„თანაინვესტირების ფონდის" ყოფილი გენერალური დირექტორის, გიორგი ბაჩიაშვილის გათავისუფლების, ასევე მისი ოჯახის მიმართ ყველა ტიპის სამართლებრივი დევნის შეწყვეტის შემდეგ საქართველოს სახელმწიფო საზღვრის უკანონოდ გადაკვეთაში დახმარების ფაქტზე მსჯავრდებული შოთა ქარუმიძე ისევ ციხეშია. მიუხედავად იმისა, რომ გიორგი ბაჩიაშვილთან საპროცესო შეთანხმება გაფორმდა და ის 9-თვიანი თავისუფლების აღკვეთის შემდეგ გათავისუფლდა, შოთა ქარუმიძე ციხეს მაინც ვერ ტოვებს. შოთა ქარუმიძეს თავისუფლება ორი ინსტანციის სასამართლოს მიერ 4 წლითა და 6 თვის ვადით აქვს აღკვეთილი. თავის დროზე ქარუმიძეს საპროცესო შეთანხმების გაფორმებაზე უარი ეთქვა, რის გამოც მას და მის ადვოკატს სააპელაციო სასამართლოს გადაწყვეტილება ზემდგომ ინსტანციაში აღარ გაუსაჩივრებიათ. იქიდან გამომდინარე, რომ საქმის წარმოება შოთა ქარუმიძის მიმართ სასამართლოში არ მიმდინარეობს, მასთან საპროცესო შეთანხმება ვერ გაფორმდება. შესაბამისად, სამართლებრივი მექანიზმები მის გასათავისუფლებლად აღარ არსებობს. რა მაინტერესებს იცით? ყველაზე ჰუმანური და სამართლიანი სამართალდამცველი სისტემისგან - საზღვრის უკანონო კვეთის ფაქტს თუ უნულებთ კერძო დავის ფარგლებში ადამიანს და ამ შემთხვევაში, გიორგი ბაჩიაშვილს ვგულისხმობ და ეს სრულიად კანონიერია, ამ მძღოლმა რა დააშავა რომელსაც ორი კაპიკის გაკეთება უნდოდა და ოჯახს კიდევ ორი წლით დატოვეთ ან რაც დარჩა მსჯავრი? ეტყობა ეს დაბალი ღობეა. და კიდევ ერთი, გასულ დღეებში წინასწარი პატიმრობა შეეფარდა ბიზნესმენ ვანო გოგლიძეს, რომელსაც აღმოჩნდა რომ მისი ბრენდის, კულას გარდა, ასევე ჰქონდა სპეციალურად ტენდერებისთვის, ანუ ქართული ჯარის და სხვა სტრუქტურების გამოსაკვებად შექმნილი კომპანიები, რომლებიც ტენდერებს იგებდნენ. ახლა მის მიმართ არის პრეტენზია, სრულიად წარმოუდგენელი, რომელიც რეპუტაციულად ანადგურებს კომპანიასაც, მის ბრენდსაც და დამფუძნებელსაც. მე ვერ ვხდები, რა დააშავა ამ ბიზნესმენმა ისეთი რომ ამ საკითხის გარკვევა არ შეიძლებოდა იმგვარად, რომ აღკვეთის ღონისძიება ყოფილიყო შედარებით ლმობიერი, ან სად წავიდოდა და გაიქცეოდა, თუ სახელმწიფო ცდილობს მისგან ტენდერებში გაცემული 8 მლნ ამოღებას , რადგან ს

#ახალიამბები #BusinessMediaGeorgia