ძვირფასი მეტალების ბაზარზე აღმასვლის მკვეთრი ტენდენცია გრძელდება - ოქროს ფასი ერთ თვეში 5%-ზე მეტად გაიზარდა და უნცია მეტალის ღირებულებამ ამჯერად 4,700 დოლარს გადააჭარბა. საერთო ჯამში, ერთწლიან პერიოდში ოქრო 73%-ით არის გაძვირებული, ბოლო 6 თვეში კი ფასის 38%-იანი ზრდა ფიქსირდება. მკვეთრად გაძვირებულია ვერცხლიც. უნციის ღირებულება 94 დოლარს აღწევს, რაც თვიურ ჭრილში 38%-იანი მატებაა. ოქროზე ფასების რბოლა მსოფლიოში ეკონომიკური და გეოპოლიტიკური რისკების ზრდით არის განპირობებული. რუსეთ-უკრაინის ომის გაჭიანურება, ვენესუელაში არსებული ვითარება, აშშ-ევროკავშირს შორის არსებული დაძაბულობა და ირანში რეჟიმის დამხობის რისკი ბირჟაზე ოქროს და ვერცხლის გაძვირებას იწვევს. პარალელურად საქართველოში ოქროს ფასმა ახალ რეკორდულ მაჩვენებელს მიაღწია. 1 გრამი 999-სინჯიანი ოქროს ღირებულებამ 416 ლარს მიაღწია. რა გავლენა აქვს ოქროს საბირჟო ფასებს ოქროს ნაკეთობებზე და როგორ იცვლება მოთხოვნა ძვირფას ლითონზე ადგილობრივ ბაზარზე?

სტუმარი: თორნიკე სამხარაძე - “ზარაფხანას” აღმასრულებელი დირექტორი

#ახალიამბები #BusinessMediaGeorgia