პრენატალური ულტრაბგერითი დიაგნოსტიკა საერთაშორისო სტანდარტებით თბილისი ISUOGApprovedCourse გაიმართა

ბილტმორში გაიმართა ISUOG-ის მიერ აღიარებული საერთაშორისო კონფერენცია, პრენატალური ულტრასონოგრაფია კლინიკურ პრაქტიკაში. ღონისძიებამ 200-მდე დელეგატი გააერთიანა, მათ შორის ქართველი და უცხოელი პროფესორები, წამყვანი მეან-გინეკოლოგები, ულტრაბგერითი დიაგნოსტიკის სპეციალისტები და საერთაშორისო ექსპერტები. კონფერენცია გახსნეს პირველმა ლედიმ, ქალბატონმა თამარ ბაგრატიონმა და ჯანდაცვის მინისტრის მინისტრის მოადგილე, ქალბატონმა თეა გიორგაძემ, რომლებმაც დარგის განვითარების და საერთაშორისო თანამშრომლობის მნიშვნელობაზე ისაუბრეს. ღონისძიების ერთ-ერთი მთავარი გზავნილი სწორედ თანამედროვე სამედიცინო განათლების, საერთაშორისო გამოცდილების გაზიარებისა და საქართველოში პრენატალური დიაგნოსტიკის სტანდარტების განვითარების ხელშეწყობა იყო. რა მნიშვნელობა აქვს ამ საერთაშორისო აღიარებას საქართველოსთვის, რა სიახლეები განიხილეს კონფერენციაზე და როგორ შეიძლება მიღებული გამოცდილების კლინიკურ პრაქტიკაში გამოყენება?