ტოკიოს შუაგულში, მის ერთ-ერთ უძველეს და პრესტიჟულ უბან კაგურაძაკაში, საქართველომ საკუთარი ადგილი დაიმკვიდრა. აქ პირველი ქართული რესტორანი და ღვინის ბარი „აჯიკა“ გაიხსნა. სახელი სიმბოლურია: იაპონურად „აჯი“ გემოს ნიშნავს, რაც ქართულ კონტექსტში „გემრიელიასთან“ ასოცირდება. რესტორნის წარმატებაზე ციფრები მეტყველებს - იაპონიის ყველაზე პოპულარულ საძიებო პლატფორმაზე „აჯიკა“ 100 000 ობიექტს შორის წამყვან პოზიციებზეა, ჯავშნები კი მომდევნო თვეების ჭრილშიც სრულად შევსებულია. პროექტში 400 000 დოლარის ინვესტიცია განხორციელდა. 150-წლიანი ქვევრი, ქართული ღვინო და რაც მთავარია, ექსკლუზიურად იაპონიაში ამოყვანილი სულგუნი და იმერული ყველი - ეს ის დეტალებია, რაც „აჯიკას“ განსაკუთრებულს ხდის.

#ახალიამბები #BusinessMediaGeorgia