ჩვენი გადაცემის ეპილოგი დღეს, მოკლედ და კონკრეტულად დავუთმოთ ქართულ ღვინოს მითუმეტეს, მადლობა ჩვენს მთავრობას, და წელიწადში ერთი დღე როგორც იქნა კალენდარში იქნება მონიშნული როგორც ღვინის ეროვნული დღე. ქართული ღვინის, როგორც ქვეყნის იდენტობისა და უმნიშვნელოვანესი კულტურული მემკვიდრეობის, ქართული ღვინის მრავალსაუკუნოვანი ისტორიის და მასთან დაკავშირებული ტრადიციების წარმოჩენის მიზნით: ა) დაწესდეს „ღვინის ეროვნული დღე“ და ბე: „ღვინის ეროვნული დღე“ აღინიშნოს ყოველი წლის 8 მაისს.“, - წერია პრემიერ მინისტრის განკარგულებაში. მოკლედ, მთავრობამ 8 მაისი ღვინის ეროვნულ დღედ გამოაცხადა.და შესაბამისად, „ღვინის ეროვნული დღე“ ყოველი წლის 8 მაისს აღინიშნება. ვინც ამ დღეს არ აღნიშნავს, მთავრობა გეგმავს დააწესოს შესაბამის სანქციები, მათ შორის სისხლის სამართლებრივი დევნის ვარიანტებიც განიხილება. როგორც ჩვენმა წყაროებმა გვითხრეს პარლამენტში. შაყირი და ხუმრობა იქით იყოს, და ჩხირი მელას წაუღია ჩვენი წყაროებიც,მაგრამ რაც მაინტერესებს არის შემდეგი: ყოველი წლის 8 მაისს რომ გვექნება ღვინის ეროვნული დღე, ეს დღე ნეტა უქმე ხომ არ იქნება? აბა, სად გაგოგინალა ახლა ღირსეული და დარბაისელი ქართველი, ღვინის ეროვნულ დღეს სამსახურში აღნიშნავდეს? მე მგონი, არ გამოვა ამ ამბიდან არაფერი და კიდევ ერთი უქმე გვჭირდება, რადგან გაიგეთ, რომ ქართველობა არის მძიმე, უმძიმესი ხვედრი და ყველაზე მეტად, სწორედ ჩვენ გვჭირდება უქმეები და დასვენება. თან, მე რომ მთავრობაში ვიყო, ჯვარი აქაურობას და პირი იქით მიქნია, აუცილებლად მივაყოლებდი ღვინის ეროვნული დღის აღნიშნავს "პახმელიის საერთაშორისო დღეს", და ზემოდან, ქართული მინერალური წყლების ეროვნული დღის დაწესებაზეც ვიფიქრებდი. რატომაც არა? ოცნებას, ხომ კაცი არ მოუკლავს?

#ახალიამბები #BusinessMediaGeorgia