ქართული, ინოვაციური წარმოების, ATOM KIDS-ის ისტორია 2018 წელს იწყება. მაშინ კომპანიამ მიზნად დაისახა ბავშვებში მეცნიერებისადმი ინტერესი გაეზარდა და ამ მოტივით შემეცნებითი, ექსპერიმენტული თამაშები შექმნა, რომლებიც STEM მიმართულებებს მოიცავს. იდეამ გაამართლა. დღეს ის არაერთ კმაყოფილ მომხმარებელს აერთიანებს. რაც ყველაზე მთავარია, კომპანიამ შეძლო და ბავშვები, თუნდაც მცირე დროით, გაჯეტებს მოწყვიტა. ATOM KIDS-ის განვითარების გეგმა მხოლოდ ადგილობრივ ბაზარს არ უკავშირდება. მალე ქართულ ექსპერიმენტებს ექსპორტზეც ვიხილავთ. ნინო ბარამიძე - ATOM KIDS, დამფუძნებელი #ახალიამბები #BusinessMediaGeorgia
იცით თუ არა, როდის და რომელ ასაკში დაიწყო კაპიტალის დაგროვება და რეალური ზრდა, მსოფლიოში ცნობილმა და ბევრისთვის სამაგალითო უორენ ბაფეტმა? პატარა უორენმა გარჯა და შრომა ჯერ კიდევ ადრეულ ასაკში დაიწყო, და პირველი თანხა, 5 ათასი დოლარის კაპიტალით, 14 წლის ასაკში შეიქმნა. პირველი მილიონი კი - 30 წლის ასაკში. აი რაც შეეხება პირველ მილიარდს, უორენ ბაფეტი და მისი ლეგენდარული კომპანია "ბერკშაია ჰეთევეი" ინვესტორთა კლუბში ადგილს, მხოლოდ 52 წლის ასაკში და მილიარდერთა კლუბში კი - 56 წლის ასაკში იმკვიდრებს. #ახალიამბები #BusinessMediaGeorgia
დღეს ძველი თბილისის სექსმუშაკებისა და ქალაქში არსებული სექს ინდუსტრიის შესახებ გიამბობთ. რატომ ეძახდნენ მათ ყვითელი ქაღალდის ტურფებს და როგორ ვითარდება ეს ბიზნეს საქმიანობა მე-19 საუკუნის თბილისში. გიორგი ჭეიშვილის საავტორო გადაცემა; #ახალიამბები #BusinessMediaGeorgia
მუკეშ ამბანმა სრულად მოხნა რეკორდი მსოფლიოში და მისი უმცროსი ვაჟის ქორწინების აღსანიშნავად 600 მლნ დოლარზე მეტი დახარჯა. საინტერესოა, თუ რამდენი ხანი, სად მიმდინარეობდა მისი აღნიშვნა და ვინ დაესწრო საარაკოდ ცნობილი ქორწინებას მუმბაიში. #ახალიამბები #BusinessMediaGeorgia
მუკეშ ამბანი სიმდიდრით მსოფლიოში მე-11 ადგილზეა, აზიაში კი პირველზე. ის 117 მილიარდი აშშ დოლარის ქონებას ფლობს და ინდოეთის უმდიდრესი ადამიანია. 1981 წელს ის უკვე მილიონერი იყო, რაც, ფაქტობრივად, მამისგან მიიღო. მილიარდერი კი ბიზნესის გადაბარებიდან 13 წელიწადში, 1997 წელს გახდა. #ახალიამბები #BusinessMediaGeorgia
ყავის საერთაშორისო ბრენდი Mikel Coffee საქართველოს ბაზარზე შემოვიდა. ბრენდის პირველი ობიექტი თბილისში, ჭავჭავაძის 26 ნომერში, გაიხსნა. Mikel Coffee 2008 წელს საბერძნეთში დაარსებული ყავის მაღაზიათა ქსელია, რომელიც დღეს მსოფლიოს 20 ქვეყანაში 400-მდე ფილიალით არის წარმოდგენილი. როგორც კომპანიაში განმარტავენ, Mikel Coffee Georgia-ს პროდუქცია ყველა ტიპის, ასაკისა და გემოვნების ადამიანზე არის მორგებული. Mikel Coffee-ის ყავა 100%-იანი არაბიკაა, რომლის მარცვლებიც საგულდაგულოდ ბრაზილიის, ცენტრალური ამერიკისა და აფრიკის პლანტაციებში არის შერჩეული. კომპანიაში განმარტავენ იმასაც, რომ განსაკუთრებული არომატის მისაღწევად დიდი ყურადღება ეთმობა ისეთ ნიუანსებს, როგორიც არის: წყლის ფილტრაცია, ყინულის გრამაჟი და ასევე ჭიქის ხარისხი. ეკატერინე კაკაურიძე - "მიკელ ქოფი ჯორჯია", რეგიონალური მენეჯერი #ახალიამბები #BusinessMediaGeorgia
საქართველოში ნაყინის ინდუსტრია მზარდია. წელს ბიზნესის ნაწილისთვის გაყიდვების მაჩვენებელმა გასული წლის ანალოგიურ პერიოდთან შედარებით საშუალოდ 30%-35%-ით მოიმატა, თუმცა ნაყინის სეზონის აქტიური პერიოდი ჯერ კიდევ წინაა, ამიტომ ისინი ამ მაჩვენებლის კიდევ უფრო ზრდას პროგნოზირებენ. გაზრდილმა მოთხოვნამ და მომხმარებელთა კმაყოფილებამ ბაზრის მოთამაშეებს მეტად გაფართოების და და ქსელში ახალი პროდუქციის ჩაშვების შესაძლებლობა მისცა. თუმცა, ინდუსტრიაში კვლავ რჩება გამოწვევები. როგორც ბიზნესის წარმომადგენლები აცხადებენ, მსხვილ ქსელურ მარკეტებში პროდუქციის რეალიზაციის მხრივ, გარკვეულ სირთულეებს აწყდებიან. #ახალიამბები #BusinessMediaGeorgia
წარმოგიდგენთ, რეიტინგს თუ სად, ანუ მსოფლიოს რომელ ქვეყნებშია ყველაზე მაღალი ანაზღაურება. #ახალიამბები #BusinessMediaGeorgia
წარმოგიდგენთ, კვირის გადაცემის მთავარი ბიზნესინტერვიუს, რომლითაც ვაჯამებთ TBC-ის საქმიანობის შედეგებს წლის პირველი ნახევრის ჭრილში, ამისთვის ყოველთვის მზად არის TBC-ის გუნდი, და კონკრეტულად გენერალური დირექტორის მოადგილე, გიორგი თხელიძე. მასთან ერთად შევაჯამეთ ვითარებას ისეთ პრიორიტეტულ სექტორებში როგორიცაა: ტურიზმი, ინფრასტრუქტურა, სოფლის მეურნეობა და მეღვინეობა. საინტერესოა, რა გეგმებით არის წარმოდგენილი TBC ზაფხულში და წლის ბოლომდე, ასევე როგორ უმარტივებს სისტემური ბანკი ყოველდღიურ პროცესებს ბიზნესებს და რა დამატებით ღირებულებას ქმნის მათთვის? გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
ლარის გაცვლითი კურსი 15-19 ივლისის შუალედში გამყარდა. კვირის განმავლობაში აშშ დოლართან მიმართებით გამყარება 2.8 თეთრი, ევროსთან კი 3.1 თეთრი იყო. თუ დააკვირდებით ამ გრაფიკას დაინახავთ, რომ ლარმა პოზიციები ყველა ძირითად სავაჭრო ქვეყანასთან გასულ კვირეულშიც მოიძლიერა, გამონაკლისი მხოლოდ იაპონური იენია. ლარს სეზონური ფაქტორი სერიოზულად უჭერს მხარს და მნიშვნელოვანია, საკმაოდ რთულ შემოდგომამდე რაც შეიძლება მეტი გამყარება აჩვენოს. #ახალიამბები #BusinessMediaGeorgia
ბოლო წლების განმავლობაში საცხოვრებელ უძრავ ქონებასთან ერთად ბათუმში, კომერციული უძრავი ქონების ბაზარიც განვითარდა. აშენდა რამდენიმე სავაჭრო ცენტრი და როგორც კერძო ბიზნესის წარმომადგენლები აცხადებენ, მოთხოვნა მიწოდებას კიდევ აღემატება. რითიელ სექტორის წარმომადგენლები ბმჯთან ამბობენ, რომ მეტი სივრცის არსებობის შემთხვევაში ბაზრით უფრო მეტი საერთაშორისო ბრენდი დაინტერესდება, კონკურენცია კი მნიშვნელოვნად გაიზრდება.
საქართველოს მთავრობის „ანგარიში 2023“ -ის მიხედვით, ქვეყანაში 1 მილიარდი ლარის ღირებულების 800 სკოლის მშენებლობა-რეაბილიტაციის პროექტი მიმდინარეობს. ოფიციალური ინფორმაციით, უპრეცედენტო მასშტაბის პროექტი 2022-2026 წლებში განხორციელდება და ჯამში 80 სკოლა აშენდება, 720-ს კი რეაბილიტაცია ჩაუტარდება. პროექტის დასრულების შემდეგ თანამედროვე სასკოლო ინფრასტრუქტურით 230 000-ზე მეტი მოსწავლე ისარგებლებს. საგანმანათლებლო და სამეცნიერო ინფრასტრუქტურის განვითარების სააგენტოს ინფორმაციით, 2009-2012 წლის შუალედში სააგენტოს მიერ 16 ახალი სკოლის მშენებლობა განხორციელდა, ხოლო რეაბილიტაცია 900-მდე საჯარო სკოლას ჩაუტარდა. რაც შეეხება 2013-2021წწ პერიოდს, ამ დროის განმავლობაში სააგენტოს მიერ 57 ახალი საჯარო სკოლა აშენდა. ამავე პერიოდში 140-მდე საჯარო სკოლის სრული რეაბილიტაცია განხორციელდა. 800 სკოლის მშენებლობა-რეაბილიტაციას სსიპ საგანმანათლებლო და სამეცნიერო ინფრასტრუქტურის განვითარების სააგენტო ახორციელებს. ონლაინპლატფორმა „ფაქტმეტრის“ ინფორმაციით, პროგრამის ხანგრძლივობის წელიწადნახევრიან პერიოდში, მხოლოდ 2 სკოლის მშენებლობა იყო დასრულებული. 2023 წლის ბოლოს 7 სკოლის მშენებლობა მიმდინარეობდა, 52 სკოლა კი საპროექტო დოკუმენტაციის მომზადების ეტაპზე იყო, რისთვისაც განსაზღვრული ექვსთვიანი პერიოდი ამ დროისთვის უკვე ამოწურულია. „ფაქტმეტრი“ ასევე წერს, რომ სკოლების სამშენებლო სამუშაოების სახელშეკრულებო ხანგრძლივობა 2 წელია, რაც იმას ნიშნავს, რომ დაგეგმილი სკოლების აშენებას, უკეთეს შემთხვევაში, სულ მცირე ორწელიწად-ნახევარი დასჭირდება. როგორც ირკვევა, სკოლების რეაბილიტაციისა და მშენებლობის მიზეზით, საქართველოში ამ ეტაპზე თავიანთი უბნის სკოლის გარეშე დარჩენილია 21 203 მოსწავლე, რომლებიც სხვა სკოლებში არიან გადანაწილებული, მათ მეორე და არცთუ იშვიათად მესამე ცვლაში უწევთ სწავლა, გაკვეთილების ხანგრძლივობა კი 35წთ-ია. დანგრეული სკოლების წლობით დროში გაჭიანურება განსაკუთრებით მწვავეა ნაძალადევის რაიონისთვის. მაგ. 11-ე სკოლისთვის პროცესი 4 წელია გაჭიანურებულია, მის გარდა ნაძალადევის რაიონში კიდევ 4 სკოლაა, რომლის დემონტაჟიც უკვე რამდენიმე წელია განხორციელებულია, თუ#ახალიამბები #BusinessMediaGeorgia
დედაქალაქის ყველაზე სწრაფი გადაადგილების საშუალებაზე, მეტროზე უნდა მოგიყვეთ, რომელიც ჩვენს მოსახლეობას და არა მხოლოდ, 58 წელია ემსახურება. ამ დროის განმავლობაში, არაერთი სადგურის დამატებასთან ერთად, მეტროპოლიტენში მომხდარი არაერთი არასასიამოვნო ინციდენტის მოწმენიც გავმხდარვართ, მაგალითად ვარკეთილის მეტროში ჩამოშლილი ჭერი და სხვა. მთავრობაც, მრავალი წელია დედაქალაქის მიწისქვეშა ტრანსპორტი განახლებას გვპირდება და მეტროს მოდერნიზაციის პროექტის განხორციელებაზე მუშაობს. საინტერესოა, რატომ მუშაობს თბილისის მეტროპოლიტენი ხარვეზებით და რამდენად უსაფრთხოა გადაადგილება. #ახალიამბები #BusinessMediaGeorgia
E-motors Georgia, რომელიც საავტომობილო ბრენდს, „Jetour-ს“ ოფიციალურად წარმოადგენს საქართველოში, არ ჩერდება და ქართველ მომხმარებლებს ბრენდის უახლეს მოდელებს სთავაზობს. ამჯერად, თბილისი ჰილსის სივრცეში jetour T2 -ის პრეზენტაცია შედგა. E-motors-ის მულტიბრენდულ შოურუმში ავტომობილის შეძენის შემთხვევაში 5 წლიანი ქარხნული გარანტიით ისარგებლებთ, ფასისა და ხარისხის იდეალურ კომბინაციასთან ერთად. #ახალიამბები #BusinessMediaGeorgia
Oxgen Solutions - კომპანია, რომელიც ტესტსისტემებს ქმნის. ტესტსისტემები კი საშუალებას იძლევა დნმ-ის და რნმ-ის ანალიზები გაკეთდეს. ნატახტარში მდებარე წარმოება, ლაბორატორია, - დღეში დაახლოებით 10 000-მდე ტესტის დამზადების შესაძლებლობას იძლევა. რაც ყველაზე მნიშვნელოვანია რეალიზაცია მხოლოდ ადგილობრივ ბაზარზე არ ხდება და საქართველოში დამზადებული ტესტსისტემა საერთაშორისო ბაზრებისთვის, მათ შორის ევროპისთვისაც საინტერესო პროდუქტია. კომპანიის დამფუძნებელი თვლის, რომ საქართველოში ბიოტექმიმართულებას აქვს პოტენციალი, რამაც შესაძლოა საქართველო და აქ წარმოებული ნანო ტექნოლოგიები მსოფლიოში მეტად მოთხოვნადი გახადოს. ვლადიმერ ბარამიძე - OxGEn solutions, დამფუძნებელი #ახალიამბები #BusinessMediaGeorgia
საქართველოში ნატურალურ წვენებზე მოთხოვნა იზრდება. მზარდი დინამიკა ფიქსირდება ექსპორტშიც. 5 თვეში ქვეყნიდან $10,852.29 ღირებულების 7,093.36 ტონა პროდუქტი გავიდა, რაც გასული წლის ანალოგიურ პერიოდთან შედარებით 26.6%-ით გაზრდილი მაჩვენებელია. ცვლილებაა მთავარ საექსპორტო ბაზრებშიც. თუ 2023 წელს პირველ ადგილს რუსეთი იკავებდა, წელს ის ისრაელმა ჩაანაცვლა, სადაც $2,894.99 ღირებულების 1,513.86 ტონა ხილსა და ბოსტნეულის წვენები გავყიდეთ. ბიზნესის ნაწილი საერთაშორისო ბაზრებზე ქართული პროდუქტისადმი გაზრდილ მოთხოვნას რუსეთ-უკრაინის ომსაც უკავშირებენ, რომ მსოფლიოში უმსხვილესი მწარმოებლებისგან დანაკლისის შესავსებად, ახალი მიმწოდებლებისადმი ინტერესი იზრდება. #ახალიამბები #BusinessMediaGeorgia
MEAMA - საზოგადოებისთვის ეს კომპანია ცნობილია, როგორც კაფსულების სასმლის მწარმოებელი კომპანია, რომელმაც დედაქალაქში ასევე ერთ-ერთი ყველაზე მშვენიერი და გამორჩეული საქმიანი სივრცე ააშენა მდებარე აეროპორტის გზაზე, ეროვნული ბანკის საცავის გვერდიგვერდ. ძალიან ბევრი სიახლეა ამ კომპანიის განვითარების თვალსაზრისით და ეს არ ეხება მხოლოდ ადგილობრივ ბაზარს. საერთაშორისო კომპანია "მეამა" აგრძელებს გაფართოებას ევროპაში და ახალ ოფისებს, წარმომადგენლობას ხსნის როგორც გერმანიაში, ასევე ავსტრიაში. გეგმაშია, სრულად ფანტასტიკური ამბავი - "მეამას" წარმოების ანუ ქარხნის გახსნა ლუქსემბურგში. და ეს ყველაფერი მხარდამხარ იმისა, რომ მეამა საერთაშორისო ბაზარზე და ადგილობრივზეც ხდება სხვადასხვა ნატურალური სასმელების კაფსულების მწარმოებელი კომპანია 60-ზე მეტი დასახელების პროდუქტის წარმოებით, რომელთა შორის უკვე ჩვენი მიმდევრებისთვისაც ბევრი საინტერესო სასმისი და გემოებია. თემურ ბოსტოღანაშვილი - MEAMA, გენერალური დირექტორი; გაგა კვარაცხელია - MEAMA, კომერციული დირექტორი; გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
საქმიანმა საზოგადოებამ, უკეთ უნდა გაიცნოს ირანის ახალი პრეზიდენტი, რომელსაც მედია ნათლავს როგორც რეფორმისტ პიროვნებას და იდეაში, გარკვეულწილად, ეს სიმართლეა, რადგან ახალ არჩეული პრეზიდენტი, პეშქიანი, სერიოზულად უპირისპირდებოდა ყოფილი პრეზიდენტის, აწ დაღუპული პრეიდინტ რაისის პოლიტიკას, როგორც პოლიტიკური დევნის, საპოლიციო ზედამხედველობის და დაჭერების, ასევე დასავლეთთან რთული ურთიერთობის გამო. #ახალიამბები #BusinessMediaGeorgia
კვირის ბოლოს, მოხდა თავდასხმა პრეზიდენტობის საკმაოდ რეალური კანდიდატზე - დონალდ ტრამპზე. ტრამპი ადგილიდან სწრაფად განარიდეს, თავდამსხმელი ლიკვიდირებულია, ადგილობრივი მცხოვრები - პენსილვანიელნი, 20 წლის ტომას მეტიუ კრუკსი, რომელმაც რამდენიმე საათით ადრე ტერაქტამდე ვიდეო ჩაწერა, სადაც ამბობს რომ ეზიზღება რესპუბლიკელები და დონალდ ტრამპი. #ახალიამბები #BusinessMediaGeorgia
გიორგი ისაკაძის პროლოგი / 14.07.2024 #ახალიამბები #BusinessMediaGeorgia
ახალ-ახალი საცხოვრებელი კომპლექსების მშენებლობის შემდეგ, ბაზარზე მენეჯმენტ კომპანიების გაჩენის საჭიროება დადგა, რომელიც იზრუნებენ, როგორც მოვლა-პატრონობაზე, ისე განახლებასა და განვითარებაზე. ერთ-ერთი მოწინავე ამ ბიზნესში გახლავთ "ბენე კომფორტი," რომელიც მომხმარებლებს ცხოვრების ახალ, უფრო კომფორტულ და თანამედროვე სტანდარტს სთავაზობს. კომპანია უზრუნველყოფს, როგორც საცხოვრებელი კომპლექსის მენეჯმენტს, ასევე გაყიდვების სრულ აუთსორსინგს. სტუმრები: ⤵️ ➡️ბექა არაბული - Bene Comfort-ის მმართველი პარტნიორი; ➡️გიზი ურუშაძე - Bene Comfort-ის კომერციული დირექტორი; ✔️ #უძრავიქონებისპროსპექტი თათია ჩაფიჩაძესა და გუგა კობახიძესთან ერთად
კომპანია ალიანს ჯგუფმა, Wyndham Grand Residences Tbilisi-ში - Wyndham Hotels & Resorts-ის ყველაზე მაღალსეგმენტური ბრენდული რეზიდენციების გაყიდვები ალიანს ჰაიალინის C თაუერში, ოფიციალურად დაიწყო. შეთავაზების ფარგლებში, ინვესტორები მხოლოდ ერთხელ, შეზღუდული დროით სპეციალური გადახდის პირობებით ისარგებლებენ
2005 წელს, ავსტრალიელმა პროფესორმა, ექიმმა ბარი ჯეიმს მარშალმა და მისმა კოლეგან რობინ უორენმა მიიღეს ნობელის პრემია. მსოფლიოს უმაღლესმა შემფასებელმა უწყებამ და შვედეთის ნობელის საბჭომ, გამოარჩია ექიმები ნაშრომისთვის, რომელმაც დაადასტურა ჰელიკობაქტერია პილორის გავლენა, რომელიც იწვევდა ადამიანის ორგანიზმში გასტრიტსა და წყლულს, მათ შორის თორმეტგოჯა ნაწლავზე. თუმცა, ამ აღიარებამდე იყო საკმაოდ გრძელი გზა. წყლული სერიოზული პრობლემა იყო მედიცინისთვის,იგივე ნაპოლეონი და ჯეიმს ჯოისი კუჭის წყლულთან დაკავშირებული გართულებებით დაიღუპნენ. მე-20 საუკუნის 80-იანი წლების დასაწყისში ორმა ავსტრიელმა პათომორფოლოგმა, ბარი მარშალმა და რობინ უორენმა შეამჩნიეს, რომ გასტრიტითა და წყლულით დაავადებული ადამიანების კუჭის ქვედა ნაწილში მანამდე დაუდგენელი ბაქტერია ბინადრობდა. მათ ამ ბაქტერიის კულტივირება მოახდინეს, სახელი - Helicobacter pylori - მიანიჭეს და ცდების ჩატარებას შეუდგნენ; აღმოაჩინეს, რომ ბაქტერიების განადგურების შემდეგ წყლული ხორცდებოდა. სამეცნიერო საზოგადოება არ უყურებდა მარშალის თეორიას სერიოზულად 80 იან წლებში, მეტიც, საკმაოდ აგდებული დამოკიდებულება ჰქონდა მარშალის და მისი კოლეგის მიმართ, რომლებიც ამტკიცებდნენ რომ კუჭის წყლულის გამომწვევი იყო სტრესი და საკვები, მეტწილად ცხარე, შემწვარ-ცხიმიანი საკვები. #ახალიამბები #BusinessMediaGeorgia
ვეგანური კვების ობიექტის, "ნამუს" შესახებ გიყვებით, რომელიც ბაზარზე 2016 წელს გამოჩნდა და მისი მიზანი ვეგანური, ჯანსაღი კვების პოპულარიზაცია იყო. სახლში დაწყებული საქმიანობა მალე ბიზნესადაც იქცა, რომელიც ამჟამად საკუთარი მრავალფეროვანი ნაწარმის მაღაზიასა და კაფე-რესტორანსაც ფლობს. გარდა ამისა, ნამუს წარმოებული კომბუჩა, ქსელურ მარკეტებშიც რეალიზდება. ანა ტიკარაძე - “ნამუ”, დამფუძნებელი; #ახალიამბები #BusinessMediaGeorgia
კიდევ ერთი თემა, რომელიც ლიკა მეგუთნიშვილმა კომპანია "კრუიზერის" მიერ მოწყობილი ხმელთაშუა ზღვის თავგადასავლიდან ჩამოიტანა. ესპანეთისა და იტალიის სხვა ქალაქთან ერთად ის ნეაპოლშიც იმყოფებოდა სადაც სიუჟეტი მსოფლიოში ყველაზე ცნობილი პიცერიის - “L'antica Pizzeria da Michele”-ს შესახებ გადაიღო, გაესაუბრა როგორც პიცერიის მესვეურებს, ისე იმ ადამიანს, ვინც იქ პიცის დასაგემოვნებლად მსოფლიოს სხვადასხვა წერტილიდან ჩადის. მიქელეს პიცერიამ მსოფლიო აღიარება 2010 წლიდან მოიპოვა, როდესაც ჰოლივუდური მელოდრამა - “ჭამე, ილოცე და შეიყვარე” გამოვიდა და ეს ადგილი ჯულია რობერტსის გმირის თავგადასავლის ნაწილად იქცა. სწორედ ფილმის ეფექტს მიეწერება ისიც, რომ ფრანჩაიზით მისი ფილიალები მსოფლიოს ათობით ქალაქში გაიხსნა. თუმცა რაინ მერფის კინოსურათის მიღმაც, არანაკლებ საინტერესოა "პიცერია და მიქელეს” ისტორია და ბიზნესის მართვის სტრატეგია. ლუკა კუჩინიელო - L'antica Pizzeria da Michele, თანამფლობელი; #ახალიამბები #BusinessMediaGeorgia
საქართველოში კაკლის ინდუსტრია მზარდ დინამიკას ინარჩუნებს. სექტორის წარმომადგენლები წელს მოსავლიანობის ზრდას ელიან. ამბობენ, რომ შიდა მოხმარების პრაქტიკულად სრულად დაკმაყოფილებას შეძლებენ. ქვეყანაში კაკლის თვითუზრუნველყოფის მაჩვენებელი ამ დროისთვის 56.6% შეადგენს. კაკლის იმპორტის 88.7% უკრაინიდან, ყირგიზეთიდან, უზბეკეთიდან და ჩინეთიდან ხორციელდება. ბიზნესის წარმომადგენლების თქმით, ადგილობრივმა მაღალი ხარისხის პროდუქტმა იმპორტირებული ხარიხიანი კაკალი ჩაანაცვლა და ახლა მეტად ასათვისებელი უკვე ბიუჯეტური ნიშაა. #ახალიამბები #BusinessMediaGeorgia
განათლების, მით უფრო ხარისხიანი განათლების ხელმისაწვდომობაზე წუხილი არახალია. ასეა ახლაც და ასე ყოფილა ძველ თბილისშიც. XIX საუკუნის ბოლო მეოთხედში, ოჯახები, რომელთაც შვილებისთვის არც საერო და არც სასულიერო განათლების მიცემაზე არ მიუწვდებოდათ ხელი, ცდილობდნენ, როგორმე, ბავშვებისთვის პროფესიული განათლება მაინც მიეცათ, მით უფრო, რომ მტკიცედ სწამდათ: „ხელოსანს ცოდნას ვერც ვერავინ მოჰპარავს და ვერც ვერავინ წაართმევსო“.შესაბამისად, მოსახლეობა დიდ მნიშვნელობას ანიჭებდა „ხელობას“ – ფიქრობდნენ, რომ ხელობის მცოდნე ადამიანი ლუკმა-პურს ყოველთვის იშოვიდა. გიორგი ჭეიშვილის საავტორო გადაცემა; #ახალიამბები #BusinessMediaGeorgia
ბოლო რამდენიმე წლის განმავლობაში, თბილისში ავარიული სკოლების მასობრივი დემონტაჟი მიმდინარეობდა. ამასთან, არაერთი სკოლის რეაბილიტაციაც განისაზღვრა. ამავე სკოლების მოსწავლეების მშობლები წლების განმავლობაში გაჭიანურებული მშენებლობებისა და სარეაბილიტაციო სამუშაოების შესახებ ჩიოდნენ და მოითხოვდნენ სამშენებლო სამუშაოების დროულად დასრულებას. ამავდროულად, ცოტა ხნის წინ, განათლების მინისტრმა, გიორგი ამილახვარმა, საზოგადოებას განუცხადა, რომ სისტემაში არსებული სკოლების რეაბილიტაცია/მშენებლობის პროცესი პრაქტიკულად უხარვეზოდ მიმდინარეობს. #ახალიამბები #BusinessMediaGeorgia
საპარლამენტო უმრავლესობის ცვლილებასთან ერთად, ბრიტანეთში იცვლება მთავრობის მეთაურიც. მოქმედი პრემიერ-მინისტრი რიში სუნაკი ტოვებს პრემიერ მინისტრის პოსტს და დაუნინგ სტრით ათის საპრემიერო რეზიდენციას, მის ადგილს „ლეიბორისტული“ პარტიის ლიდერი - სერ კირ სტარმერი დაიკავებს, რომელიც 61 წლის ინგლისელი იურისტი და პოლიტიკოსია, საკმაოდ შთამბეჭდავი პროფესიული კარიერით . სტარმერს, კრიმინალური სამართლის დარგში გაწეული სამსახურისა და ღვაწლისთვის მას ბრიტანეთის მონარქის მხრიდან რაინდის წოდებაც კი აქვს მინიჭებული. #ახალიამბები #BusinessMediaGeorgia
ამერიკაზე დიდი ხანია დაწყებული საუბრები მისი პოლიტიკური თუ ეკონომიკური და რაც მთავარია, ფინანსური ჰეგემონიის დასრულების შესახებ. საუბრები მიდის, მაგრამ ქარავანი არ ჩერდება და მიდის, დოლარი მყარად არის დარჩენილი ყველა სტატისტიკით, როგორც მსოფლიო ანგარიშსწორების უმთავრესი საზომიც და ვალუტაც. ასეთ სისტემურ დომინაციამდე ამერიკამ დიდი და საკმაოდ საინტერესო გზა გაიარა. #ახალიამბები #BusinessMediaGeorgia
გიორგი ისაკაძის საავტორო პროლოგი / 07.07.24 - საქართველოს ეკონომიკის მიმოხილვა (კვირეული) #ახალიამბები #BusinessMediaGeorgia
უამრავ სხვადასხვა კამპანიებს შორის, განსაკუთრებით ფერადი და გამორჩეული, კოკა-კოლას სეზონური კამპანიებია რომელსაც წელიწადში კი არა თვეში რამდენჯერმეც აწყობენ. გამონაკლისი არ იყო არ ამ კვირეული ღონისძიება რომელიც იუბილარმა კოკა-კოლამ Summer Vibes Fest-ის ფარგლებში აღნიშნა. კოკა-კოლასთან პარტნიორობით რედ რედისონ თბილისმა ორ დღიანი საზაფხულო ღონისძიება - Summer Vibes Fest-ი გამართა. ღონისძიებაზე მუშაობა ექვს თვეზე მეტია, რაც მიმდინარეობს და იგეგმება, რომ ის ყოველწლიური გახდეს. ფესტივალის მთავარი თემა მუსიკა და მიქსოლოგია იყო და გეგმის მიხედვით, ის ზაფხულის განმავლობაში გაგრძელდება, მთავარი პარტნიორი კი კვლავ კოკა-კოლა იქნება, რომელიც ჰორეკა სექტორის მუდმივი მხარდამჭერია. #ახალიამბები #BusinessMediaGeorgia
"კოკა-კოლა ბოთლერს ჯორჯია" დღეს იუბილარია. ამ კომპანიამ და ბრენდმა უკვე 31 წელიწადია რაც დაწერა ისტორია საქართველოში. საქართველოში დასაქმების, მმართველობის და ბიზნესის წარმოების სრულიად ახალი სტანდარტებით დაამკვიდრეს და შექმნეს. დღემდე რჩებიან როგორც ეკონომიკის არამხოლოდ უმსხვილესი, არამედ გამორჩეული ინვესტორები და დამსაქმებლები, ინფრასტრუქტურის შემქმნელნი და ახალი პროდუქტების, ტექნოლოგიური სიახლეები მიმწოდებელნი საზოგადოებისთვის.მათი წარმოებული პროდუქტები მსოფლიოში საუკეთესო ხარისხის არის. ახალ პროდუქტებში იგულისხმება, მათ შორის ადგილობრივი ინვესტიციები, იგივე ახალი ქარხანა მთის წყალი რომელშიც 100 მლნზე მეტი ჩაიდო და გამორჩეული. #ახალიამბები #BusinessMediaGeorgia
კომპანია Block Energy წლებია საქართველოში ნავთობისა და გაზის ძებნა-მოპოვებაზე მუშაობს. მიმდინარე ეტაპზე კომპანია ნახშირბადის დაჭერა-შენახვის პროექტზე და ბუნებრივი აირის მოპოვების მიმართულებით, პარტნიორის მოძიებაზეა კონცენტრირებული. Block Energy პერსპექტიულად უყურებს კომპანია Georgia Oil and Gas-თან თანამშრომლობას, რაც სალიცენზიო არეალების გაერთიანებას გულისხმობს. Block Energy-ის აღმასრულებელი დირექტორი, პოლ ჰეივუდი მიიჩნევს, რომ საქართველო კვლავ მიმზიდველია უცხოელი ინვესტორებისთვის და აფასებს ბიზნესკლიმატსაც. ინტერვიუ: პოლ ჰეივუდი - Block Energy, აღმასრულებელი დირექტორი; მარიამ ტიტვინიძე - BMG, რეპორტიორი; #ახალიამბები #BusinessMediaGeorgia
CITYZEN-მა 27 ივნისს ხელი მოაწერა თანამშრომლობის მემორანდუმს Zaha Hadid Architects-თან თაუერის პროექტირებაზე, რომელიც ითვალისწინებს კავკასიაში პირველი მრავალფუნქციური თაუერის აშენებას. ეს პროექტი თბილისში არქიტექტურის და ქალაქის განვითარების ახალი სტანდარტების დაწესებას ისახავს მიზნად. Zaha Hadid Architects, ზაჰა ჰადიდის მიერ დაარსებული კომპანია, ცნობილია თავისი ავანგარდული დიზაინითა და უახლესი ტექნოლოგიების გამოყენებით. მინდია საბანაძე - IG International, სამეთვალყურეო საბჭოს თავმჯდომარე; ინტერვიუ: მანუელა გატო - Zaha Hadid Architects, დირექტორი; ელენე კვანჭილაშვილი - ავტორი&წამყვანი, ”ანალიტიკა”; #ახალიამბები #BusinessMediaGeorgia
გასულ კვირეულში მსოფლიოს ყურადღება მიპყრობილი იყო ამერიკის შეერთებული შტატებისკენ, სადაც გაიმართა პირველი საპრეზიდენტო წინასაარჩევნო დებატები. საზოგადოება და პოლიტიკური ექსპერტები, დებატების ჩატარების შემდეგ, არ გაყოფილან ორ ნაწილად და მათი უმრავლესობა საუბრობდა, რომ მოქმედმა პრეზიდენტმა, დემოკრატმა, ჯოზეფ ბაიდენმა ვერ აჩვენა ვერც პოლიტიკურად, ვერც ეკონომიკის ჭრილში და ვერც ფიზიკურად ის დონე რომელიც მის უპირატესობას დააფიქსირებდა რესპუბლიკელების კანდიდატის მიმართ, რომელიც, თავის მხრივ, სრულიად გაჰყვა პოლიტიკური მრჩევლების დარიგებულს: იყო უჩვეულოდ თავშეკავებული, ნაკლებად ემოციური რამაც მისი უპირატესობა აშკარად გამოკვეთა დებატებისას. იმ დონეზე გამოკვეთა, რომ ამერიკის დემოკრატიული პარტიის რიგებში, ჯოზეფ ბაიდენის შესაძლო შემცვლელებზეც კი ალაპარაკდნენ. თავად მოქმედი პრეზიდენტი კი ამბობს, ეს დებატები, არ არის კარგი საღამო ჩემთვის, თუმცა ვფიქრობ, ის არ იყო კარგი არც დონალდ ტრამპისთვის. #ახალიამბები #BusinessMediaGeorgia
#ბიზნესისკვირეული - გიორგი ისაკაძის პროლოგი /30.06.2024 #ახალიამბები #BusinessMediaGeorgia
ზაფხულის ცხელ დღეებში უწყლობის კოლაფსი დედაქალაქში ნაწილობრივ ისევ გრძელდება. წიწამურთან არსებული მაგისტრალური წყლის მილის დაზიანების გამო კვირაზე მეტია 63 000-ზე მეტ აბონენტს წყალი გრაფიკით მიეწოდება. თბილისის წყალმომარაგების სისტემის მასშტაბურმა დაზიანებამ, რომლის აღმოფხვრას ადგილზე სავარაუდოდ დიდი ოდენობით სამშენებლო ნარჩენების განთავსებას აფერხებდა, სამშენებლო ნარჩენების უსისტემო განთავსების პრობლემა კვლავ დღის წესრიგში დააბრუნა. ამ საკითხზე უკვე წლებია მიდის საუბარი, იყო შემთხვევები როცა ნარჩენი კანონდარღვევით თბილისში ისეთ ტერიტორიებზე იყრებოდა როგორიცაა მაგ. დიღმის ჭალები და ხუდადოვის ტყე. მუნიციპალურმა ინსპექციამ გასულ წელს ამ მიმართულებით 387 დარღვევა გამოავლინა და 1 მლნ 915 000 ლარი ჯარიმა გამოწერა. მოქმედი კანონმდებლობით სამშენებლო ნარჩენი როგორც ფიზიკურმა ისე იურიდიულმა პირებმა თბილსერვის ჯგუფის მართვაში მყოფ სპეციალურ პოლიგონზე უნდა განათავსონ, რისთვისაც სერვისის მიმღებმა დადგენილი ტარიფი უნდა გადაიხადონ. სტუმრები: დავით ფაჩულია - "თბილსერვის ჯგუფის" დირექტორი; ნინო ჩხობაძე - საქართველოს “მწვანეები – დედამიწის მეგობრების“ თავმჯდომარე; #ახალიამბები #BusinessMediaGeorgia
მეოცე საუკუნის უდიდესი მათემატიკური ტვინი, ხელოვნური ინტელექტის მამად წოდებული, კრიპტოლოგი, მათემატიკოსი ალან ტიურინგი ინგლისში, 1912 წლის 23 ივნისს დაიბადა. ის ბავშვობიდან ამჟღავნებდა მათემატიკურ ნიჭს, 16 წლის ალანმა შეისწავლა ალბერტ აინშტაინის ნაშრომი, რომელიც იმჟამად დაუზუსტებელი იყო, ალანმა იგი დაამუშავა და დააზუსტა. 1939 წელს, მეორე მსოფლიო ომის, ბლეტჩლის პარკში მდებარე ანალიტიკოსთა ცენტრში ალან ტიურინგი შიფრატორად მუშაობდა, მან მთავრობისგან მიიღო დავალება გაეშიფრა გერმანული სამხედრო შიფრი ენიგმა, ამისთვის ალანმა შექმნა მანქანა(კომპიუტერი), რომელსაც გააჩნდა ხელოვნური ინტელექტი, მანქანამ შეძლო ენიგმას გატეხვა, რამაც საბოლოოდ გადაწყვიტა ომის შედეგები. ისტორიკოსთა შეფასებით ტიურინგის ამ მიღწევამ მეორე მსოფლიო ომის ხანგრძლივობა 2 წლით შეამცირა და დაახლოებით 14 მილიონი ადამიანის სიცოცხლე გადაარჩინა. #ახალიამბები #BusinessMediaGeorgia
ძველი თბილისელებისთვის ერთ მნიშვნელოვან მოვლენაზე უნდა გიამბოთ, რომელიც, არც მეტი, არც ნაკლები - მეცხვარეების მიერ ქალაქში ცხვრის გატარებას უკავშირდებოდა, რასაც მუდმივი თავისტკივილი და დავიდარაბა ახლდა თან. გიორგი ჭეიშვილის საავტორო გადაცემა; #ახალიამბები #BusinessMediaGeorgia
სუბლიმირებული ხილისა და კერძების საწარმო "იზის" შესახებ გიყვებით, რომელიც ბაზარზე რამდენიმე თვის წინ გამოჩნდა და მომხმარებლების ყურადღებაც მალევე მიიქცია. უილლიამ გრასი - Izy, დამფუძნებელი; ანა შაქარაშვილი - Izy, დირექტორი; #ახალიამბები #BusinessMediaGeorgia
გიყვებით სიუჟეტზე, რომელიც ლიკა მეგუთნიშვილმა კომპანია "კრუიზერის" თაოსნობით მოწყობილი ხმელთა შუა ზღვის საკრუიზო მოგზაურობიდან ჩამოიტანა. ამჯერად, ისტორია მორიგი საპორტო ქალაქის, პალმა დე მალიორკას შესახებ უნდა შემოგთავაზოთ, რომელიც იქ გატარებულ ერთ დღეს, უფრო სწორად კი რამდენიმე საათს ასახავს და განხილულია ქალაქის კულტურა, მისი ისტორია თუ ის ღირსშესანიშნაობები, რითაც ეს ქალაქი არის გამორჩეული. #ახალიამბები #BusinessMediaGeorgia