რუსეთიდან საქართველოში მიღებული ბუნებრივი გაზის მოცულობები იზრდება. მოცულობების შედარებით მაღალი მაჩვენებელი 2023 წლიდან შეინიშნება. ხოლო აზერბაიჯანიდან - სამხრეთ კავკასიური გაზსადენიდან მიღებული მოცულობები შემცირებულია. აზერბაიჯანულ - დამატებით და ოფციურ გაზს საქართველო ყაზახი-საგურამოს საბჭოთა მილსადენიდან იღებს, რომლის გამტარუნარიანობა დღეში 10-12 მლნ კუბური მეტრია. დანაკლისს საქართველო რუსული გაზით ივსებს. არსებული ინფორმაციით, საქართველომ სამხრეთ კავკასიურ საერთაშორისო მილსადენში თავისი კუთვნილი სივრცე აზერბაიჯანს დაუთმო, რათა მან ავსტრიისა და გერმანიისთვის გაზის მოცულობების მიწოდება შეძლოს, ხოლო დამატებით და ოფციურ გაზს ტექნიკურად, სოკარისგან - საგურამოს მილსადენით იღებს. სპეციალისტების შეფასებით, ყაზახი-საგურამოს საბჭოთადროინდელი მილსადენი ამორტიზებულია, და მისი დაზიანების რისკები დიდია.

#ახალიამბები #BusinessMediaGeorgia