საქართველო ჩინეთის მოქალაქეებისთვის სავიზო რეჟიმს აუქმებს- ამის შესახებ დღეს მთავრობის სხდომის დაწყებამდე ირაკლი ღარიბაშვილმა განაცხადა. როგორც ღარიბაშვილი ამბობს, გადაწყვეტილებას დადებითი ეფექტი ექნება ტურისტულ ნაკადებზე და ქვეყანაში ჩინელი ტურისტების რაოდენობა გაიზრდება. #ახალიამბები #BusinessMediaGeorgia
პოსტ-საბჭოთა ქვეყნებში საავტორო უფლებების კუთხით ბოლო დროს გაძლიერებული რუსული გავლენის შეკავება და ამ ქვეყნების ორგანიზაციებისთვის დამოუკიდებლად განვითარებაში ხელშეწყობა - ამ თემებზე ავტორთა და შემსრულებელთა ორგანიზაციების გლობალური ალიანსის კონფერენციაზე იმსჯელეს. გლობალური ალიანსი 7 ქვეყნის: უკრაინის, მოლდოვას, საქართველოს, აზერბაიჯანის, სომხეთის, ყაზახეთისა და უზბეკეთის მიერ დაფუძნდა. როგორ უნდა შეუწყოს ხელი ორგანიზაციამ მსოფლიო მასშტაბით ავტორთა და შემსრულებელთა კავშირების კონსოლიდაციას და მფლობელების ინტერესების დაცვას როგორც საერთაშორისო, ასევე ეროვნულ დონეზე და რა ეტაპზეა საავტორო უფლებების სფეროში მიმდინარე რეფორმა? სტუმარი: გიგა კობალაძე - საავტორო უფლებათა ასოციაციის თავმჯდომარე; #ახალიამბები #BusinessMediaGeorgia
ენერგეტიკის სექტორი მეორე სიმძლავრის აუქციონებისთვის ემზადება. ეკონომიკის სამინისტრო კი აანონსებს, რომ საერთაშორისო სავალუტო ფონდთან არსებული შეთანხმების მიხედვით დარჩენილ ორ აუქციონს უახლოეს კვირებში გამოაცხადებს. რომეო მიქაუტაძე აღნიშნავს, რომ CFD სქემის ფარგლებში პირველმა აუქციონებმა ბიძგი ბევრ გაჩერებულ ენერგეტიკულ პროექტს მისცა. დასრულდა თუ არა უძრაობის ხანა ენერგეტიკაში, რომელმა კომპანიებმა და რა მოცულობის პირდაპირი უცხოური ინვესტიციები ჩადეს წლის პირველ ნახევარში ენერგეტიკაში? რა მოლოდინი აქვს კერძო სექტორს ახალი აუქციონების გამოცხადებით? #ახალიამბები #BusinessMediaGeorgia
მას შემდეგ, რაც რუსეთმა „მარცვლეულის შეთანხმება“ დატოვა, შავი ზღვის გავლით ხორბლის ტრანსპორტირება გამოწვევა გახდა და ეს უკრაინულთან ერთად, რუსულ ხორბალსაც ეხება, რადგანაც უკრაინული პორტების დაბომბვის საპასუხოდ, უკრაინამ ნოვოროსიისკის პორტებზე მიიტანა იერიში. ახლა ვითარება ასეთია: შავი ზღვის, ანუ დასავლეთის მხრიდან რუსული ხორბლის ექსპორტი ფაქტობრივად ვერ ხორციელდება, შეფერხება არ არის აღმოსავლეთის მარშრუტზე, მაგრამ ეს რუსეთისთვის, რომელიც ხორბლის უმსხვილესი ექსპორტიორია, საკმარისი არ არის. ქვეყანაში ჭარბი მარაგია, რამაც ფასები კლებისკენ დააკორექტირა. იმის გამო, რომ რუსეთს მილიონობით ტონა ხორბალი აქვს გასაყიდი, მოთხოვნა კი დაბალია, საქონელზე ფასი შემცირდა. შესაბამისად, საქართველოში რუსეთიდან ხორბალი იმაზე დაბალ ფასად შემოდის, ვიდრე წინა წლებში. ხორბლისა და ფქვილის მწარმოებელთა ასოციაციის აღმასრულებელი დირექტორის, ლევან სილაგავას განცხადებით, ფასი წლიურ ჭრილში 15-20%-ითაა შემცირებული. მისი თქმით, დღეს ადგილზე შემოტანილი 1 ტონა ხორბლის ფასი $220 ფარგლებშია. ასოციაციის ხელმძღვანელი ამბობს, რომ რუსეთში შექმნილი ვითარება საქართველოზე მოიკლევადიან პერსპექტივაში გავლენას არ იქონიებს, თუმცა უკვე გაზაფხულიდან არ არის გამორიცხული, რომ იმპორტიორებს გარკვეული პრობლემები შეექმნათ. ამიტომაც, ლევან სილაგავა მთავარ გამოსავლად ადგილობრივი წარმოების ხელშეწყობას, მარაგების შექმნასა და ხორბლისა და ფქვილის იმპორტის დაბალანსებას მიიჩნევს. #ახალიამბები #BusinessMediaGeorgia
მიმდინარე წლის II კვარტალში საქართველოში შემოსული პირდაპირი უცხოური ინვესტიციების მოცულობა წლიურად 29.9%-ით გაიზარდა და 505.7 მლნ დოლარი შეადგინა. წინასწარი მონაცემებით, FDI-ს უდიდესი წილი - 83.5% ამ პერიოდისთვის რეინვესტიციას უკავია, რომლის მოცულობა 422.5 მლნ დოლარია. რაც შეეხება სააქციო კაპიტალის წილს, წინა წლის შესაბამისი პერიოდის მონაცემებთან შედარებით ის 23.3%-ით შემცირდა და 72.9 მლნ დოლარი შეადგინა, რაც მთლიანი პირდაპირი უცხოური ინვესტიციების 14.4%-ია. საქსტატის მონაცემებით, II კვარტალში ყველაზე მეტი - 255.7 მლნ დოლარის პირდაპირი უცხოური ინვესტიცია საფინანსო და სადაზღვევო საქმიანობების სექტორში განხორციელდა, რაც მთლიანი FDI-ის 50.6%-ია. მეორე ადგილს ენერგეტიკის სექტორი, მესამეს კი დამმუშავებელი მრეწველობის სექტორი იკავებს. რეინვესტიციის მაღალი წილი პირდაპირ უკავშირდება იმას, რომ ქვეყანაში ახალი ინვესტიციების შემოდინება სწრაფი ტემპით არ ხდება - ამბობს ფინანსისტი გიგა ბედინეიშვილი. მისი თქმით, კონკრეტული ფაქტორების გამო საქართველოში ინვესტორები საქმიანობის წამოწყებას თავს არიდებენ. მისი თქმით, ერთ-ერთი მთავარი სამართლებრივი გარემოა, რაც ინვესტორს აშინებს. #ახალიამბები #BusinessMediaGeorgia
ჯანმრთელობის დაზღვევის ბაზრის გადანაწილება შეიცვალა. 5 უმსხვილესი კომპანიის წილი ბაზარზე მცირედით, თუმცა შემცირდა, შედარებით მცირე წილის მფლობელმა კომპანიებმა კი ახალი მომხმარებლების მოზიდვა შეძლეს. მთლიანობაში კერძო დაზღვევის მფლობელთა რაოდენობა 8%-ით გაიზარდა. 30 ივნისის მდგომარეობით ქვეყნის მოსახლეობის 19% სარგებლოობს კერძო სამედიცინო დაზღვევით. პსპ დაზღვევის სამეთვალყურეო საბჭოს თავმჯდომარის შეფასებით, ჯანმრთელობის დაზღვევის პორტფელი გაიზარდა, თუმცა მცირედით. როგორც სოფო ლებანიძე ამბობს, მეტად გაზრდილია სადაზღვევო პრემია, ვიდრე ახალი პოლისების რაოდენობაა. #ახალიამბები #BusinessMediaGeorgia
#ბიზნესსიახლეები bm.ge-სგან / 08.09.2023 “ზარა,” “მანგო,” “მასიმო დუტი” - ბათუმში დასავლეთ საქართველოში ყველაზე დიდი სავაჭრო ცენტრი იხსნება; ₾6 მილიონის ინვესტიცია და 55 ჰა-ზე მოცვის ბაღები ჩხორიაში - Keystone Agro-ს გეგმები; „ფქვილის იმპორტზე დაწესებული გადასახადი გრძელვადიანი უნდა იყოს“ - ლადო ბიძინაშვილი; ქუთაისი აეროპორტს საზოგადოებრივი ტრანსპორტით ვერ უკავშირდება, მსოფლიოში გამონაკლისი ქალაქია - გიდების ასოციაცია; „წლევანდელი რთველის მთავარი გამოწვევა ყურძნის ხარისხია, საოცრად ცუდი წელია“ – თელავის ღვინის მარანი; "საზამთროს მოსავლის 50% სეტყვამ გამინადგურა" - ფერმერი; “წინა წელთან შედარებით, კორპორატიული გაყიდვები გავაორმაგეთ” - “ჩიზქეიქერის” გეგმები; #ახალიამბები #BusinessMediaGeorgia
რუსეთში საწვავის დეფიციტია. ქვეყნის სოფლის მეურნეობის მინისტრი ქვეყანაში მოსავლის აღებსა და საშემოდგომო სამუშაოები შესაძლოა შეფერხებაზე ჩივის. ვითარების გამოსწორებისთვის დიმიტრი პატრუშევი ნავთობპროდუქტების ექსპორტის შეჩერების ინიციატივითაც გამოვიდა. პარალელურად, რუსეთს ხორბლის ჭარბი მარაგი აქვს, რადგანაც მოსავალი ექსპორტზე იმ მოცულობით ვეღარ გადის, როგორც სანქციებამდე გაჰქონდა, ამ ფაქტორის გათვალისწინებით კი, რუსული ხორბლის ფასი შემცირებულია. #ახალიამბები #BusinessMediaGeorgia
ჯანმრთელობის დაზღვევის ბაზრის გადანაწილება შეიცვალა. 5 უმსხვილესი კომპანიის წილი ბაზარზე მცირედით, თუმცა შემცირდა, შედარებით მცირე წილის მფლობელმა კომპანიებმა კი ახალი მომხმარებლების მოზიდვა შეძლეს. მთლიანობაში კერძო დაზღვევის მფლობელთა რაოდენობა 8%-ით გაიზარდა. 30 ივნისის მდგომარეობით ქვეყნის მოსახლეობის 19% სარგებლობს კერძო სამედიცინო დაზღვევით. #ახალიამბები #BusinessMediaGeorgia
საზამთროსა და ნესვის მოსავლის სეზონი დასასრულს უახლოვდება, სწორედ ამიტომ გადავწყვიტეთ, აღნიშნული პროდუქტის მწარმოებელი ფერმერები მოგვეკითხა, როგორი მოსავალი იყო წელს, რა რაოდენობის ზარალი მიაყენათ უამინდობამ და როგორი იყო სარეალიზაციო ბაზარი? #ახალიამბები #BusinessMediaGeorgia
2023 წლის რაგბის მსოფლიო ჩემპიონატი იწყება #ახალიამბები #BusinessMediaGeorgia
საქართველოში 2023 წლის II კვარტალში 505.7 მლნ დოლარის პირდაპირი უცხოური ინვესტიცია შემოვიდა, რაც 2022 წლის II კვარტლის დაზუსტებულ მონაცემებზე 29.9%-ით მეტია. მეორე კვარტალში შემოსული ინვესტიციის ძირითადი ნაწილი 423 მილიონი ამერიკული დოლარი კი რეინვესტიციაა. ტოპ ათი ინვესტორის სიაში მიმდინარე კვარტალში ცვლილებებია. ჩამონათვალშია საფინანსო სადაზღვევო საქმიანობების სექტორში საქართველოს კაპიტალი, ატლას ჰოლდინგსი, სილქ როუდ გრუპ ჰოლდინგი, ბიჯეო ჯგუფი და ექსელუს ჰოლდინგსი. დამამუშავებელი მრეწველობაში ყველაზე დიდი ინვესტიცია 2023 წლის მეორე კვარტალში ჰაიდელბერგცემენტ ჯორჯიამ განახორციელა. #ახალიამბები #BusinessMediaGeorgia
ჯოზეფ ბორელის გზავნილები - შეფასება სტუმარი: ზვიად ჭუმბურიძე - საქართველო-ევროკავშირის ბიზნესსაბჭოს გენერალური მდივანი; #ახალიამბები #BusinessMediaGeorgia
საქართველოს აეროპორტებში გასულ წლებთან შედარებით მგზავრთნაკადი იზრდება. გაუმჯობესებული შედეგები აქვს ქუთაისის საერთაშორისო აეროპორტსაც, საიდანაც ყველაზე მეტ რეისს ავიაკომპანია ვიზიარი ასრულებს. აეროპორტი და ვიზიარი იმერეთის, უფრო მეტად კი ქუთაისის ტურიზმის ერთ-ერთი მთავარი მასტიმულირებელი ფაქტორია. აეროპორტში მგზავრთნაკადის ზრდა ნაკლებად ახდენს გავლენას ქუთაისში ტურისტების რაოდენობაზე. ბიზნესი ამბობს, რომ ქუთაისი ტურისტების სიმრავლეს ვერ გრძნობს და ამის ერთ-ერთ მიზეზად ქუთაისის აეროპორტიდან ქალაქამდე საზოგადოებრივი ტრანსპორტის არ არსებობს ასახელებს. რა პრობლემას უქმნის ეს ბიზნესს და ზოგადად ქალაქის ტურისტულ პოტენციალს? #ახალიამბები #BusinessMediaGeorgia
საქართველოში 2023 წლის II კვარტალში 505.7 მლნ დოლარის პირდაპირი უცხოური ინვესტიცია შემოვიდა, რაც 2022 წლის II კვარტალის დაზუსტებულ მონაცემებზე 29.9%-ით მეტია. მეორე კვარტალში შემოსული ინვესტიციის ძირითადი ნაწილი 423 მილიონი ამერიკული დოლარი კი რეინვესტიციაა. რომელ სექტორებში განხორციელდა ყველაზე მეტი ინვესტიცია მეორე კვარტალში და რომელი კომპანიები მოხვდნენ ყველაზე მსხვილი ტოპ ათი ინვესტორის სიაში? #ახალიამბები #BusinessMediaGeorgia
საწვავი ძვირდება. სექტემბრის დასაწყისში ბრენდირებულ ავტოგასამართი სადგურების ქსელებში ფასმა ისევ მოიმატა. ყველაზე მოთხოვნადი ევრო რეგულარის ფასი ამჟამად, 2 ლარი და 69 თეთრიდან 2 ლარსა და 82 თეთრის დიაპაზონშია. ბოლო დღეებში ფასების დაკორექტირება მოხდა სოკარისა და ვისოლის ქსელებში, 1 სექემბერს ფასი 10 თეთრით გაიზარდა გალფის ქსელშიც. საწვავი ბოლო თვეებია ძვირდება. მხოლოდ მაისიდან ბენზინის ფასი 40 თეთრზე მეტად არის გაზრდილი. ნავთობიმპორტიორები საწვავის გაძვირების მიზეზად რამდენიმე ფაქტორს ასახელებენ, ერთ-ერთი რუსეთში არსებული ვითარებაა. კერძოდ, ოკუპანტმა ქვეყანამ ნავთობის მოპოვება შეამცირა, რამაც ქვეყანაში დეფიციტი შექმნა. როგორც ირკვევა, უკვე ორი თვეა რუსეთიდან საქართველოში პრემიუმის ტიპის საწვავი არ შემოსულა. ამასთან, რუსულ კომპანიებს ექსპორტის გადასახადი გაუზარდეს, თითქმის 17 დოლარამდე, რამაც საწვავის ღირებულება გაზარდა. ახლა ქართველი იმპორტიორებისთვის რუსული ბაზარი ნაკლებად საინტერესო ხდება. ბიზნესის ნაწილმა ევროპულ ბაზარზე დაბრუნება დაიწყო. რუსეთი არასაიმედო პარტნიორია - ამბობს ბიზნესი. ნავთობპროდუქტების იმპორტიორთა კავშირსა და სენტა პეტროლიუმში აღნიშნავენ, რომ ამ დრომდე რუსული საწვავი ყველაზე იაფი იყო, რაც საქართველომ სწორად გამოიყენა და თუ ახლა პროდუქციის იმპორტი პრობლემა გახდება, მათი თქმით, ბიზნესმა მიმართულება უნდა შეიცვალოს. #ახალიამბები #BusinessMediaGeorgia
#ბიზნესსიახლეები bm.ge-სგან / 07.09.2023 “საქკაბელმა” პროდუქცია ექსპორტზე ევროკავშირში გაიტანა; რა რაოდენობის მარილი იყიდა წელს საქართველომ? „შარშანდელთან შედარებით ბინის ქირაზე ფასი 7-10%-ით შემცირდა“- უძრავი ქონების ასოციაცია; "ქართველი მწარმოებლები ქსელურ მარკეტებში, ფაქტობრივად, დაბლოკილები ვართ" - "ჩაი აკეთი"; შვეიცარიული აგრარული სკოლა ასორტიმენტს აფართოებს და რძის წარმოებას იწყებს; #ახალიამბები #BusinessMediaGeorgia
ნავთობიმპორტიორების ნაწილი რუსეთის ბაზარს შორდება და სწორებას კვლავ ევროპაზე აკეთებს. როგორც ნავთობპროდუქტების იმპორტიორთა კავშირში აცხადებენ, რუსეთში პროდუქტის წარმოების შემცირებამ დეფიციტი, ექსპორტზე ფასის დაწესებამ კი საწვავის გაძვირება გამოიწვია, რაც ქართულ ბაზარზეც აისახა. ნავთობიმპორტიორების ნაწილი, რომლებიც ერთი წლის წინ რუსულ ბაზარზე გადაეწყვნენ და იმპორტი გაზარდეს, ახლა ამბობენ, რომ რუსეთი არასაიმედო პარტნიორია. #ახალიამბები #BusinessMediaGeorgia
მომსახურების შედარებით დაბალი ხარისხი, მოძველებული ლოგისტიკური ინფრასტრუქტურა და აღჭურვილობა, მიწოდების ჯაჭვის არაეფექტიანი მენეჯმენტი და კვალიფიციური კადრების ნაკლებობა - ეს ტრანსპორტისა და ლოგისტიკის სფეროში არსებული გამოწვევების არასრული ჩამონათვალია. პრობლემები თვალსაჩინოა და ის „საქართველოს 2023-2030 წლების ტრანსპორტისა და ლოგისტიკის ეროვნულ სტრატეგიაშიც აისახა, რომელიც მთავრობამ აგვისტოში დაამტკიცა. ამავე სტრატეგიით, განისაზღვრა სამიზნე მაჩვენებლებიც მათ შორის, მაგალითად, სტრატეგიის მიხედვით, თუ 2022 წელს საერთაშორისო სახმელეთო გადაზიდვები 26 მლნ ტონა იყო, ეს მაჩვენებელი 2024 წლისთვის მინიმუმ 9%-ით უნდა გაიზარდოს, 2030 წლისთვის კი, მინიმუმ 41%-ით. უნდა გაიზარდოს რკინიგზის როლიც გადაზიდვებში და თუ დღეისათვის სახმელეთო ტვირთნაკადში რკინიგზის წილი 48%-ია, 2024 წელს ეს მაჩვენებელი არანაკლებ 58% უნდა იყოს. სტრატეგია იმ 5 მთავარ ამოცანაზეც ამახვილებს ყურადღებას რაც ე.წ „შუა დერეფნისა“ და ქვეყანაზე გამავალი სხვა სატრანსპორტო მარშრუტების განვითარებისთვის საქართველომ უნდა გააკეთოს, რადგანაც არის შესაძლებლობა მოკლე ვადაშიც კი ტვირთის დამატებით მოზიდვა მოხდეს. ტრანსპორტისა და ლოგისტიკის სექტორი არაერთი გამოწვევის წინაშე დგას. რა არის პირველი რიგის გამოწვევები, რამდენად ასახავს მთავრობის 2023-30 წლების სტრატეგია რეალობას და რა ნაბიჯები უნდა გადაიდგას დამატებითი ტვირთის საქართველოს დერეფანში გადმომისამართების თუ სტრატეგიით განსაზღვრული მიზნობრივი მაჩვენებლების მისაღწევად? სტუმარი: აკაკი საღირაშვილი - საქართველოს ბიზნეს ასოციაციის აღმასრულებელი დირექტორის პირველი მოადგილე; #ახალიამბები #BusinessMediaGeorgia
ქართული ჩაის პროდუქცია ადგილობრივთან ერთად საექსპორტო ბაზრებისთვისაც საკმაოდ საინტერესოა, თუმცა სექტორი გარკვეული შეფერხებებით მუშაობს. კონკრეტულად, რა პოტენციალი აქვს ქართულ ჩაის, როგორია მოსავალი წელს და რა დაბრკოლებებს აწყდებიან მწარმოებლები? #ახალიამბები #BusinessMediaGeorgia
10 სექტემბრიდან "საპარტნიორო ფონდი" ახალი სახელით აგრძელებს საქმიანობას - „საქართველოს განვითარების ფონდად“ გარდაქმნილი „საპარტნიორო ფონდი“ საქმიანობას 250 მილიონიანი კაპიტალით დაიწყებს. რა შემთხვევაში შეძლებს ფონდი სესხის გაცემას, რა სექტორებზე გააკეთებს ის აქცენტს და როგორი იქნება ფონდის თანამონაწილეობა პროექტებში? #ახალიამბები #BusinessMediaGeorgia
#ბიზნესსიახლეები bm.ge-სგან / 06.09.2023 აღმაშენებლის გამზირზე 50-მდე კაფეს უნებართვო კონსტრუქციის დემონტაჟი განხორციელდა; შვეიცარიული აგრარული სკოლა “კავკასია” USAID-თან პარტნიორობით მოკლევადიან ტრენინგებს ჩაატარებს; "ჯორჯიან მანგანეზმა" წარმოება შეამცირა - კომპანიამ 11 ღუმლიდან რვა გააჩერა; “სეტყვის საწინააღმდეგო ბადეების 10%-იანი დაფინანსების გაზრდაზე სამინისტროსგან პასუხს ველით” - აგრობადე; "ჩვენს ვიზიტორებში ევროპელი ტურისტების რაოდენობა საგრძნობლად მცირეა" - HSC Group; "2019 წლის მაჩვენებელს 30%-ით ჩამოვრჩებით" - "ტურები და ბილეთები"; #ახალიამბები #BusinessMediaGeorgia
საქართველომ DCFTA-ით აღებული ვალდებულებების 60% უკვე შეასრულა - ეს განცხადება ეკონომიკის მინისტრის მოადგილემ პარლამენტში, ევროპასთან ინტეგრაციის კომიტეტში გააკეთა, სადაც დეპუტატებს ევროკავშირთან ღრმა და ყოვლისმომცველი თავისუფალი ვაჭრობის სივრცის შესახებ ანგარიში წარუდგინა. გენადი არველაძის თქმით, კანონების 99% 2027 წლისთვის შესრულდება. მისი თქმით, მთავრობა სხვადასხვა ინსტრუმენტის დანერგვით, კერძო სექტორს კონკურენტუნარიანობის გასაზრდელად აქტიურად ეხმარება, ევროკავშირში გატანილი პროდუქციის ჩამონათვალი კი მზარდია. #ახალიამბები #BusinessMediaGeorgia
“თქვენი ბიზნესის კეთებით გარემო არ უნდა დააბინძუროთ” - ასე მიმართა თბილისის მერმა კახა კალაძემ სუპერმარკეტებს და თბილსერვის ჯგუფთან ხელშეკრულების გაფორმებისკენ მოუწოდა, რომელიც მათ მიერ წარმოქმნილ ნარჩენს შესაბამის ნაგავსაყრელზე გადაიტანს. კალაძის თქმით, ამ მიმართულებით დარღვევები ხშირია, რის გამოც ქალაქი ზარალდება. მერი ამბობს, რომ ნაგვის ურნები, რომლებიც საყოფაცხოვრებო ნარჩენისთვის არის განკუთვნილი სუპერმარკეტების მხრიდან წარმოქმნილი ნარჩენით ივსება, რაც კანონდარღვევაა. თბილისის მერი ბიზნესს კანონის დაცვისკენ მოუწოდებს, წინააღმდეგ შემთხვევაში კი აანონსებს, რომ ამ მხრივ ჯარიმები გაიზრდება. კალაძის ამ განცხადებას უკვე მოჰყვა შეფასებები. რითეილ ექსპერტი მირანდა მანჯგალაძე ამბობს, რომ დღეს ყველა მსხვილ ქსელურ სუპერმარკეტს გაფორმებული აქვს ხელშეკრულება თბილსერვის ჯგუფთან და დიდი მოცულობის თანხებსაც იხდის მათ მომსახურებაში. მისი თქმით, მთავარი პრობლემა ქალაქში სუპერმარკეტების მხრიდან წარმოქმნილ ნარჩენის მოცულობასა და გატანის სიხშირეს უკავშირდება. მისივე განმარტებით, რითეილ ასოციაციას არაერთი შეხვედრა ჰქონდა თბილსერვის ჯგუფთან ნარჩენების გატანის სიხშირის გაზრდასთან დაკავშირებით, თუმცა ამ დრომდე პრობლემა ვერ მოგვარდა. #ახალიამბები #BusinessMediaGeorgia
10 წელი ჩინეთის “ერთი სარტყელი, ერთი გზის ინიციატივიდან“ - როგორია ჩინეთის გზა მოდერნიზაციისკენ და ჩინეთ-საქართველოს ურთიერთობის განვითარების შესაძლებლობები. თბილისში ამ თემებთან დაკავშირებით კონფერენცია მიეძღვნა. რა გავლენას ახდენს ეს ინიციატივა საქართველოზე და შუა დერეფანზე და რა როლი შეიძლება ჰქონდეს ჩინეთს ანაკლიის ღრმაწყლოვანი პორტის პროექტში, გადაიხარა თუ არა საქართველო ჩინეთისკენ. #ახალიამბები #BusinessMediaGeorgia
2023-2024 სასწავლო წელი 14 სექტემბერს დაიწყება. შესაბამისად, მშობლები სასკოლო ნივთებს ყიდულობენ. საკანცელარიო მაღაზიებმა სხვადასხვა შეთავაზებებიც გააკეთეს და ამაზე საქმიანი დილას ეთერში უკვე ვისაუბრეთ, თუმცა ქსელურ მაღაზიებთან ერთად საინტერესოა რა მდგომარეობაა სასკოლო ნივთების ბაზრობაზე, ფასების და მომხმარებელთა აქტივობის კუთხით? #ახალიამბები #BusinessMediaGeorgia
საქართველომ DCFTA-ით აღებული ვალდებულებების 60% უკვე შეასრულა - ეს განცხადება ეკონომიკის მინისტრის მოადგილემ პარლამენტში, ევროპასთან ინტეგრაციის კომიტეტში გააკეთა, სადაც დეპუტატებს ევროკავშირთან ღრმა და ყოვლისმომცველი თავისუფალი ვაჭრობის სივრცის შესახებ ანგარიში წარუდგინა. გენადი არველაძის თქმით, კანონების 99% 2027 წლისთვის შესრულდება. მისი თქმით, მთავრობა სხვადასხვა ინსტრუმენტის დანერგვით, კერძო სექტორს კონკურენტუნარიანობის გასაზრდელად აქტიურად ეხმარება, ევროკავშირში გატანილი პროდუქციის ჩამონათვალი კი მზარდია. რას აკეთებს ხელისუფლება ევროკავშირში ექსპორტის გასაზრდელად და რამდენად ეფექტიანად ვითვისებთ თავისუფალი ვაჭრობის რეჟიმის შესაძლებლობებს? #ახალიამბები #BusinessMediaGeorgia
მიმდინარე წლის 6 თვეში სადაზღვევო ინდუსტრია 34,3 მილიონი ლარის წმინდა მოგებაზე გავიდა. ეს გასული წლის ანალოგიურ პერიოდთან შედარებით სამჯერ გაზრდილი მაჩვენებელია. გასული წლის პირველ ნახევარში სადაზღვევო კომპანიებს 10 მილიონი ლარის წმინდა მოგება ჰქონდათ. წლიურად 86 მლნ-ით გაიზარდა მოზიდული პრემიის პორტფელიც. ჯამში 18 სადაზღვევო კომპანიას 591 მლნ ლარის პრემიის პორტფელი აქვს. ყველაზე მეტი სადაზღვევო პრემია როგორც გასულ, ასევე მიმდინარე წელსაც „ჯიპიაიამ მოიზიდა“ (110 მლნ ლარი), მეორე ადგილზე - „თიბისია“ (90 მლნ ლარი), მესამეზე კი - „ალდაგი“ (84 მლნ ლარი). ხუთეულში შედიან ასევე იმედი ლ, არდი და უნისონი. ანაზღაურებული ზარალების მიხედვითაც პირველ ადგილზე ჯიპიაი ჰოლდინგია, წლის პირველ ნახევარში კომპანიამ 55 მლნ ლარის ზარალი აანაზღაურა. ჯამურად ინდუსტრიის მიერ პირდაპირი დაზღვევის საქმიანობიდან ანაზღაურებული ზარალების მოცულობა კი 227,6 მილიონ ლარს შეადგენს. რამ განაპირობა სადაზღვევო სექტორის მაღალი მოგებიანობა და როგორ ვითარდება ეს ინდუსტრია ქვეყანაში? სტუმარი: მიხეილ ჯაფარიძე - სადაზღვევო კომპანია „არდის“ გენერალური დირექტორი; #ახალიამბები #BusinessMediaGeorgia
თბილისის საკრებულოში წარდგენილი განაშენიანების რეგულირების გეგმის ირგვლივ შექმნილი აჟიოტაჟი პოლიტიკური ნარატივია, - ამის შესახებ დედაქალაქის მერმა, კახა კალაძემ მუნიციპალიტეტის მთავრობის დღევანდელ სხდომაზე განაცხადა. მისი თქმით, ოპოზიცია მიზანმიმართულად ცდილობს აღნიშნული მიმართულების დისკრედიტაციას და საზოგადოების შეცდომაში შეყვანას. საუბარია სამ მსხვილ დეველოპერულ პროექტზე, რომელიც დედაქალაქში უნდა განხორციელდეს. პროექტების მისამართით ბოლო დღეებია კრიტიკა ისმის მათ შორის დარგის ექსპერტების მხრიდანაც. კითხვები ჰქონდათ გენგემის ავტორებსაც. #ახალიამბები #BusinessMediaGeorgia
პირველი სექტემბრიდან მართვის მოწმობის აღების პირობები გამკაცრდა. მართვის უფლების აღების მსურველს ავტომობილის ტექნიკურ გამართულობასთან დაკავშირებული საკითხების ცოდნა მოუწევს. Რას გულისხმობს მართვის უფლების მისაღებ გამოცდაში დამატებული ახალი პუნქტი და როგორ აფასებენ ამას ავტოსკოლების წარმომადგენლები? #ახალიამბები #BusinessMediaGeorgia
მთავრობა თელავის აეროპორტის ასაფრენ-დასაფრენის დაგრძელებაში 20-დან 30 მილიონამდე ლარს დახარჯავს. როგორც ირაკლი ღარიბაშვილი აცხადებს, მშენებლობა წელს დაიწყება და პირველ მგზავრებს აეროპორტი გაზაფხულზე მიიღებს. პრემიერის თქმით, თელავის აეროპორტი ტურიზმის განვითარებას ხელს შეუწყობს. თელავის აეროპორტიდან პირდაპირი ფრენები ქუთაისის, ამბროლაურის, ბათუმისა და მესტიის მიმართულებით უნდა შესრულდეს. ეკონომიკის მინისტრის თქმით, შიდა ავიაციის განვითარებისთვის შიდა რეისების ხელშეწყობა და ადგილობრივი აეროპორტების მოწყობა მნიშვნელოვანია. დეტალური გეგმა ან აეროპორტის აშენების მიზნობრიობა მთავრობას არ წარმოუდგენია. აეროპორტი, რომელიც 2012 წლიდან საქართველოს საავიაციო უნივერსიტეტს ეკუთვნოდა, მთავრობას გადაეცა. დოკუმენტებს ხელი უკვე მოეწერა, თუმცა გარიგების შედეგები ოფიციალურად ჯერჯერობით ასახული არ არის. შეთანხმების მიხედვით, ტერიტორია, სადაც სტუდენტები პრაქტიკულ მზადებას გადიან, უნივერსიტეტის ბალანსზე რჩება, ასაფრენ-დასაფრენი ზოლი კი, რომელიც უნდა გაფართოვდეს, სახელმწიფოს გადაეცა. მოლაპარაკების შედეგად, საქართველოს მთავრობა აეროპორტის მფლობელს თანხას არ გადაუხდის. შეთანხმება ითვალისწინებს პირობას, რომ სახელმწიფო ადგილზე ინვესტიციას ჩადებს, ასაფრენ-დასაფრენ ზოლს განავითარებს, ინფრასტრუქტურას კი უნივერსიტეტი უსასყიდლოდ გამოიყენებს. სერგო ტეფნაძის თქმით, მათ თავად მიმართეს ხელისუფლებას, რომ ტერიტორია სახელმწიფოს საკუთრება გამხდარიყო. ➡ირაკლი ღარიბაშვილი - საქართველოს პრემიერ-მინისტრი; ➡ლევან დავითაშვილი - ვიცე-პრემიერი; ეკონომიკისა და მდგრადი განვითარების მინისტრი; #ახალიამბები #BusinessMediaGeorgia
აგროდაზღვევის საჭიროება დღის წესრიგში გასულ უქმეებზე კახეთში მოსულმა ძლიერმა სეტყვამ კიდევ ერთხელ დააბრუნა. სტიქიამ კახეთში 3500-ე მეტი ჰექტარი ვენახი დააზიანა, კიდევ ერთხელ გამოაჩინა აგროდაზღვევის და ასევე სეტყვისგან დამცავი სისტემების საჭიროება. სახელმწიფო აგროდაზღვევის პროგრამის ფარგლებში წლის განმავლობაში მილიონობით ლარს ხარჯავს, მაგალითად წელს ბიუჯეტში ამ მიმართულებით 12 მილიონი ლარია გამოყოფილი, თუმცა ფერმერთა ნაწილს შენიშვნები აქვს. ამბობენ, რომ როგორც სახელმწიფოს, ისე ფერმერების რესურსი არამიზნობრივად იხარჯება და რეალურად ვერ პასუხობს მათ საჭიროებას. ფერმერმა ნიკა გეთიაშვილმა, დღეს საკმაოდ ღიად ისაუბრა საქმიანი დილას ეთერში, რომ სახელმწიფო აგროდაზღვევის სუბსიდირებით ხელს უფრო უშლის ფერმერებს, ვიდრე ეხმარება. მისი თქმით, სტანდარტული პირობები, რაც სახელმწიფო პროგრამის ამოქმედების შემდეგ გაჩნდა სადაზღვევო კომპანიებზე უფროა მორგებული, ვიდრე ფერმერებზე. აგროდაზღვევის სახელმწიფო პროგრამაში არსებულ ხარვეზებზე საუბრობენ ფერმერთა ასოციაციაშიც. ➡რატი კოჭლამაზაშვილი - ფერმერთა ასოციაციის თავმჯდომარის მოადგილე; ➡ნიკა გეთიაშვილი - ფერმერი; ➡ნატალია ხარატიშვილი - სოფლის განვითარების სააგენტოს დირექტორის მოადგილე #ახალიამბები #BusinessMediaGeorgia
#ბიზნესსიახლეები bm.ge-სგან / 05.09.2023 Entrée - ლონდონში რიგით მეოთხე ფილიალს გახსნის - ინვესტიცია 300 000 ფუნტია; "რაჭაში მძიმე რთველი გველოდება"- მეღვინეები მიზეზებზე; “კახეთში ვენახები მოშენებულია იქ, სადაც არ უნდა იყოს"-ფაფრის ველი; „პირობას გაძლევთ, აუცილებლად ამოვიღებთ „კირილიცას“ ჩვენი შეფუთვიდან“ - "კულას" განცხადება; „თრეველ ჯორჯია ვან“: „მხარჯველუნარიანი ტურისტების რაოდენობა მნიშვნელოვნად შეგვიმცირდა“; Helio.AI - პირველი ინოვაციური სტარტაპი საქართველოს HR ეკოსისტემაში; #ახალიამბები #BusinessMediaGeorgia
აგროდაზღვევის საჭიროება დღის წესრიგში გასულ უქმეებზე კახეთში მოსულმა ძლიერმა სეტყვამ კიდევ ერთხელ დააბრუნა. სტიქიამ კახეთში 3500-ე მეტი ჰექტარი ვენახი დააზიანა, კიდევ ერთხელ გამოაჩინა აგროდაზღვევის და ასევე სეტყვისგან დამცავი სისტემების საჭიროება. სახელმწიფო აგროდაზღვევის პროგრამის ფარგლებში წლის განმავლობაში მილიონობით ლარს ხარჯავს, მაგალითად წელს ბიუჯეტში ამ მიმართულებით 12 მილიონი ლარია გამოყოფილი, თუმცა ფერმერთა ნაწილს შენიშვნები აქვს. ამბობენ, რომ როგორც სახელმწიფოს, ისე ფერმერების რესურსი არამიზნობრივად იხარჯება და რეალურად ვერ პასუხობს მათ საჭიროებას. ფერმერმა ნიკა გეთიაშვილმა, დღეს საკმაოდ ღიად ისაუბრა საქმიანი დილას ეთერში, რომ სახელმწიფო აგროდაზღვევის სუბსიდირებით ხელს უფრო უშლის ფერმერებს, ვიდრე ეხმარება. მისი თქმით, სტანდარტული პირობები, რაც სახელმწიფო პროგრამის ამოქმედების შემდეგ გაჩნდა სადაზღვევო კომპანიებზე უფროა მორგებული, ვიდრე ფერმერებზე. აგროდაზღვევის სახელმწიფო პროგრამაში არსებულ ხარვეზებზე საუბრობენ ფერმერთა ასოციაციაშიც. ➡რატი კოჭლამაზაშვილი - ფერმერთა ასოციაციის თავმჯდომარის მოადგილე; ➡ნიკა გეთიაშვილი - ფერმერი; ➡ნატალია ხარატიშვილი - სოფლის განვითარების სააგენტოს დირექტორის მოადგილე #ახალიამბები #BusinessMediaGeorgia
საქსტატის 2022 წლის მონაცემებით, საქართველოში ფუნქციონირებდა 269 საავადმყოფო, საწოლთა ფონდი კი 17.9 ათასს შეადგენდა, რაც 13.0 პროცენტით ნაკლები იყო წინა წლის ანალოგიურ მაჩვენებელზე. სტატისტიკის ეროვნული სამსახურის სტატისტიკაში ცალკე ჩაშლილად რეანიმაციული საწოლების რაოდენობა ჩაშლილი არ არის. მიუხედავად რისკებისა და ბიზნესის მოთხოვნისა, როგორც ჩანს სამინისტრომ ახალი სტანდარტების შემოღების ვალდებულება არ გადაავადა. ჯერ კიდევ ივლისში ეს გადაწყვეტილება მათ შორის ჯანდაცვის მინისტრმა ზურაბ აზარაშვილმაც გააჟღერა. აქედან გამომდინარე 1 სექტემბრიდან საქართველოში მოქმედი ყველა დაწესებულება, რომელიც რეანიმაციული სერვისის მიმწოდებელია ვალდებულია დააკმაყოფილოს შესაბამისი პირობები, რომელიც ითვალისწინებს რეანიმაციული განყოფილების ინფრასტრუქტურული მოწყობის, აღჭურვილობის, ლაბორატორიული და დიაგნოსტიკური კვლევების, სპეციალური ოპერატიული პროცედურების, მომსახურების ხარისხის, სამედიცინო პერსონალის რაოდენობისა და განათლების ვალდებულების შემოღებას. 1 სექტემბრიდან შესაბამისი სანებართვო პირობების გარეშე კლინიკას რეანიმაციული მომსახურების მიწოდების უფლება აღარ აქვს. რამდენად მოასწრეს კლინიკებმა შესაბამისი პირობების დაკმაყოფილება, რამდენად მარტივი იყო მათთვის ეს პროცესი და რა სირთულეები შეხვდათ შესაბამისი ვალდებულების ამოქმედებამდე ბიზნესს? სტუმარი: მაია მახარაშვილი - ჯანდაცვის ასოციაციის სამეთვალყურეო საბჭოს თავმჯდომარე; #ახალიამბები #BusinessMediaGeorgia
2022 წელს, გლობალურად ნავთობის დღიურმა საშუალო წარმოებამ 80.75 მილიონ ბარელს მიაღწია. ეს ნიშნავს, რომ ნედლი ნავთობის წლიურმა მოპოვებამ დაახლოებით, 29.5 მილიარდი ბარელი შეადგინა, ხოლო ბაზრის ზომა, არსებული ფასებით, 2 ტრილიონს გაუტოლდა. რომელი ქვეყნები აწარმოებენ ყველაზე მეტ ნავთობს მსოფლიოში, ამ კითხვაზე საპასუხოდ მსოფლიოს ერთ-ერთი უმსხვილესი ნავთობმწარმოებელი BP 2022-2023 წლის სტატისტიკური მიმოხილვას აქვეყნებს. #ახალიამბები #BusinessMediaGeorgia
მთავრობა თელავში ახალი აეროპორტის მშენებლობას და ადგილზე 30 მლნ ლარის ინვესტიციის განხორციელებას აანონსებს. Ამ დრომდე თელავის აეროდრომი მიმინო, სადაც ახალი ინფრასტრუქტურა უნდა განვითარდეს კერძო საკუთრებაში იყო და ის საავიაციო უნივერსიტეტს ეკუთვნოდა. როგორც bmg-სთვის გახდა ცნობილი თელავის აეროდრომის ნაწილი სახელმწიფოს საკუთრებაში გადადის, კერძო პირსა და მთავრობას შორის მოლაპარაკებები უკვე დასრულდა. უნივერსიტეტის რექტორი BMG-სთან აცხადებს, რომ დოკუმენტს ხელი უკვე მოეწერა. რა გარიგება შედგა მთავრობასთან და პირობით დათმო საავიაციო უნივერსიტეტის მფლობელმა ქონების ნაწილი? #ახალიამბები #BusinessMediaGeorgia
მევენახეები 2023 წლის რთველთან დაკავშირებით არც თუ ისე საიმედო შეფასებებს აკეთებენ. კერძო სექტორი ამბობს, რომ წელს მათთვის რთული წელი იქნება და ეს არამხოლოდ გასულ კვირას კახეთში მოსულ უხვ ნალექს, არამედ მთელი ზაფხულის სეზონის განმავლობაში არსებულ მაღალ ტენიანობას უკავშირდება. საქართველოს პრემიერ-მინისტრის განცხადებით, ფერმერებს დასეტყვილი, დაზიანებული თუ ჩვეულებრივი ყურძენი ჩაუბარებელი არ დარჩებათ. ასე გამოეხმაურა ირაკლი ღარიბაშვილი მთავრობის სხდომაზე, კახეთში, რამდენიმე დღის წინ სეტყვის შედეგად დაზარალებულ მევენახეთა საკითხს. მთავრობის მეთაურმა კიდევ ერთხელ აღნიშნა, რომ სახელმწიფო რთველის სუბსიდირების პროგრამას აგრძელებს და 1 კგ ყურძენს 90 თეთრად ჩაიბარებს. #ახალიამბები #BusinessMediaGeorgia
#ბიზნესსიახლეები bm.ge-სგან / 04.09.2023 რა შემოსავალი აქვს Radisson-ის სასტუმროების მფლობელ SRG Real Estate-ს? როგორია ,„ნიკორა ჯგუფის“ 6 თვის მაჩვენებლები? ბიზნესსექტორში დასაქმებულთა საშუალო ხელფასი 1 914 ლარამდე გაიზარდა; კახეთში სასტუმრო "ქვევრები" სტუმრების მიღებას იწყებს - რა გეგმები აქვთ დამფუძნებლებს? “ექსპორტი სასაჩუქრე მიმართულებით 10-15%-ითაა გაზრდილი” - “ნიამორი”; #ახალიამბები #BusinessMediaGeorgia
„ქვეყანა ძლიერდება, ვითარდება, მდიდრდება და ამას სჭირდება შენარჩუნება... ეს ჩვენი სწორი პოლიტიკის შედეგია“ -განაცხადა ირაკლი ღარიბაშვილმა, რომელმაც მთავრობის დღევანდელი სხდომა მაკროეკონომიკური პარამეტრების მიმოხილვებსაც დაუთმო და ეკონომიკასა და ბიზნესში არსებული ტენდენციებით კიდევ ერთხელ მოიწონა თავი. მთავრობის სხდომის შემდეგ კი, მედიის კითხვებს ვიცეპრემიერმა ლევან დავითაშვილმა უპასუხა. #ახალიამბები #BusinessMediaGeorgia
პარლამენტის ჯანდაცვის კომიტეტი დაგროვებითი პენსიის შესახებ კანონში ცვლილებაზე დღეს იმსჯელებს. კანონპროექტის მიხედვით, საპენსიო დანაზოგის ყველა ბენეფიციარი 6 სექტემბრის ნაცვლად, დაბალრისკიან პორტფელში 2028 წლის იანვრამდე ავტომატურად დარჩება. როგორც გასულ თვეს საკანონმდებლო ორგანოში განაცხადეს, სექტემბრის ბოლომდე ახალ კანონს მიიღებენ, რომლის მიხედვით, საპენსიო დანაზოგის ბენეფიციარებისთვის პორტფელების არჩევის ვადა გახანგრძლივდება. რატომ გადაწყდა კანონში ცვლილებები, რომ საპენსიო დანაზოგები 2028 წლამდე დაბალრისკიან აქტივებში დარჩეს და როგორ დაბრუნდება ის სხვადასხვა აქტივში? ზაზა ლომინაძე - "პარლამენტის ჯანმრთელობის დაცვისა და სოციალურ საკითხთა კომიტეტის" თავმჯდომარე; #ახალიამბები #BusinessMediaGeorgia
2023 წლის აგვისტოში წინა თვესთან შედარებით ინფლაციის დონემ საქართველოში 0.7 პროცენტი, ხოლო წლიური ინფლაციის დონემ 0.9 პროცენტია. რამ იქონია გავლენა წლიური ინფლაციის ფორმირებაზე და რა პროდუქტები თუ მომსახურება გაძვირდა ან გაიაფდა აგვისტოში ყველაზე მეტად? #ახალიამბები #BusinessMediaGeorgia
წინანდლის კლასიკური მუსიკის ფესტივალის წარმდგენი ტრადიციულად კომპანია "სილქნეტია". ჭავჭავაძეების ისტორიულ მამულში მე-5 საიუბილეო ფესტივალის პირველი კონცერტი ჯანანდრეა ნოზედას დირიჟორობით გაიხსნა. 2018 წელს დაფუძნებულმა წინანდლის ფესტივალმა, უმაღლესი რეპუტაცია დაიმკვიდრა მსოფლიოს წამყვან ფესტივალებს შორის. საუკეთესო მუსიკოსებისა და გამორჩეული პროგრამის გარდა, მნიშვნელოვანი კომპონენტია ფესტივალის ფარგლებში დაარსებული პან-კავკასიური ორკესტრი, რომელმაც წელს რეგიონის 7 ქვეყნის 77 ახალგაზრდა მუსიკოსი გააერთიანა. წინანდლის ისტორიულ მამულში, 11 დღის განმავლობაში 25 კონცერტი გაიმართება. მომდევნო დღეებში საქართველო, კერძოდ წინანდალი, კლასიკური მუსიკის ნამდვილ დღესასწაულად გადაიქცევა. ➡გიორგი რამიშვილი -წინანდლის ფესტივალისა და კომპანია "სილქნეტის" დამფუძნებელი; ➡ავი შოშანი - წინანდლის ფესტივალის სამხატვრო ხელმძღვანელი; ➡ცოტნე ზედგინიძე - მუსიკოსი; #ახალიამბები #BusinessMediaGeorgia
#ბიზნესსიახლეები bm.ge-სგან / 30.08.2023 რთველი 2023 - რა რაოდენობის ყურძენია უკვე ჩაბარებული? თიბისიმ, კორპორაციულ კლიენტებთან მომსახურებაში, Siginify-ის ელექტრონული ხელმოწერა დანერგა; "არტე დეველოპმენტი" ახალ მულტიფუნქციურ საცხოვრებელ კორპუსს აშენებს - პროექტი "საქართველოს ბანკთან" ერთად ხორციელდება; ქართული სტარტაპი Tasteit გერმანიის ბაზარზე შესვლისთვის ემზადება; "გალაქტიონის მარნის" მენეჯმენტი, კომპლექსში არსებულ რესტორანს მზის ენერგიაზე გადაიყვანს; #ახალიამბები #BusinessMediaGeorgia
#ბიზნესსიახლეები bm.ge-სგან / 29.08.2023 საქართველოს ბანკის მხარდაჭერით „თერმოინდუსტრიამ“ მზის პანელები დაამონტაჟა; "მომხმარებლების რეკორდული რაოდენობა გვიფიქსირდება" - Taste It; "4-5 წელი ვერ ვგეგმავთ ექსპორტს, უწყვეტობას და წარმადობას ვერ დავაკმაყოფილებთ" - "ბოსტანი"; "ჩვენი სტუმრები ძირითადად ისინი არიან, ვინც საქართველოში ერთხელ უკვე ნამყოფია" - Forest Man's Ranch; ქართული ღვინო, ბოლო წლებში, ძალიან წარმატებულია გერმანიის ბაზარზე - გერმანიის ელჩის მოადგილე; #ახალიამბები #BusinessMediaGeorgia
#ბიზნესსიახლეები bm.ge-სგან / 23.08.2023
ციხისძირში მალე სრულიად განსხვავებული კონცეფციის ტურისტული ცენტრი გაჩნდება. ბათუმიდან სულ რაღაც 15 კილომეტრში უნიკალური პროექტი ხორციელდება. საუბარია პეტრა სი რეზორტზე - საცხოვრებელ და საინვესტიციო კომპლექსზე, რომელმაც ბრენდული სასტუმროები, ბრენდული რეზიდენციების ბლოკი, სასტუმრო ტიპის საინვესტიციო აპარტამენტები - ჯამში 42 შენობა და სხვადასხვა რეკრეაციული ინფრასტრუქტურა უნდა გააერთიანოს. პროექტს უდიდესი მასშტაბები აქვს, ციხის ძირში 236 მილიონი დოლარის ინვესტიცია უნდა განხორციელდეს - სწორედ მისი მასშტაბებიდან გამომდინარე კომპლექსის მართვას მრავალწლიანი გამოცდილების მქონე საერთაშორისო კომპანია სჭირდება, რისთვისაც პეტრა სი რეზორტმა საქართველოს ბაზარზე Valor hospitality international შემოიყვანა და თანამშრომლობის მემორანდუმი გააფორმა. #ახალიამბები #BusinessMediaGeorgia
#ბიზნესსიახლეები bm.ge-სგან / 22.08.2023
#ბიზნესსიახლეები bm.ge-სგან / 21.08.2023
კომპანია „გრინვეის“ ისტორია ზუსტად 5 წლის წინ დაიწყო, მას შემდეგ რაც ქვეყანაში ავტოსატრანსპორტო საშუალებების სავალდებულო ტექინსპექტირების რეფორმა ამოქმედდა. 54 მილიონი ლარის საწყისი ინვესტიციით დაწყებული საქმე მალევე იქცა ბიზნესად, რომელმაც ტექინსპექტირების სფეროში მანამდე არსებული არასახარბიელო პრაქტიკა შეცვალა და ის თანამედროვე, საერთაშორისო სტანდარტებზე გადაიყვანა. დღეს „გრინვეის“ ბაზრის 40%-მდე უჭირავს. ის მთელი ქვეყნის მასშტაბით 31 სერვის ცენტრს ფლობს, ასაქმებს 300-ზე მეტ ადამიანს და ჩატარებული აქვს 1 500 000 ტექინსპექტირება. #ახალიამბები #BusinessMediaGeorgia