საქართველოში უძრავი ქონების ტოკენიზაციის ტექნოლოგიის დანერგვა იგეგმება. აღნიშნულთან დაკავშირებით საქართველოს მთავრობამ დუბაიში დაფუძნებულ კომპანია PRYPCO-სთან მემორანდუმი გააფორმა, რომელიც დუბაის უძრავი ქონების ბაზრის ერთ-ერთი უმსხვილესი დეველოპერული კომპანია DAMAC-ის შვილობილია. თავად ეს ინსტრუმენტი უძრავი ქონების ციფრულ აქტივებად დაყოფას და ტოკენების სახით რეალიზაციას გულისხმობს, რამაც მთავრობის შეფასებით, საქართველოში უძრავი ქონების სექტორში მეტი ინვესტორის მოზიდვას უნდა შეუწყოს ხელი. თავად სექტორის წარმომადგენლების ნაწილი ამბობს, რომ ამ ტექნოლოგიის დანერგვა ერთი მხრივ, ადგილობრივი და უცხოელი ინვესტორებისთვის უძრავ ქონებაზე წვდომას გაზრდის, მეორე მხრივ კი სექტორის მონაწილეებს დამატებით ლიკვიდობას შეუქმნის. თუმცა სპეციალისტების შეფასებით, მსგავსი ტექნოლოგიის დანერგვას გარკვეული რისკებიც ახლავს თან. რას ნიშნავს ტოკენიზაცია უძრავ ქონებაში და რა პერსპექტივა აქვს საქართველოში მის დანერგვას?

#ახალიამბები #BusinessMediaGeorgia