გენერალ დე გოლის ისტორია - გიორგი ისაკაძის საავტორო ეპილოგი / 22.11.2026

გაზიარება
15 წუთის წინ
0
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

22 ნოემბერი, გიორგობის წინა დღეა, და გასული საუკუნის გამორჩეული პოლიტიკოსის, შარლ დეგოლის დაბადების დღეც არის. ერთერთი რაც ყველაზე ხშირად ტრიალებს ქართულ ინტერნეტ სივრცესი არის გამონათქვამი, რომელსაც ლეგენდარულ გენერალს და ფრანგ პოლიტიკოსს მიაწერენ: "არ შეიძლება ხელისუფლებაში დაბალი განვითარების ადამიანების დაშვება, რადგან ისინი ქვეყანას თავიანთ დონემდე დაიყვანენ. " შარლ დე გოლს ასეთი გამონათქვამი არასდროს ჰქონია და ეს დაახლოებით, ისეთივე შეცდომაა რაც მე დავუშვი ქალბატონ მზექალა შანიძესთან დაკავშირებით, როცა მისი და იტალიელი ქართველოლოგის ლუიჯი მაგარატოს დიალოგი გადმოვეცი, არც არსებობდა ბუნებაში შემდგარი სახით. და ამისთვის, კიდევ ერთხელ ბოდიშს ვუხდი საზოგადოებას და ქალბატონ მზექალას. მაგრამ, ერთი,ჩემი აზრით სევდანარევი ისტორია მსურს მოგიყვეთ ამ ლეგენდარულ პიროვნებაზე, რომელიც დღევანდელ დღეს ეხმაურება, ანუ მწუხრს საქართველოში. გენერალს სამი შვილი ჰყავდა. განსაკუთრებით საინტერესოა უმცროსი ქალიშვილის –ან დე გოლის ისტორია. ის დაუნის სინდრომით დაიბადა. მაშინ შეზღუდული შესაძლებლობების მქონე ახალშობილებს ბავშვთა თავშესაფრებში აგზავნიდნენ. ანმა კი მთელი ცხოვრება, სიკვდილამდე, საკუთარ ოჯახში გაატარა. დიდ გენერალს არასდროს დაუმალავს შვილის დიაგნოზი. სახლში ასეთი წესი ჰქონდათ – ანს არავიზე ნაკლებად არ უნდა მოქცეოდნენ. გენერალი დე გოლი მაინც ხასიათით მორცხვი კაცი იყო, სხვათაშორის ოჯახშიც კი, მაგრამ არა – ანთან, რომელიც მამისგან იღებდა თითქოს მხოლოდ მისთვის დაგროვილ სითბოს. მასთან უფრო თბილი და მზრუნველი იყო, ვიდრე სხვა შვილებთან. ართობდა სიმღერებით,ცეკვებით, პანტომიმით, ხშირად კი ბავშვივით თამაშობდა, რომ ანი გაეხარებინა. დე გოლის თქმით, ანი მისთვის „იყო სიხარული“.ანი 20 წლის ასაკში პნევმონიით გარდაიცვალა,მამის ხელებში.დაკრძალვისას დე გოლმა თქვა:„ის ახლა ისეთივე გახდა, როგორც ყველა. სიკვდილი ხომ ყველას ათანაბრებს“. გენერალი დე გოლი ანის გვერდით დაკრძალეს,შვილისა, რომელსაც მხოლოდ ერთადერთი სიტყვის თქმა შეეძლო გამართულად – „მამა“. და ამ ერთმა სიტყვამ სრულად შეცვალა ამ დიდებული და ეპოქალური პიროვნების ცხოვრება.

მაჩვენე მეტი