რომელი მილსადენით იღებს საქართველო აზერბაიჯანულ გაზს? იმ ფონზე, როდესაც ევროპისთვის აზერბაიჯანული გაზის მიწოდება იზრდება და შესაბამისად, გაიზარდა საქართველოს წილიც ტრანზიტული გაზის გატარებიდან, კიდევ ერთხელ დადგა დღის წესრიგში საკითხი, რა გზით იღებს საქართველო ბუნებრივ აირს. სემეკის 2024 წლის ანგარიშიდან ჩანს, რომ 2022 წლის შემდეგ საქართველო გაზის თითქმის სრულ მოცულობას აზერბაიჯანიდან არა სამხრეთ კავკასიური გაზსადენიდან, არამედ მცირედიამეტრიანი ძველი საბჭოთა მილიდან, ყაზახი-საგურამოდან იღებს. სპეციალისტების შეფასებით, ყაზახი-საგურამოს საბჭოთადროინდელი მილსადენი ამორტიზებულია, და მისი დაზიანების რისკები დიდია. არსებობს კითხვები იმასთან დაკავშირებითაც, თუ რის სანაცვლოდ დათმო საქართველომ თავისი წილი ტექნიკურად და პოლიტიკურად უსაფრთხო, საერთაშორისო მილსადენში.

#ახალიამბები #BusinessMediaGeorgia