კიდევ ერთი რეგულაცია სავალუტო სესხების აღებაზე - მათ ვისაც შემოსავალი ლარში აქვს, 750 000 ლარამდე სესხს უცხოურ ვალუტაში ვეღარ აიღებენ - გადაწყვეტილება, რომელიც ეროვნულმა ბანკმა მიიღო, ძალაში 1 აგვისტოდან შევა. სებ-ში ვარაუდობენ, რომ რეგულაცია დაახლოებით 150 მლნ დოლარის 1000-მდე სესხს შეეხება. რეგულაცია დედოლარიზაციის პოლიტიკის ნაწილია, რომლის ფარგლებში სავალუტო სესხების ზრდა ზღვარი 2024 წელს კი 200,000 ლარიდან 400,000 ლარამდე გაზარდა. წელს კი უკვე მეორედ იზრდება - 1 იანვრიდან ნახევარ მილიონამდე, ახლა კი, ზღვარი კიდევ 250,000 ლარით იზრდება. შევხედოთ როგორია საბანკო სექტორის პორტფელის განაწილება. 1 მაისისთვის ბანკებს 64.2 მილიარდი ლარის სესხები ჰქონდათ გაცემული, საიდანაც ლარის სესხებზე 56.7% მოდის. შესაბამისად სავალუტო სესხების წილი 43%-ია. ამასთან, ლარის სესხებზე საშუალო განაკვეთი 13.7%-ია, უცხოურ ვალუტაში - 9.11%. რატომ გაზარდა სებ-მა სავალუტო სესხების ზღვარი, ნიშნავს თუ არა ეს, რომ მარეგულირებელი სავალუტო ნაკადების შემცირების და შესაბამისად კურსის გაუფასურების რისკების პრევენციას ახდენს. რამდენად უძვირდება ამ ტიპის მომხმარებლებს საკრედიტო რესურსი და რას აკეთებს სებ-ი ლარის რესურსის გაიაფებისთვის?

სტუმარი: დავით უტიაშვილი - ფინანსური სტაბილურობის კომიტეტის თავმჯდომარე


#ახალიამბები #BusinessMediaGeorgia