და პოლონეთის მესამე უდიდეს ტექნოლოგიურმა ინტეგრატორმა Integrated Solutions -მა სტრატეგიული თანამშრომლობის ხელშეკრულება გააფორმეს, რომელიც სილქნეტს შესაძლებლობას მისცემს გააფართოვოს B2B ICT შესაძლებლობები და ადგილობრივ ბაზარს მსოფლიო დონის ციფრული გადაწყვეტები შესთავაზოს. Integrated Solutions-ი სილქ ქლაუდს დაეხმარება განსაზღვროს სტრატეგიული მიმართულებები და მაღალი პოტენციალის მქონე სფეროები. ამავდროულად, სილქნეტი გეგმავს საქართველოში სერტიფიცირებული, მესამე დონის მონაცემთა ცენტრის დანერგვას, რომელიც დააკმაყოფილებს ევროპულ სტანდარტებს და ბიზნესებს კრიტიკული ინფორმაციის უმაღლესი დონის უსაფრთხოებას შესთავაზებს. სილქნეტში ელიან, რომ დატა ცენტრი გააძლიერებს საქართველოს ციფრულ ინფრასტრუქტურას და საფუძველს დაუდებს ახალ პარტნიორობებს როგორც ადგილობრივ, ისე გლობალურ ბაზარზე. ~


#ახალიამბები #BusinessMediaGeorgia