ატვირთვა
ავტორიზაცია რეგისტრაცია
პრესკლუბი
0:31
თურქეთში, საქართველოს საზღვართან, ავტობანზე მეწყერი ჩამოწვა, არის მსხვერპლი
1 606 ნახვა ივლისი 1, 2022

#ახალიამბებითურქეთში, საქართველოს საზღვართან ახლოს, ქემალფაშას რაიონში მეწყერი ჩამოწვა, ლოდებმა გზის პირას გაჩერებული სატვირთო მანქანები დააზიანეს. თურქული მედიის ინფორმაციით, შემთხვევის შედეგად 4 გამვლელი სატვირთო დაზიანდა, ორი მათგანი ნანგრევების ქვეშ მოექცა. გავრცელებული ინფორმაციით, დაღუპულია ერთი ადამიანი, ორი კი დაშავდა. მსხვერპლის შესახებ ინფორმაცია ზუსტდება. აღნიშნულ გზაზე მოძრაობა გადაკეტილია.

1:30
1:08
რატომ დაწვა პოლიციის მანქანის წინ – მწოლიარე კობა ხაბაზის განცხადება
5 978 ნახვა დეკემბერი 16, 2018

“ეს ჩემს ცხოვრებაში ხდება მეორედ, პირველად ჯავშანტრანსპორტიორების წინ დავწექი 8 აპრილს. მეორე დღეს, 9 აპრილის მოვლენები განვითარდა”, – ამის შესახებ პოლიციის მანქანის წინ მწოლიარე “ნაცმოძრაობის” წევრმა, კომა ხაბაზმა განაცხადა. როგორც ის ამბობს, საქართველოს “მტრის”, სალომე ზურაბიშვილის ინაუგურაციის გამო, პოლიცია მათ გზას უკეტავს.

2:37
თელავში სოფო ქაცარავას ავტომანქანა დაუზიანეს
1 900 ნახვა დეკემბერი 16, 2018

ოპოზიციის წევრებმა თელავში მმართველი გუნდის წევრის, სოფო ქაცარავას ავტომანქანა დააზიანეს. ტრანსფარანტებით აღჭურვილმა ოპოზიციონერებმა მანქანის საქარე მინას მუშტები დაარტყეს და შუშა გაბზარეს.

5:16
კიევში დაკავებული ქართველები საცობებში გაჩერებულ მანქანებს თავს ესხმოდნენ
35 618 ნახვა დეკემბერი 11, 2018

უკრაინის სამართალდამცველებმა “მოგზაური” ყაჩაღების დაჯგუფების წევრები დააკავეს, რომლებიც კიევსა და ოდესაში ქურდობის ბრალდებით იძებნებოდნენ. დაჯგუფებაში საქართველოსა და უკრაინის აქამდე ნასამართლევი მოქალაქეები შედიან. მომხდარის შესახებ ინფორმაციას ქალაქ კიევის პროკურატურის პრესსამსახური ავრცელებს. ქალაქის პროკურატურის განცხადებით, დაჯგუფებიდან, რომელიც 4 წევრისგან შედგება, სამი დაკავებულია, ერთზე კი ძებნაა გამოცხადებული. დაკავების დროს დამნაშავეები ხელყუმბარის გამოყენებით იმუქრებოდნენ. ისინი საცობებში გაჩერებულ მანქანებს დღის განმავლობაში თავს ესხმოდნენ და აყაჩაღებდნენ.

1:27
“ბერძენიშვილებს ჩვენი სიწმინდეების ამერიკაში გატანა უნდოდათ”
1 454 ნახვა დეკემბერი 3, 2018

ბერძენიშვილებს ჩვენი სიწმინდეების ამერიკაში გატანა უნდოდათ, თუმცა ეროვნული მოძრაობის ხალხმა ამისი საშუალება არ მისცა მათ, – ამის შესახებ ერთ-ერთი სასულიერო პირი ქადაგებისას აცხადებს. ქადაგების ვიდეო “ფეისბუქგვერდზე” დეკანოზმა ილია კარკაძემ გაავრცელა. “სექტა არ უნდა დაბრუნდეს, ეს სექტა მტერია დედაეკლესიისა. ისინი არ მალავდნენ. არ დამავიწყდება როგორ მზაკვრულად აკეთებდნენ და უნდოდათ ბერძენიშვილებს თუ სხვებს ჩვენი სიწმინდეების ამერიკაში გატანა. მადლობა ღმერთს, ეროვნული მოძრაობის ხალხი ეკლესიის შთაგონებით აღუდგა ამას და მათ ამისი შესაძლებლობა არ მისცეს”, – აცხადებს სასულიერო პირი.

9:02
სასულიერო პირი: ბოკერიები, ბერძენიშვილები – ესენი არიან სექტა-მათ სძულთ ეკლესია
962 ნახვა დეკემბერი 3, 2018

დეკანოზი ილია კარკაძე “ფეისბუქის” პირად გვერდზე ერთ-ერთი სასულიერო პირის ქადაგების ვიდეოჩანაწერს ავრცელებს. ქადაგებაში სასულიერო პირი ეკლესიის წინააღმდეგ მებრძოლ ძალებად გიგა ბოკერიას, მის თანამოაზრეებს, ასევე ძმებ ბერძენიშვილებს ასახელებს და მათ სექტას უწოდებს. “გადახედეთ ინტერნეტქსელებს, გადახედეთ მათ მოღვაწეობას და მიხვდებით, ბოკერიები გინდა, ან სხვადასხვა ძალები – ბერძენიშვილები, ესენი არიან სექტა, სექტა რომელსაც სძულს ეკლესია. გამოდიან და ამბობენ, რომ ერის დადებილებას ახდენს ეკლესია. ილია მეორეა თურმე მტერი, ასეთი მოქმედება ყველაზე მეტად საშიში პროცესია”, – აცხადებს სასულიერო პირი.

1:02
მცხეთასთან სატვირთო ავტომობილი გადაბრუნდა
1 286 ნახვა დეკემბერი 1, 2018

მცხეთასთან, მერსედესის მარკის სატვირთო ავტომობილი გადაბრუნდა. შემთხვევის შედეგად არავინ დაშავებულა. როგორც “კვირას” კორესპონდენტი შემთხვევის ადგილიდან იუწყება, ტრაილერმა მოხვევისას ტვირთის სიმძიმეს ვერ გაუძლო და გადაბრუნდა. შს სამინისტროს ცნობით, აღნიშნულ ფაქტზე მძღოლს ადმინისტრაციული ჯარიმა დაეკისრა.

1:15
ოკუპირებული ტერიტორიის მიმდებარედ ქართველი მეხანძრე-მაშველების მიერ ხანძარი ლიკვიდირებულია
485 ნახვა ნოემბერი 28, 2018

ოკუპირებულ სოფელ ქარძმანის მიმდებარედ, საცხოვრებელ სახლში გაჩენილი ხანძარი ქართველი მეხანძრე-მაშველებისა და პოლიციელების აქტიური ძალისხმევის შედეგად ლიკვიდირებულია. როგორც „კვირას“ საგანგებო სიტუაციათა მართვის სამსახურიდან აცნობეს, საოკუპაციო ხაზის მიმდებარედ, საცხოვრებელ სახლში ცეცხლის სწრაფი გავრცელების საშიშროებისა და მოქალაქეებისთვის უსაფრთხოების უზრუნველყოფის მიზნით, სახელმწიფო უსაფრთხოების სამსახურისა და ევროკავშირის მონიტორინგის მისიის ჩართულობით, ე.წ. ცხელი ხაზის მეშვეობით, აქტიური კომუნიკაცია შედგა ცენტრალური ხელისუფლებისა და საოკუპაციო ძალების წარმომადგენლებს შორის.

4:24
„ჯორჯიან მანგანეზის” ინიციატივით, ზესტაფონში გიორგი ნიკოლაძის სახელობის განახლებული სკვერი გაიხსნა
622 ნახვა ნოემბერი 28, 2018

„ჯორჯიან მანგანეზის” ინიციატივით, ზესტაფონის ფეროშენადნობთა ქარხნის გარე პერიმეტრზე, გიორგი ნიკოლაძის სახელობის განახლებული სკვერი გაიხსნა. სკვერის გახსნას, სხვა საპატიო სტუმრებთან ერთად, იმერეთის გუბერნატორი შავლეგო ტაბატაძე, ზესტაფონის მერი კახაბერ მახათაძე და მაჟორიტარი დეპუტატი შალვა კიკნაველიძე დაესწრნენ.

1:44
ცაგერის მოსახლეობას “ბიზნესმენთა საზოგადოების” წარმომადგენლები შეხვდნენ
353 ნახვა ნოემბერი 27, 2018

ცაგერის მოსახლეობას ბიზნესმენთა საზოგადოების წარმომადგენლები და ლეჩხუმელი ბიზნესმენები შეხვდნენ. “ბიზნესმენთა საზოგადოების” წარმომადგენლის, ნინო კობახიძის თქმით, რაჭა-ლეჩხუმ – ქვემო სვანეთში შეიქმნა საინიციატივო ჯგუფი, რომელიც ოთხივე რაიონში დააფუძნებს ცენტრებს, სადაც გამოიკვეთება ის პრიორიტეები, რაც აწუხებს რეგიონის მოსახლეობას. აღნიშნული ცენტრები შუამავლის როლს შეასრულებენ მოსახლეობასა და მთავრობას შორის, რათა უფრო ეფექტურად გადაიჭრას პრობლემები. შეხვედრაზე გამომსვლელებმა მოსახლეობას ასევე მოუწოდეს 28 ნოემბერს მიიღონ გონივრული გადაწყვეტილება, რათა არ დაბრუნდნენ ძველ დროში და ბიზნესმენები კვლავ არ გახდნენ რეკეტის მსხვერპლნი.

1:37
ეკომიგრანტების და სოციალურად დაუცველი ოჯახების მდგომარეობას აჭარის მთავრობა სწავლობს – რას აცხადებენ სოციალურად დაუცველი ოჯახები
426 ნახვა ნოემბერი 27, 2018

ბათუმში, ბარცხანის დასახლებაში, 20-მდე ოჯახი, რომლებიც სახელმწიფო ბალანსზე არსებულ შენობაში შეჭრას ცდილობდნენ, ჯანდაცვის მინისტრის მოადგილეს და მთავრობის წევრებს შეხვდნენ. სოციალურად დაუცველი ოჯახები საცხოვრებელი ფართების მიღებას დაჩქარებულად ითხოვენ. აჭარის მთავრობის აპარატის უფროსის ინფორმაციით, ოჯახების მდგომარეობას აჭარის მთავრობა სწავლობს. „ჩვენ, ჩვენი კომპეტენციის ფარგლებში, ვიღებთ პასუხისმგებლობას ეკომიგრანტებისა და სოციალურად დაუცველი პირების დაკმაყოფილების შესახებ, მხოლოდ და მხოლოდ არსებული ნორმატიული აქტების და კანონმდებლობის ფარგლებში, რაც გულისხმობს ოჯახების რიგითობის დადგენას და საკითხის ინდივიდუალურად განხილვას“, – ამის შესახებ “კვირას” საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროში განუცხადეს. კოტე რაზმაძის განცხადებით, სამინისტრო და აჭარის მთავრობა ბათუმში ადგილობრივი ეკომიგრანტებისა და სოციალურად დაუცველების პრობლემებს კარგად იცნობს და მათი მოგვარების გზებზე მუშაობენ.

1:34
რიკოთზე, სატვირთო მანქანა იწვის
2 093 ნახვა ნოემბერი 27, 2018

ტელეკომპანია „იბერიას“ საინფორმაციო სამსახურის ყოფილმა უფროსმა ვახო ხუზმიაშვილმა, ბიზნესმენ ზაზა ოქუაშვილს ძვირადღირებული „საჩუქარი“ უკან დაუბრუნა.

4:28
თამაზ ელიზბარაშვილი: არც ერთი ჩემი შვილის დედას არ ჰქონია არანაირი შეხება კომპანია „ელიზთან“
3 555 ნახვა ნოემბერი 25, 2018

ბიზნესმენი თამაზ ელიზბარაშვილი მედიაში გავრცელებულ ინფორმაციას ეხმაურება, რომლის მიხედვითაც, ელიზბარაშვილი დაბარებული იყო “კრედიტის ან რაიმე თანხის აღების ან გადახდის მიზნით”. ბიზნესმენის თქმით, ის მსგავს ინფორმაციას საერთოდ არ ფლობს. თამაზ ელიზბარაშვილის განცხადებას, რომელიც მან სოციალურ ქსელში გაავრცელა, უცვლელად გთავაზობთ:

6:12
საქართველოს პროკურატურა მარნეულში მომხდარ ფაქტზე ინფორმაციას აქვეყნებს და ვიდეო მასალას ასაჯაროებს 2
1 140 ნახვა ნოემბერი 25, 2018

პოლიტიკური პარტია „ერთიანი ნაციონალური მოძრაობის“ ერთ-ერთმა წევრმა, გივი ქველაძემ, საჯარო სივრცეში განცხადებით ბრალი დასდო მარნეულის შს რაიონული სამმართველოს პოლიციის თანამშრომლებს ძალადობის განხორციელებაში. კერძოდ განაცხადა, რომ 2018 წლის 23 ნოემბერს, პოლიციელებმა პოლიტიკური ნიშნით, ფიზიკური შეურაცხყოფა მიაყენეს კ.კ.-ს. პროკურატურამ ამ ინფორმაციის გავრცელებისთანავე დაიწყო გამოძიება და დაუკავშირდა გივი ქველაძეს, რომელმაც გადატვირთული გრაფიკის გამო უარი განაცხადა ჩვენების მიცემაზე. გამოძიებამ გამოკითხა კ.კ.-ს მკურნალი ექიმი, რომელმაც განმარტა, რომ საავადმყოფოში შეყვანილ კ.კ.-ს სხეულზე რაიმე სახის დაზიანება არ აღენიშნებოდა.

0:41
'წისქვილის' მფლობელებს იძულებით წართმეული ქონება 'ქართული ოცნების' მოსვლის შემდეგ დაუბრუნდათ'
897 ნახვა ნოემბერი 25, 2018

რესტორნების ქსელი შ.პ.ს. “წისქვილი” ერთ-ერთია იმ ობიექტებს შორის, რომელიც წინა ხელისუფლების მმართველობის პერიოდში მის მეპატრონეებს იძულებით დაათმობინეს. აღნიშნული საკითხით “კვირა” დაინტერესდა და გაარკვია, რომ ობიექტის მოწილე საქართველოს ყოფილი პრეზიდენტის, მიხეილ სააკაშვილის ბებია – მზია წერეთელი გახდა.

2:31
არავითარ პოლიტიკურ შანტაჟს და ზეწოლას ჩემს სახლში ადგილი არა აქვს
1 358 ნახვა ნოემბერი 25, 2018

ქართული ოცნების” მხარდამჭერი, ერთ-ერთ სატელევიზიო გადაცემაში გასულ ინფორმაციას, თითქოს მის სახლში “ქართული ოცნების” მხარდამჭერები იკრიბებიან და ხალხს აშანტაჟებენ, სრულ აბსურდს უწოდებს. „ ეს ჩემი საოჯახო სასტუმროა, ჩემი სახლი, გუშინ მოვედი,გავაჩერე მანქანა, გადმოვედი და პროდუქტები გადმოვიტანე, დილით ვუყურებ ანონსს და გადაცემა მიდის, სადაც მე მანქანიდან გადმოვდივარ და ვითომ აქ კრიმინალები იკრიბებიან- არაფერი აქ მსგავსი არ ხდება“ – აცხადებს კვირასთან საოჯახო სასტუმრო „ზუზუმბო“-ს მესაკუთრე. მისი თქმით, ის “ქართული ოცნების” მხარდამჭერია და მის სახლში ხშირად იკრიბებიან მისი მეგობრები და პოლიტიკურ თანამოაზრები. როგორც იგი აღნიშნავს, მეგობრებს მის სახლში სალომე ზურაბიშვილის მხარდამჭერი შტაბი აქვთ გახსნილი.

1:17
რას აცხადებს ვეჯინში მომხდარ შემთხვევაზე ელმირა ბეციაშვილის მეუღლე
651 ნახვა ნოემბერი 23, 2018

გურჯაანის მუნიციპალიტეტის სოფელ ვეჯინში მომხდარი ინციდენტის დეტალებზე “ნაციონალური მოძრაობის” კოორდინატორის ელმირა ბეციაშვილის მეუღლე ვალერი ბეციაშვილი “კვირასთან” საუბრობს. ის შემთხვევისას მეუღლესთან და სტუმრებთან ერთად სახლში იმყოფებოდა. “ჩემმა მეგობარმა, გოჩა იმედაშვილმა დამირეკა – სახლში ხართო? და ვუთხარი კი-თქო, მოვიდნენ ის და მისი მეუღლე სტუმრად ჩვენთან. შემოვიდა მანქანით, ბილიკით გავედით სახლში, დომინოს ვთამაშობდით, მერე სიგარეტის მოსაწევად გამოვედი და დავინახე რომ მანქანას ცეცხლი ეკიდა. 2 ბოთლი დავინახე, მანქანა რომ გავაგორეთ მესამე ბოთლი მანქანის ქვეშ ეგდო. მეგობარს ვუთხარი შენი მანქანა იწვის-მეთქი, ცოლს კი ვუთხარი პოლიციაში დაერეკა. მანქანა დაწვას გადარჩა, მაგრამ დაზიანებულია, მანქანა ექსპერტიზაზეა გადაყვანილი, არ იცოდნენ მეგობრის მანქანა რომ იყო ამ კარებიდან სპეციალურად გადმოაგდეს და გადმოისროლეს, რომ ჩემი მანქანა დამწვარიყო. მიზანში ჩემი იყო, მაგრამ მეგობრის ავტომობილი დაზიანდა. დაკითხვა მშვიდ, ნორმალურ ვითარებაში წარიმართა, ეს ბოთლები ექსპერტიზაზეა გადატანილი. ექსპერტიზას დრო უნდა, არ ვიცი, რა იქნება. ეს არის პოლიტიკური ნიშნით გაკეთებული. თუ ვაშაძე გაიმარჯვებს გამოძიებას მსვლელობა მიეცემა, მე ამათი იმედი არ მაქვს”, -აცხადებს ვალერი ბეციაშვილი. ვეჯინში ინციდენტი წუხელ მოხდა. “ნაციონალური მოძრაობის” კოორდინატორი ელმირა ბეციაშვილი აცხადებდა, რომ მის საცხოვრებელ სახლში სამი ბოთლი ე.წ მოლოტოვის კოქტეილი დაუდგენელმა პირებმა შეაგდეს.

2:42
იაგო ნებიერიძის კიდევ ერთი მსხვერპლი – გორელი გოგონა თავდასხმის შესახებ ალაპარაკდა
1 807 ნახვა ნოემბერი 23, 2018

გორში 9 წლის გოგონას მკვლელობასა და 2004 წელს 11 წლის მოზარდის ზაქრო ბერძენიშვილის გატაცების ფიგურანტის, იაგო ნებიერიძის კიდევ ერთი მსხვერპლი „კვირასთან“ ექსკლუზიურ ინტერვიუში 10 წლის წინ მომხდარ ფაქტს იხსენებს. „სამსახურიდან სახლში ვბრუნდებოდი და უკნიდან მომეპარა ვიღაც, ჩანთას მართმევდა. წინააღმდეგობა გავუწიე და ხელი მკრა, ძირს დამაგდო და სახეში წიხლი ჩამარტყა, თავის არეში მძიმე დაზიანებები მომაყენა, ჩემი მოკვლა უნდოდა“, – იხსენებს „კვირასთან“ დაზარალებული.

1:17
გურჯაანის მერი ვეჯინში მომხდარ ინციდენტზე: ჩვენკენ თითის გამოშვერა არის წმინდა წყლის პროვოკაცია
538 ნახვა ნოემბერი 23, 2018

გურჯაანის მერი არჩილ ხანდამაშვილი სოფელ ვეჯინში მომხდარ ინციდენტს გმობს, თუმცა ბრალდებებს, რომ თითქოს მომხდარის უკან მმართველი ძალა დგას და ეს პოლიტიკური ანგარიშსწორებაა, პროვოკაციას უწოდებს. როგორც არჩილ ხანდამაშვილმა “კვირას” განუცხადა, მნიშვნელოვანია რომ გამოძიება დროულად დასრულდეს და სიმართლე დადგინდეს.

1:22
რა გახდა ვანში 32 წლის მამაკაცის გარდაცვალების მიზეზი
1 319 ნახვა ნოემბერი 22, 2018

„ვანის მუნიციპალიტეტში შემოვიდა მოქალაქის განცხადება იმის შესახებ, რომ საცხოვრებელი სახლი იყო ავარიული და საჭიროებდა გამაგრებას. ჩუხანაშვილების ოჯახი დახმარებას ითხოვდა“- აცხადებს „კვირასთან“ ვანის მუნიციპალიტეტის მერიის ზედამხედველობის უფროსი.

4:09
“მერაბიშვილის პოლიციის უფროსმა 12 ტყვია ესროლა ჩემს შვილს
1 224 ნახვა ნოემბერი 22, 2018

2010 წლის 18 აგვისტოს, ბორჯომში სამართალდამცავების მიერ განხორციელებული სპეცოპერაციის დროს მოკლული 19 წლის რევაზ არუცევის დედა „კვირასთან“ შვილის გარდაცვალების დეტალებს იხსენებს: „რეზოს 2005 წელს სილამაზის სალონში პოლიციის მაღალჩინოსან კახა ლეგაშვილთან შელაპარაკება მოუვიდა, ეს ვერ აპატიეს ჩემს შვილს და 5 წლის განმავლობაში მასზე უკანონო დევნა ხორციელდებოდა. რამდენჯერმე დააპატიმრეს კიდეც, თუმცა, ეს არ აკმარეს და იმდროინდელმა პოლიციის უფროსმა მამუკა ხვედელიანმა პირადად დაგეგმა მისი ფიზიკური ლიკვიდაცია“, – აცხადებს მზია არუცევი.

20:50
გიორგი გახარია: ''კითხვის ნიშანი, ომი ვინ დაიწყო აბსურდულია, როგორ შეიძლება ომი დაიწყო საკუთარ მიწაზე?!''
8 212 ნახვა ნოემბერი 21, 2018

კითხვის ნიშანი, ომი ვინ დაიწყო აბსურდულია. როგორ შეიძლება ომი დაიწყო საკუთარ მიწაზე?! - ამის შესახებ შინაგან საქმეთა მინისტრმა გიორგი გახარიამ შინდისის გმირთა მემორიალთან განაცხადა, სადაც პოლიციის პირად შემადგენლობას შეხვდა. მისი თქმით, ოკუპაციას უნდა დაერქვას ოკუპაცია. "კითხვის ნიშანი, ომი ვინ დაიწყო აბსურდულია. როგორ შეიძლება ომი დაიწყო საკუთარ მიწაზე. ეს ადამიანები არიან გმირები და იბრძოდნენ საკუთარი მიწა-წყლის დასაცავად. იცოდეთ, რომ ოკუპაციას უნდა დაერქვას ოკუპაცია და ეს ხალხი, ვინც აქ იბრძოდა, მათ უნდა იცოდნენ, რომ სახელმწიფო მუდამ გვერდში დაუდგება. მესმის, რომ მძიმეა მაგრამ სიწყნარეში, სიმშვიდეში ქვეყანა წინ უნდა წავიყვანოთ. მადლობა და გული არ გაიტეხოთ, იცოდეთ რომ სახელმწიფო მუდამ თქვენს გვერდით დგას", - განაცხადა გიორგი გახარიამ.

2:12
ნაცმოძრაობამ საარჩევნოდ შავი ფული ჩამოიტანა ! კადრები აეროპორტიდან
1 454 ნახვა ნოემბერი 21, 2018

„ნაციონალურმა მოძრაობამ“ არჩევნების მეორე ტურისთვის ამომრჩევლების მობილიზების მიზნით, სავარაუდოდ, „შავი ფული“ ჩამოიტანა. თანხის ტრანსპორტირება, რომელიც სავარაუდოდ, არჩევნების მეორე ტურში ამომრჩევლის მოსყიდვისთვის არის განკუთვნილი, ბუდაპეშტიდან ქუთაისის საერთაშორისო აეროპორტში „ნაცმოძრაობის“ ხელისუფლების დროს მაღალ თანამდებობებზე მყოფმა პირებმა – ალექსანდრე ქობალიამ და რუსლან შამახიამ განახორციელეს.

4:45
“ეს იყო ჯოჯოხეთი” – რას იხსენებს გორის ბაზრის ყოფილი დირექტორი, რომელსაც “ნაცმოძრაობის” ხელისუფლებამ ბიზნესი იძულებით დაათმობინა
601 ნახვა ნოემბერი 21, 2018

გორის ყოფილი აგრარული ბაზრის ექსდირექტორი ჯემალ წიკლაური ერთ-ერთი პირველი ბიზნესმენი იყო, რომელიც 2004 წელს იმჟამინდელი ხელისუფლების მხრიდან ბიზნეს რეკეტის მსხვერპლი გახდა. ის “კვირასთან” მაშინდელი მაღალჩინოსნების მიერ ბიზნესის ჩამორთმევის დეტალებს იხსენებს.

1:26
სალომე ზურაბიშვილი რუსთავის მეტალურგიული ქარხნის თანამშრომლებს შეხვდა
518 ნახვა ნოემბერი 21, 2018

პრეზიდენტობის დამოუკიდებელი კანდიდატი, სალომე ზურაბიშვილი საარჩევნო კამპანიის ფარგლებში რუსთავში ჩავიდა. სალომე ზურაბიშვილი რუსთავის მეტალურგიული ქარხნის თანამშრომლებს შეხვდა და ქარხანაში არსებულ პირობებს გაეცნო.

4:54
ვასილ ბაქრაძე: 7 ნოემბრის აქციის დარბევაზე უარის თქმის შემდეგ, ჩემს ოჯახზე საშინელი რეპრესიები დაიწყო
804 ნახვა ნოემბერი 21, 2018

ქარელის მუნიციპალიტეტის განათლების, კულტურისა და სპორტის სამსახურის ხელმძღვანელი ვასილ ბაქრაძე “კვირასთან” “ნაციონალური მოძრაობის” ხელისუფლების მმართველობის პერიოდში, მასზე და მის ოჯახზე, დევნისა და რეპრესიების შესახებ საუბრობს. როგორც მან განაცხადა, მასზე ხელისუფლების მხრიდან უარყოფითი დამოკიდებულება მას შემდეგ დაიწყო, რაც 2007 წლის 7 ნოემბრის აქციის დარბევაზე უარი თქვა. „დასაქმების სანაცვლოდ, ქარელის მუნიციპალიტეტის მაღალჩინოსანმა, 7 ნოემბერს შეკრებილი მომიტინგეების დარბევაში მონაწილეობა შემომთავაზა, უარის თქმის შემდეგ კი დაიწყო საშინელი მეთოდებით, ჩემი ოჯახის დევნა და დაშინება, ჩემი ოჯახის მისამართით პოლიტიკური რეპრესიების განხორციელება და ა.შ.

1:21
ვალერი გელაშვილი: ხალხს ახსოვს 9-წლიანი რეჟიმი, ეს ბოროტება, არ უნდა განმეორდეს
385 ნახვა ნოემბერი 21, 2018

ბიზნესმენი და სამი მოწვევის პარლამენტის ყოფილი წევრი ვალერი გელაშვილი “კვირასთან” “ნაციონალური მოძრაობის” 9-წლიან მმართველობის პერიოდს იხსენებს. მისი თქმით, ამ გუნდის დაბრუნება საზოგადოებისთვის კატასტროფა იქნება. ​როგორც მან განაცხადა, იმ პერიოდში არ არსებობდა ბიზნესმენი, გარდა თავიანთი ახლობლებისა, ვისზეც არ განხორციელებულა რეკეტი.

არხის შესახებ

საინფორმაციო-ანალიტიკური პორტალი „კვირა“ წარმოადგენს მედიასაშუალებას, რომლის ელექტრონული მისამართია – kvira.ge. პორტალი 2013 წელს შეიქმნა. იგი ყოველდღიურად აშუქებს მიმდინარე პოლიტიკურ, ეკონომიკურ, სოციალურ, მსოფლიო, კულტურულ, სპორტულ და სხვა სიახლეებს. მედიასაშუალება უფრო მეტად აკადემიური შინაარსის არის და ის ხშირად ცდილობს, მიმდინარე მოვლენები არა ზედაპირულად, არამედ სიღრმისეულად გააშუქოს. პორტალზე სისტემატურად იბეჭდება ანალიტიკური სტატიები.მიუხედავად იმისა, რომ „კვირა“ ბეჭდურ, ელექტრონულ მედიას წარმოადგენს, ვებგვერდზე ხშირად ხდება ვიდეოსიახლეების განთავსებაც. პორტალის ბაზაზე ფუნქციონირებს პრესკლუბიც, სადაც დღის განმავლობაში 3-4 პრესკონფერენცია იმართება. პრესკლუბის სტუმრები პოლიტიკოსები, ექსპერტები და საზოგადოებისთვის ცნობადი სახეები არიან, რომლებიც აქტუალურ თემებზე განცხადებებს და შეფასებებს აკეთებენ. ყოველდღიურად „კვირას“ პრესკლუბში გამართულ პრესკონფერენციებს აქტიურად აშუქებენ ქართული ტელეარხები. პორტალის ბაზაზე ასევე შექმნილია ვებგვერდი „კვირა+“, რომელიც პორტალ „კვირას“ დამატებას წარმოადგენს. ის აპოლიტიკური შინაარსის საიტია. ვებგვერდზე ყოველდღიურად ქვეყნდება საქართველოს და უცხოეთის საინტერესო სიახლეები, პუბლიკაციები, ორიგინალური სტატიები, ფოტო და ვიდეომასალა. პორტალს აქვს საიტის აზერბაიჯანულენოვანი ვერსიაც, რომლის მისამართია – az.kvira.ge. პორტალს აქვს პიარმომსახურების სერვისიც. „კვირას“ ამ მომსახურებით ხშირად სარგებლობენ სახელმწიფო თუ კერძო კომპანიები.„კვირა“ მათთვის გეგმავდა და გეგმავს კონკრეტულ სოციალურ, საქველმოქმედო, საზოგადოებრივ თუ კულტურულ აქტივობებს, თავადვე უზრუნველყოფს ღონისძიებების, პროექტების ორგანიზებას და მათ გაშუქებას სხვადასხვა მედიასაშუალებაში.„კვირას“ აქვს საინტერესო და მნიშვნელოვანი საერთაშორისო პროექტები. იგი აქტიურად თანამშრომლობს საზღვარგარეთ, ქართულ დიასპორებთან და მათთვის საინტერესო პროექტების ორგანიზებას და განხორციელებას უზრუნველყოფს.

არხის ვიდეოების ძებნა