ტოკიოს ერთ-ერთ უძველეს უბანში კაგურაძაკაში, პირველი ქართული რესტორანი და ქართული ღვინის ბარი „აჯიკა“ გაიხსნა. რესტორანი ბისტროს კონცეფციით არის შექმნილი და სრულად ქართულ მოტივებზეა აგებული. რესტორნის თანადამფუძნებელი, გიორგი აბულაძე BM.GE-სთან საუბარში ამბობს,მიუხედავად იმისა, რომ "აჯიკა" სულ რაღაც ორი კვირაა იაპონიის ბაზარზე გამოჩნდა, რესტორანმა უკვე დაიკავა ქალაქში საკუთარი ადგილი და ნოემბრის ბოლომდე ყოველი დღე დაჯავშნილია.

აჯიკა“ იაპონური სიტყვიდან „აჯი“ მოდის, რაც გემოს ნიშნავს. ირიბად რომ ვთარგმნოთ, იაპონიაში პირველი ქართული რესტორნის სახელი „გემრიელიას“ ნიშნავს“.

ახალი ობიექტი იაპონურ რესტორნების ერთ-ერთ ყველაზე პოპულარულ ონლაინპლატფორმაზე „ტაბელოგზე“ უკვე წამყვან პოზიციებზეა. უფრო კონკრეტულად, პლატფორმაზე, სადაც დაახლოებით 100 000 რესტორანი არის განთავსებული, აჯიკა მომხმარებლების მიერ ძებნის კრიტერიუმით, 177-ე ადგილზეა წარმოდგენილი.

#ახალიამბები #BusinessMediaGeorgia