ყვარლის მუნიციპალიტეტის სოფელ სანავარდოში 5-ვარსკვლავიანი ტურისტული კომპლექსი, „ასკანელი რეზორტი“ ოფიციალურად გაიხსნა. 35 მილიონი ლარის ინვესტიციით შექმნილი მასშტაბური პროექტი რეგიონში 100-ზე მეტ ახალ სამუშაო ადგილს ქმნის და საერთაშორისო ბრენდის - Trademark Collection by Wyndham-ის ქოლგის ქვეშ იწყებს ოპერირებას. მაღალი კლასის ინფრასტრუქტურა კომპანია „ასკანელის“ ინვესტიციით, „თიბისის“ ფინანსური მხარდაჭერითა და სახელმწიფო პროგრამის „აწარმოე საქართველოში“ თანამონაწილეობით განხორციელდა. ახალი რეზორტი თანამედროვე ტურისტულ სტანდარტებს ქართული ღვინისა და გასტრონომიის ტრადიციებთან აერთიანებს, რაც პროექტის შემქმნელების მოსაზრებით, კახეთის რეგიონის ეკონომიკურ და ტურისტულ პოტენციალს კიდევ უფრო აძლიერებს.


#ახალიამბები #BusinessMediaGeorgia