სამუშაო სივრცეში გარდაცვლილთა და დაშავებულთა სტატისტიკა მცირდება. ამის შესახებ შრომის ინსპექციის მიერ პარლამენტისთვის წარდგენილი 2025 წლის საქმიანობის ანგარიშშია აღნიშნული. დოკუმენტის მიხედვით, გასულ წელს სამუშაო ადგილებზე 32 ფატალური, 179 კი არაფატალური შემთხვევა აღირიცხა.ობიექტებზე შრომის ინსპექციის ინსპექტირების შედეგად არაერთი დარღვევა გამოვლინდა, მათ შორის ობიექტების ნაწილს არ ჰყავს შრომის უსაფრთხოების სპეციალისტი, არ არის განთავსებული პირველადი სამედიცინო დახმარების საშუალებები ან დარღვეულია სახანძრო უსაფრთხოებისთვის/ევაკუაციისთვის აუცილებელი ზომები; ასევე არ არის განსაზღვრული პასუხისმგებლობები/ფუნქციები; ნორმების დარღვევის შესაბამისად გასულ წელს 2 384 ადმინისტრაციული სამართალდარღვევის ოქმი შედგა, საქმიანობა შეუჩერეს 130 ობიექტს. როგორც ცნობილია, "შრომის უსაფრთხოების შესახებ“ საქართველოს ორგანული კანონი 2019 წლის 1 სექტემბრამდე მხოლოდ მომეტებული საფრთხის შემცველ მძიმე, მავნე და საშიშპირობებიან სამუშაოებზე ვრცელდებოდა, ხოლო 2019 წლის 1 სექტემბრიდან აღნიშნულმა ეკონომიკური საქმიანობის ყველა დარგი მოიცვა. როგორ მუშაობს ქვეყანაში შრომის უსაფრთხოების კანონმდებლობა, სად რჩება გამოწვევები და რამდენად იცავს ბიზნესი დადგენილ ნორმებს? სტუმარი: მიხეილ კორძახია - კომპანია “ბიზნეს საქართველოს” პრეზიდენტი #ახალიამბები #BusinessMediaGeorgia
მთავრობის ეფექტიანობისა და ბაზრის კვლევის დეპარტამენტების საქმიანობის შედეგად, ბოლო 1 წელიწადში ბიუჯეტის სასარგებლოდ 291,5 მილიონი ლარი დაიზოგა - ამის შესახებ სამთავრობო პროგრამის შესრულების ანგარიშშია ნათქვამი. ანგარიშის თანახმად, გასულ წელს მთავრობის ეფექტიანობის დეპარტამენტმა 114,8 მლნ ლარის ღირებულების სახელმწიფო პროგრამები და შესყიდვები განიხილა, საიდანაც სახელმწიფო ბიუჯეტის სასარგებლოდ 67,4 მილიონ ლარზე მეტი დაიზოგა. ამასთან, მთავრობაში კვლავ აცხადებენ, რომ სახელმწიფო საწარმოებში როგორც სახელფასო, ასევე ტენდერების გზით ათეულობით მილიონი ლარია დაზოგილი, რაც საბოლოოდ ისევ სახელმწიფო საწარმოების განვითარებას მოხმარდება. სპეციალისტების ნაწილს კი კვლავ კითხვები რჩება, რეალურად რა მიმართულებებით დაიზოგა როგორც საბიუჯეტო თანხები, ასევე რა ნაწილში გასწიეს სახელმწიფო საწარმოებმა ეკონომია. #ახალიამბები #BusinessMediaGeorgia
მესტიის სოფლებსა და დასახლებებში უკანონო მაინინგის გამოსავლენად საერთო მრიცხველებიც დამონტაჟდება - ამის შესახებ მთავრობის ადმინისტრაციაში აცხადებენ. ადმინისტრაციის უფროსის თქმით, მესტიაში არალეგალური ბიზნესსაქმიანობა კრიპტომაინინგს უკავშირდება, რაც სერიოზულ პრობლემებს იწვევს. მანვე აღნიშნა, რომ 2025 წლის მონაცემებით, მესტიაში ელექტროენერგიის მოხმარება 133 მილიონ კილოვატ საათს შეადგენს, ასეთი ზომის მუნიციპალიტეტისთვის კი, ეს მაჩვენებელი 10 მილიონ კილოვატ საათს არ უნდა აღემატებოდეს. მესტიის მუნიციპალიტეტში კი, ადგილობრივი ბიზნესის წარმომადგენლები და მოსახლეობა ინიციატივას სკეპტიკურად უყურებს. რატომ მიიჩნევს ადგილობრივი ბიზნესი ხელისუფლების არგუმენტებს დაუსაბუთებლად და როგორია ენერგეტიკოსების შეფასება? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 02.06.2026 "ჯეოსთილის" შემოსავალი ₾322 მილიონამდე გაიზარდა; წელს, რაჭაში სეზონი დაახლოებით ერთი თვის დაგვიანებით დაიწყო - "კესანე არ დამივიწყო"; 2026 წლის აპრილში, საჯარო რეესტრის მონაცემებით, 3 641 ბინა გაიყიდა - Galt & Taggart; "ასადელის მარანი" წარმოების ზრდას და ადგილობრივ ბაზარზე ღვინის გაყიდვების აღდგენას გეგმავს; #ახალიამბები #BusinessMediaGeorgia
მთავრობის ეფექტიანობისა და ბაზრის კვლევის დეპარტამენტების საქმიანობის შედეგად, ბოლო 1 წელიწადში ბიუჯეტის სასარგებლოდ 291,5 მილიონი ლარი დაიზოგა - ამის შესახებ სამთავრობო პროგრამის შესრულების ანგარიშშია ნათქვამი. ანგარიშის თანახმად, გასულ წელს მთავრობის ეფექტიანობის დეპარტამენტმა 114,8 მლნ ლარის ღირებულების სახელმწიფო პროგრამები და შესყიდვები განიხილა, საიდანაც სახელმწიფო ბიუჯეტის სასარგებლოდ 67,4 მილიონ ლარზე მეტი დაიზოგა. ამასთან, მთავრობაში კვლავ აცხადებენ, რომ სახელმწიფო საწარმოებში როგორც სახელფასო, ასევე ტენდერების გზით ათეულობით მილიონი ლარია დაზოგილი, რაც საბოლოოდ ისევ სახელმწიფო საწარმოების განვითარებას მოხმარდება. სპეციალისტების ნაწილს კი კვლავ კითხვები რჩება, რეალურად რა მიმართულებებით დაიზოგა როგორც საბიუჯეტო თანხები, ასევე რა ნაწილში გასწიეს სახელმწიფო საწარმოებმა ეკონომია. #ახალიამბები #BusinessMediaGeorgia
მთავრობა მესტიის მუნიციპალიტეტის გამრიცხველიანებისთვის ემზადება - როდიდან დაიწყება პროცესი, ან რა დაჯდება მუნიციპალიტეტის გამრიცხველიანება უცნობია, დღეს ცნობილი გახდა, რომ არალეგალური კრიპტომაინინგის იდენტიფიცირების მიზნით მრიცხველები დამონტაჟდება, მათ შორის, მრიცხველები კონკრეტულ დასახლებებსა და სოფლებზეც იქნება მიბმული. მთავრობის ადმინისტრაციის უფროსი ამბობს, რომ მესტიაში არალეგალური ბიზნესსაქმიანობა კრიპტომაინინგს უკავშირდება, რაც სერიოზულ პრობლემებს იწვევს. მანვე აღნიშნა, რომ 2025 წლის მონაცემებით, მესტიაში ელექტროენერგიის მოხმარება 133 მილიონ კილოვატ საათს შეადგენს, ასეთი ზომის მუნიციპალიტეტისთვის კი, ეს მაჩვენებელი 10 მილიონ კილოვატ საათს არ უნდა აღემატებოდეს. გამრიცხველიანების ინიციატივას ადგილობრივი ბიზნესის წარმომადგენლები და მოსახლეობა სკეპტიკურად უყურებს. რატომ მიიჩნევს ადგილობრივი ბიზნესი ხელისუფლების არგუმენტებს დაუსაბუთებლად და როგორია ენერგეტიკოსების შეფასება? #ახალიამბები #BusinessMediaGeorgia
რა იცვლება შუა დერეფანში ბაქო-თბილისი-ყარსის ახალი რკინიგზის ამოქმედებით და რეალურად იქნება ის ახალი ტვირთების მომზიდავი, თუ ნაწილობრივ ტვირთს წაართმევს პორტებს და სახმელეთო გადამზიდავებს? სტუმარი: სალომე დანელია - ეკონომიკის დოქტორი/ Hegelmann Georgia ბიზნესის განვითარების მენეჯერი #ახალიამბები #BusinessMediaGeorgia
აზერბაიჯანიდან გაზის იმპორტი 2025 წელსაც შემცირდა, რუსეთიდან კი გაიზარდა. სემეკის წლიური ანგარიშის მიხედვით, 2025 წელს საქართველომ აზერბაიჯანიდან 2.27 მლრდ მ³ გაზი მიიღო. 2024 წელთან შედარებით აზერბაიჯანიდან მიღებული გაზის მოცულობა 1.6%-ით არის შემცირებული. სემეკის 2025 წლის ანგარიშის მიხედვით, რუსეთიდან გაზის იმპორტი კვლავ მზარდია. 2025 წელს საქართველომ რუსეთიდან 886 მლნ მ³ გაზი იყიდა, რაც 12%-ით აღემატება 2024 წლის მაჩვენებელს. როგორია საქართველოს გაზის მოწოდების წყაროების ბალანსი და რამდენად საიმედოა არსებული სტრუქტურა? #ახალიამბები #BusinessMediaGeorgia
ახალი მიკროსიმძლავრის სადგურების მშენებლობაზე მოთხოვნა შემცირებულია, რისი მიზეზიც ნეტო დარიცხვის სისტემაზე გადასვლაა - ამის შესახებ მზის სადგურების მშენებელ კომპანიებში აცხადებენ. ამ დროისთვის ნეტოდარიცხვის სისტემაში მხოლოდ 100-მდე მომხმარებელია ჩართული, რაც კერძო სექტორის შეფასებით საკმაოდ დაბალი მაჩვენებელია. ბიზნესის წარმომადგენლები აცხადებენ, რომ მიუხედავად მცირედი ზრდისა, ნეტო დარიცხვის სისტემის ფარგლებში შესასყიდი ელექტროენერგიის ტარიფი კვლავ საკმაოდ დაბალია, რაც ქვეყანაში ახალი მიკროსიმძლავრის სადგურების მშენებლობის მიმართ ინტერესს ამცირებს. როგორ მუშაობს ნეტო დარიცხვის სისტემა და როგორია მარეგულირებელი კომისიის პოზიცია. #ახალიამბები #BusinessMediaGeorgia
ახალი მიკროსიმძლავრის სადგურების მშენებლობაზე მოთხოვნა შემცირებულია, რისი მიზეზიც ნეტო დარიცხვის სისტემაზე გადასვლაა - ამის შესახებ მზის სადგურების მშენებელ კომპანიებში აცხადებენ. კერძო სექტორის ინფორმაციით, ამ დროისთვის ნეტოდარიცხვის სისტემაში მხოლოდ 100-მდე მომხმარებელია ჩართული, რაც მათი შეფასებით საკმაოდ დაბალი მაჩვენებელია. ბიზნესის წარმომადგენლები აცხადებენ, რომ მიუხედავად მცირედი ზრდისა, ნეტო დარიცხვის სისტემის ფარგლებში შესასყიდი ელექტროენერგიის ტარიფი კვლავ საკმაოდ დაბალია, რაც ქვეყანაში ახალი მიკროსიმძლავრის სადგურების მშენებლობის მიმართ ინტერესს ამცირებს. როგორ მუშაობს ნეტო დარიცხვის სისტემა და როგორია მარეგულირებელი კომისიის პოზიცია? #ახალიამბები #BusinessMediaGeorgia
აზერბაიჯანიდან გაზის იმპორტი 2025 წელსაც შემცირდა, რუსეთიდან კი გაიზარდა. სემეკის წლიური ანგარიშის მიხედვით, 2025 წელს საქართველომ აზერბაიჯანიდან 2.27 მლრდ მ³ გაზი მიიღო. 2024 წელთან შედარებით აზერბაიჯანიდან მიღებული გაზის მოცულობა 1.6%-ით არის შემცირებული. სემეკის 2025 წლის ანგარიშის მიხედვით, რუსეთიდან გაზის იმპორტი კვლავ მზარდია. 2025 წელს საქართველომ რუსეთიდან 886 მლნ მ³ გაზი იყიდა, რაც 12%-ით აღემატება 2024 წლის მაჩვენებელს. როგორია საქართველოს გაზის მოწოდების წყაროების ბალანსი და რამდენად საიმედოა არსებული სტრუქტურა? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 01.06.2026 „ხახაბო“ ნატახტარში მასშტაბური საწარმოს აშენებას გეგმავს - ინვესტიცია ₾10 მილიონამდე; ქართული "ბურგერ ლაიონსი" დანიაშიც გაიხსნება; City Mall-ის მფლობელი კომპანია ბათუმში, მოლის მშენებლობის დაწყებას 1 წელიწადში გეგმავს; "ვილა მოსავალი" ახალუბანში 22 ვილის მშენებლობის დაწყებას წლის ბოლომდე გეგმავს; #ახალიამბები #BusinessMediaGeorgia
დღეიდან გიდების სერტიფიცირება სავალდებულო ხდება. ტურიზმის შესახებ კანონში შესული ცვლილებებით, რეგულაცია შეეხება იმ პირებს, რომლებიც სამთო გამყოლის, სათხილამურო გამყოლისა და ალპური გამყოლის საქმიანობას ახორციელებენ. აღნიშნული რისკის შემცველი ტურისტული მომსახურების უსერტიფიკატოდ განხორციელება 3 000-დან 6 000 ლარამდე ჯარიმას ითვალისწინებს. დღეიდან იცვლება ამ ტიპის საქმიანობის განმახორციელებელი პირების სავალდებულო დაზღვევის მოდელიც. თუ კანონის ძველი ვერსიით, ყველა მიმწოდებელს მოეთხოვებოდა პროფესიული პასუხისმგებლობის დაზღვევა, დაჩქარებული წესით მიღებული ცვლილებებით, მთავრობის დადგენილებით დიფერენცირებულად განისაზღვრება, თუ რომელ სუბიექტს დასჭირდება მხოლოდ პროფესიული, მხოლოდ სამოქალაქო, თუ ორივე სახის დაზღვევა ერთად. როგორ მუშაობს სექტორის მარეგულირებელი ჩარჩო კანონი და რას მოგვიტანს დაანონსებული ცვლილებები? სტუმარი: ვანო ვაშაყმაძე - მთის გიდების ასოციაციის თანადამფუძნებელი, ტურიზმის კონსულტანტი #ახალიამბები #BusinessMediaGeorgia
ტელეკომ ბაზარზე კონკურენცია ხელოვნურად ფერხდება როგორც ფიზიკური ინფრასტრუქტურის მონოპოლიზებით, ისე არასამართლიანი საბითუმო ფასებით - ამის შესახებ საუბარია კომკომის 2025 წლის ანგარიშში. ანგარიშში აღნიშნულია, რომ „სილქნეტი“ ქვეყნის მასშტაბით, საკომუნიკაციო არხების 70%-ს ფლობს, რაც მცირე ოპერატორებს საშუალებას არ აძლევს საკუთარი ქსელი გააფართოონ. პარალელურად, კომისიის ცნობით, მობილურ ბაზარზე გამოიკვეთა ე.წ. „მარჟის შეკუმშვის“ ფაქტები - როგორც კომისია აცხადებს, „მაგთიკომის“ მიერ კონკურენტებისთვის შეთავაზებული საბითუმო ფასები იმდენად მაღალი აღმოჩნდა, რომ ვირტუალური ოპერატორებისთვის ბიზნესის წარმოება წამგებიანი ხდებოდა. ამ ვითარების გამო, კომისია აცხადებს, რომ მობილურ ქსელზე საბითუმო ტარიფების გაანგარიშებას ოპერატორების ნაცვლად, თავად განახორციელებს და მარჟის შეკუმშვის ტესტირებას დაიწყებს - ხომ არ აქვს ადგილი ჯვადენ სუბსიდირებას. პრობლემად სახელდება ე.წ. IP პირინგსა და IXP-ის საკითხებიც. #ახალიამბები #BusinessMediaGeorgia
საყოველთაო ინტერნეტიზაციის სახელმწიფო პროგრამის ფარგლებში 2025 წლის მდგომარეობით, ოპტიკურ ბოჭკოვანი ინფრასტრუქტურით 2035 კილომეტრი ტერიტორია დაიფარა, მშენებლობის ეტაპზე კი 887 კილომეტრია, რაც კომუნიკაციების კომისიის 2025 წლის ანგარიშის თანახმად, 260,000-მდე მოსახლეს და მათთვის შექმნილ ახალ შესაძლებლობებს გულისხმობს. აღსანიშნია, რომ პროექტის შესრულება ბევრად ჩამორჩება მის თავდაპირველ გეგმას, თუმცა მარეგულირებელი ამბობს, რომ „ოუფენ ნეტის“ ინფრასტრუქტურის გამოყენებით, 100 000-სზე მეტი მოქალაქე უკვე სარგებლობს ინტერნეტით. რა ეტაპზეა პროექტი, როდის ექნებათ საქართველოს ყველა წერტილში წვდომა ინტერნეტთან და რა უჯდება სახელმწიფოს ოპტიკურ ბოჭკოვანი ქსელის გაყვანის პროგრამა. #ახალიამბები #BusinessMediaGeorgia
ქართული სახაზინო ობლიგაციების მიმართ უცხოელი ინვესტორების დაინტერესება გაიზარდა. ფინანსთა სამინისტროს მიერ გამოშვებული 400 მილიონი ლარის მოცულობის ფასიანი ქაღალდების 65% უცხოელმა ინვესტორებმა შეიძინეს, არარეზიდენტი ინვესტორების ინტერესი, ასევე, მნიშვნელოვნად დივერსიფიცირებული იყო გეოგრაფიულ ჭრილშიც და საბოლოო განაწილებით არარეზიდენტი ინვესტორების 76%-ს გაერთიანებული სამეფოს ინვესტორები შეადგენენ. საინვესტიციო ბანკების შეფასებით, ქართული სამთავრობო ობლიგაციების მიმართ უცხოელი ინვესტორების მაღალი ინტერესი იმითაცაა მნიშვნელოვანი, რომ ეს აჩენს პოტენციალს, რომ არარეზიდენტების დაინტერესება სამომავლოდ ქართული კორპორაციული ობლიგაციების მიმართაც გაიზარდოს. რამდენად კონკურენტულია ობლიგაციების საპროცენტო განაკვეთი და როგორ ფასდება ემისია? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 29.05.2026
ციფრული გადახდების გლობალურმა ლიდერმა Visa-მ, საქართველოს აეროპორტების გაერთიანებასთან პარტნიორობით, ქუთაისის საერთაშორისო აეროპორტში პირველი ბიზნეს ლაუნჯი ოფიციალურად გახსნა. ლაუნჯი ორ სართულზე განთავსებულ 270 კვადრატულ მეტრს მოიცავს და რამდენიმე ფუნქციური ზონისგან შედგება. ლაუნჯი აერთიანებს მოსასვენებელ , სამუშაო, საბავშვო და კვების სივრცეებს და მეორე სართულზე მდებარე „თიბისი კონცეპტის“ ზონას. ლაუნჯის ინტერიერში ჰარმონიულადაა შერწყმული Visa-ს თანამედროვე, მინიმალისტური ბრენდ-იდენტობა და ადგილობრივი ისტორიულ-კულტურული მემკვიდრეობა. ქუთაისის, როგორც ისტორიული ქალაქის, იდენტობის წარმოსაჩენად ლაუნჯის კედლებზე გამოსახულია პროექციები არგონავტების მითიდან. აღსანიშნავია, რომ საქართველოში გაცემული Visa-ს პრემიუმ ბარათების მფლობელები ლაუნჯში შესვლას უფასოდ შეძლებენ წინასწარ განსაზღვრული ვიზიტების რაოდენობის ფარგლებში, შესაბამისი წესებისა და პირობების გათვალისწინებით. ბიემჯი ლაუნჯს ცოტა ხნის წინ ესტუმრა, გიორგი ისაკაძეს Visa-ს რეგიონულმა მენეჯერმა კავკასიის რეგიონსა და მოლდოვაში დიანა კიღურაძე უმასპინძლა. სტუმარი: დიანა კიღურაძე - Visa-ს რეგიონული მენეჯერი კავკასიის რეგიონში და მოლდოვაში; ინტერვიუერი: გიორგი ისაკაძე - BMG-სი გენერალური პროდიუსერი; #ახალიამბები #BusinessMediaGeorgia
ქართული სახაზინო ობლიგაციების მიმართ უცხოელი ინვესტორების დაინტერესება გაიზარდა. ფინანსთა სამინისტროს მიერ გამოშვებული 400 მილიონი ლარის მოცულობის ფასიანი ქაღალდების 65% უცხოელმა ინვესტორებმა შეიძინეს, არარეზიდენტი ინვესტორების ინტერესი, ასევე, მნიშვნელოვნად დივერსიფიცირებული იყო გეოგრაფიულ ჭრილშიც და საბოლოო განაწილებით არარეზიდენტი ინვესტორების 76%-ს გაერთიანებული სამეფოს ინვესტორები შეადგენენ. საინვესტიციო ბანკების შეფასებით, ქართული სამთავრობო ობლიგაციების მიმართ უცხოელი ინვესტორების მაღალი ინტერესი იმითაცაა მნიშვნელოვანი, რომ ეს აჩენს პოტენციალს, რომ არარეზიდენტების დაინტერესება სამომავლოდ ქართული კორპორაციული ობლიგაციების მიმართაც გაიზარდოს. რამდენად კონკურენტულია ობლიგაციების საპროცენტო განაკვეთი და როგორ ფასდება ობლიგაციების ემისია? #ახალიამბები #BusinessMediaGeorgia
არასოდეს ვყოფილვარ დარწმუნებული საქმის სიმართლეში, სისწორესა და აუცილებლობაში ისე, როგორც ეს რეფორმებია, რომელსაც ახლა ვაკეთებთ - ეს განათლების მინისტრის სიტყვებია, რომელიც მან გუშინ პარლამენტში ინტერპელაციის წესით მოსმენისას განაცხადა, სადაც 44 კითხვის საპასუხოდ მივიდა. გივი მიქანაძე ამბობს, რომ ქართული ოცნების წამოწყებულ ფართომასშტაბიან ცვლილებებს დიდ მხარდაჭერა აქვს, ოპოზიციის მიზანი კი ამ პროცესით მანიპულირებაა. ჩაბრძანდით ერთი რეგიონებში, მოიკითხეთ ხალხთან და ნახავთ ერთ ადამიანს თუ ნახავთ, რომელიც ეწინააღმდეგება ამ რეფორმას. ხალხი არის მოწყურებული იმ საკითხებს, რომელიც ამ რეფორმების ფარგლებში არის გაჟღერებული - თქვა გუშინ განათლების მინისტრმა. მიუხედავად ათობით კითხვისა და პასუხისა, რამდენიმე საათიანი მოსმენის შემდეგ მაინც ბუნდოვანი დარჩა სახელმწიფო უნივერსიტეტების დაფინანსების საკითხი, როგორ და რა მოცულობით დაფინანსდებიან ისინი ბიუჯეტიდან, ან რამდენ წლიანი იქნება ამა თუ იმ პროგრამაზე სწავლა, რა ბედი ელის სახელმწიფო უნივერსიტეტების შენობებს, ან როგორ მოხდება სკოლაში სწავლის 12-დან 11 წლამდე შემცირების ფონზე პროგრამის ისე განაწილება, რომ მოსწავლემ ხარისხიანი განათლება მიიღო. არადა “ქართული ოცნების” წამოწყებული ფართომასშტაბიანი ცვლილებები განათლების სექტორში ყველა მიმართულებით კარდინალურ ცვლილებებს გულისხმობს. რა გავიგეთ ახალი მინისტრის მოსმენიდან? სტუმარი: მანანა რატიანი - განათლების სპეციალისტი #ახალიამბები #BusinessMediaGeorgia
საქართველოს პარლამენტში დღეს განათლების მინისტრს მოუსმინეს. უმაღლესი განათლების დაფინანსების პოლიტიკა, სასკოლო და საუნივერსიტეტო ინფრასტრუქტურა, ზოგადი განათლების კონცეფცია, სასკოლო ფორმები, მოსწავლეთა კვების უზრუნველყოფა და სხვა - ეს ის ძირითადი საკითხებია, რომელზეც განათლების, მეცნიერებისა და ახალგაზრდობის მინისტრს პარლამენტში მოუწია პასუხების გაცემა. გივი მიქანაძე საკანონმდებლო ორგანოში პარლამენტის ფრაქცია „საქართველოსთვის“ მოთხოვნით დაიბარეს. გივი მიქანაძის განცხადებით, განათლების სამინისტრო, მსოფლიო ბანკთან თანამშრომლობით, მუშაობს ნორმატიული აქტის პროექტზე, რომელიც უნივერსიტეტებში სწავლის სახელმწიფო დაფინანსების წესსა და პირობებს განსაზღვრავს. ამასთან, მისივე თქმით, პროფესიულ სასწავლებლებთან დაკავშირებული ახალი კონცეფცია უახლოეს მომავალში საზოგადოებას წარმოიდგინება. სკოლებში ბავშვთა უფასო კვების შესაძლებლობებზე კი ინფრასტრუქტურის მოკვლევა მიმდინარეობს. გივი მიქანაძე ავარიული სკოლების პრობლემაზეც საუბრობს. რა ძირითადი აქცენტები გაჟღერდა ინტერპელაციის რეჟიმში და ცვლილებები იგეგმება განათლების სისტემაში. #ახალიამბები #BusinessMediaGeorgia
საქართველოში მოქმედი ბიზნესგაერთიანებების ინფორმაციით, უცხოელი ინვესტორების ნაწილს საქართველოს საზღვარზე პრობლემები ექმნებათ. არის შემთხვევები, როცა უცხოელებს საზღვარზე აჩერებენ და ყოველგვარი დასაბუთების გარეშე აბრუნებენ უკან. ICC GEORGIA- ს ინფორმაციით, პრობლემები ძირითადად არაბული ქვეყნების მოქალაქეებს შეექმნათ. რა მასშტაბი აქვს პრობლემას და როგორ მოქმედებს მსგავსი ფაქტები საქართველოს საინვესტიციო გარემოზე? #ახალიამბები #BusinessMediaGeorgia
ბაზარზე ოპერირების 3 წლის თავზე, დეველოპერული კომპანია „ბიოგრაფი ლივინგი“ კახიძის მუსიკალურ ცენტრში განვლილ გზას აჯამებს და ახალ პროექტებს წარადგენს. სტუმარი: ვასილ ფხაკაძე - “ბიოგრაფი ლივინგის” აღმასრულებელი დირექტორი; #ახალიამბები #BusinessMediaGeorgia
კავკასიის მანდილი - ასე ჰქვია ახალი, 5 ვარსკვლავიანი სასტუმროს პროექტს გუდაურში, რომელიც ქართული დეველოპერული კომპანია Pontus-ის, სასტუმროების მართვის საერთაშორისო ოპერატორის Rotana-სა და იტალიური არქიტექტურული ბიუროს NOA-ს ერთობლივი ძალისხმევით ხორციელდება. პროექტი ორ ლოტადაა დაყოფილი და მოიცავს ფართო და მრავალფუნქციურ ინფრასტრუქტურას - ჯამში 37 000 კვადრატულ მეტრზე მეტ ფართობს და თითქმის 400 ნომერს. სტანდარტული ნომრები, ექსკლუზიური შალეები და აპარტამენტები, SPA ცენტრები და საპარკინგე სივრცეები კურორტს მიზიდულობის ახალ ცენტრად აქცევს. არქიტექტორებმა დიზაინში გააერთიანეს ეროვნული სიმბოლოები და ტრადიციები. პროექტის ინიციატორები განმარტავენ, რომ „კავკასიის მანდილი“ გრძელვადიან სარგებელს შექმნის რეგიონისთვის. #ახალიამბები #BusinessMediaGeorgia
„მცირე ბიზნესიდან მდგრად განვითარებამდე“ — ამ დევიზით, ბანკმა 2026 წლის რეგიონული ბიზნეს შეხვედრების სერია ტრადიციულად ბათუმიდან გახსნა. სასტუმრო „რუმსში“ შეკრებილმა ადგილობრივმა მეწარმეებმა პრაქტიკული რეკომენდაციები მიიღეს ფინანსების მართვის, მარკეტინგული სტრატეგიებისა და ოპერაციული ეფექტიანობის გაზრდის მიმართულებით. როგორ გეგმავს პროკრედიტ ბანკი ქართული მცირე და საშუალო ბიზნესის გაძლიერებას. #ახალიამბები #BusinessMediaGeorgia
ზაფხულის მოახლოების მიუხედავად ბოსტნეულის, ხილის და ბაღჩეულის ფასები კვლავ მაღალ ნიშნულზეა. ბაზრის მონაწილეები ფიქრობენ, რომ წელს ქართული პროდუქციაც არ იქნება იაფი. ადგილობრივ ბაზარზე ფასების შემცირებას როგორც უამინდობა, ისე იმპორტირებულ პროდუქციაზე, განსაკუთრებით თურქულ ბოსტნეულზე გაზრდილი ფასები განაპირობებს. ბოსტნეულისა და ბაღჩეულის კომპანია „იმერის” დირექტორი ბიემჯითან განმარტავს, რომ „თურქეთმა, რომელიც თავადაც მაღალი მოთხოვნის ტურისტული ბაზარია, წელს პრაქტიკულად ყველა პროდუქცია გააძვირა. ამიტომ ამ ბაზრიდან შეძენილი პროდუქცია საქართველოსაც გაუძვირდა. ფასზე ზეწოლას ახდენს უამინდობა, რის გამოც ბაზარზე დეფიციტი იქმნება და პროდუქციაც ძვირდება. რა ტენდენციებია ბაზარზე და როგორ აისახება საბოლოო ფასებზე მათ შორის გაძვირებული საწვავი? სტუმარი: ვახტანგ ბეჟიტაშვილი - “ხილისა და ბოსტნეულის ექსპორტიორთა ასოციაციის“ თავმჯდომარე #ახალიამბები #BusinessMediaGeorgia
სახელმწიფო ტენდერებში ე.წ. „შავი სიის“ მექანიზმი მკაცრდება - აღნიშნულს "სახელმწიფო შესყიდვების შესახებ" კანონში ცვლილებები ითვალისწინებს, რომელსაც პარლამენტი დაჩქარებული წესით განიხილავს. ინიცირებული ცვლილებების მიხედვით, თუ ეკონომიკური ოპერატორი ხელშეკრულების მიღების მიზნით არაკეთილსინდისიერ ქმედებას ჩაიდენს, მისი „შავ სიაში“ რეგისტრაციის ვადა ერთი წლის ნაცვლად ორ წლამდე გაიზრდება. გარდა ამისა, სახელმწიფო შესყიდვებში მონაწილეობა შეეზღუდებათ იმ კომპანიებსაც, რომელთა დამფუძნებლები ან ხელმძღვანელები დაკავშირებული არიან „შავ სიაში“ რეგისტრირებულ პირებთან. ინფრასტრუქტურის მშენებლების ნაწილი შავი სიის გამკაცრებას მიესალმება, თუმცა ასევე აღნიშნავს, რომ უნდა გადაიხედოს თავად სისტემა, თუ რის საფუძველზე ხვდებიან კომპანიები აღნიშნულ სიაში. #ახალიამბები #BusinessMediaGeorgia
საქართველოში სამედიცინო მომსახურებაზე ფასები წლიდან წლამდე იზრდება. საქსტატის ოფიციალური მაჩვენებლებით, ბოლო 5 წელიწადში საავადმყოფოს სერვისები 40%-მდეა გაძვირებული. სამედიცინო სერვისებზე ფასების ცვლილების ფონზე ძვირდება ჯანმრთელობის დაზღვევაც. მხოლოდ მიმდინარე წლის აპრილში სადაზღვევო პოლისებზე ფასი წლიურად 8%-ზე მეტად გაიზარდა. რა ფაქტორები განაპირობებს ჯანდაცვის ინფლაციას და რას აჩვენებს ოფიციალური რიცხვები? #ახალიამბები #BusinessMediaGeorgia
აპრილში მარტთან შედარებით სესხები გაძვირდა. ეროვნული ბანკის მონაცემებით, გასულ თვეში ლარის სესხების საშუალო საპროცენტო განაკვეთები თვიურად მცირედით, 15.54%-დან 15.61%-მდე გაიზარდა. თუმცა გასული წლის აპრილთან შედარებით ლარის სესხები ჯამურად 0.5 პროცენტული პუნქტითაა გაიაფებული. რაც შეეხება უცხოური ვალუტის სესხებს, ამ მიმართულებით საპროცენტო განაკვეთების ზრდის ტენდენცია ფიქსირდება როგორც წლიურ, ასევე თვიურ ჭრილში. საფინანსო ბაზრის მონაწილეების ნაწილი არ გამორიცხავს, რომ როგორც ლარში, ასევე უცხოურ ვალუტაში მომდევნო პერიოდში საპროცენტო განაკვეთების ზრდის ტენდენცია გაგრძელდეს. მათი თქმით, ამას ერთი მხრივ ეროვნული ბანკის მიერ მონეტარული პოლიტიკის გამკაცრება, მეორე მხრივ კი გლობალურ ბაზრებზე განაკვეთების ზრდის მოლოდინი განაპირობებს. როგორია ამ ეტაპზე საპროცენტო განაკვეთების დინამიკა და მოლოდინები? #ახალიამბები #BusinessMediaGeorgia
თურქეთის ბაზარზე მზის იაფი ენერგიის მოზღვავება პირდაპირ დარტყმას აყენებს ქართული ჰიდროელექტროსადგურების საექსპორტო პოტენციალს - ამის შესახებ ენერგეტიკოსები აცხადებენ. მათი შეფასებით, თუკი ადრე, გაზაფხულზე, საქართველო ჭარბ დენს თურქეთში ყიდდა, ახლა ქართულ ჰიდრორესურსს თურქეთის მზის ენერგიასთან კონკურენცია უჭირს. თურქეთმა ბოლო პერიოდში მკვეთრად გაზარდა განახლებადი ენერგიის წილი. კერძოდ, მზის ელექტროსადგურების დადგმულმა სიმძლავრემ 25,000 მეგავატს გადააჭარბა, რაც ქვეყნის მთლიანი გამომუშავების დაახლოებით 20%-ია. აღსანიშნავია, რომ საქართველოს მთავრობა წელს თურქეთთან ელექტროენერგიის გაცვლის - ე.წ. ბარტერის მექანიზმს აამოქმედებს - როგორ აფასებენ ენერგეტიკოსები ახალ შეთანხმებას და რა გამოწვევებს უქმნის გენერაციის ადგილობრივ ობიექტებს თურქეთის, როგორც საექსპორტო ბაზრის დაკარგვის საფრთხე. #ახალიამბები #BusinessMediaGeorgia
თურქეთის ბაზარზე მზის იაფი ენერგიის მოზღვავება პირდაპირ დარტყმას აყენებს ქართული ჰიდროელექტროსადგურების საექსპორტო პოტენციალს - ამის შესახებ ენერგეტიკოსები აცხადებენ. მათი შეფასებით, თუკი ადრე, გაზაფხულზე, საქართველო ჭარბ დენს თურქეთში ყიდდა, ახლა ქართულ ჰიდრორესურსს თურქეთის მზის ენერგიასთან კონკურენცია უჭირს. თურქეთმა ბოლო პერიოდში მკვეთრად გაზარდა განახლებადი ენერგიის წილი. კერძოდ, მზის ელექტროსადგურების დადგმულმა სიმძლავრემ 25,000 მეგავატს გადააჭარბა, რაც ქვეყნის მთლიანი გამომუშავების დაახლოებით 20%-ია. აღსანიშნავია, რომ საქართველოს მთავრობა წელს თურქეთთან ელექტროენერგიის გაცვლის - ე.წ. ბარტერის მექანიზმს აამოქმედებს - როგორ აფასებენ ენერგეტიკოსები ახალ შეთანხმებას და რა გამოწვევებს უქმნის გენერაციის ადგილობრივ ობიექტებს თურქეთის, როგორც საექსპორტო ბაზრის დაკარგვა. #ახალიამბები #BusinessMediaGeorgia
აპრილში მარტთან შედარებით სესხები გაძვირდა. სების მონაცემებით, გასულ თვეში ლარის სესხების საშუალო საპროცენტო განაკვეთები თვიურად მცირედით, 15.54%-დან 15.61%-მდე გაიზარდა. თუმცა წლიურად გასული წლის აპრილთან შედარებით ლარის სესხები ჯამურად 0.5 პროცენტული პუნქტითაა გაიაფებული. რაც შეეხება უცხოური ვალუტის სესხებს, ამ მიმართულებით საპროცენტო განაკვეთების ზრდის ტენდენცია ფიქსირდება. საფინანსო ბაზრის მონაწილეების ნაწილი არ გამორიცხავს, რომ როგორც ლარში, ასევე უცხოურ ვალუტაში მომდევნო პერიოდში საპროცენტო განაკვეთების ზრდის ტენდენცია გაგრძელდეს. მათი თქმით, ამას ერთი მხრივ ეროვნული ბანკის მიერ მონეტარული პოლიტიკის გამკაცრება, მეორე მხრივ კი გლობალურ ბაზრებზე განაკვეთების ზრდის მოლოდინი განაპირობებს. როგორია ამ ეტაპზე საპროცენტო განაკვეთების დინამიკა და მოლოდინები? #ახალიამბები #BusinessMediaGeorgia
ცვლილებები „ტურიზმის შესახებ“ კანონში – პარლამენტი მაღალი რისკის შემცველი ტურისტული მომსახურების მიმწოდებლებისთვის სადაზღვევო მოდელს ცვლის. კერძოდ, თუ აქამდე 1 ივნისიდან რისკის შემცველი ტურისტული საქმიანობისთვის სავალდებულო დაზღვევის პრინციპი შემოდიოდა და ყველა გამყოლს ავტომატურად მოეთხოვებოდა როგორც პროფესიული, ისე სამოქალაქო პასუხისმგებლობის დაზღვევა, ახლა ეს მიდგომა ინდივიდუალური გახდება. მთავრობა დადგენილებით განსაზღვრავს, კონკრეტულად რომელ მომსახურებას რომელი სადაზღვევო პოლისი დასჭირდება. კანონპროექტის ავტორები ფიქრობენ, რომ ეს ცვლილება მცირე ბიზნესსა და ინდივიდუალურ გიდებს ზედმეტი ფინანსური ხარჯისგან დაიცავს. პარალელურად, სადაზღვევო პოლისისა და შესაბამისი სერტიფიკატის გარეშე საქმიანობა გაკონტროლდება. 2027 წლის პირველი ივნისიდან ამ წესის დარღვევა გამოიწვევს დაჯარიმებას 3 000 ლარის ოდენობით, ხოლო განმეორების შემთხვევაში - 6 000 ლარით. რას შეცვლის ეს ცვლილება მზღვეველებისთვის მაღალი რისკის ტურისტული საქმიანობისთვის პაკეტების შექმნის პროცესში სტუმარი: მიხეილ ჯაფარიძე - სადაზღვევო კომპანია "არდის" გენერალური დირექტორი #ახალიამბები #BusinessMediaGeorgia
პარლამენტში „ტურიზმის შესახებ“ კანონში შესატანი მორიგი საკანონმდებლო ცვლილებების პაკეტი დარეგისტრირდა, რომელიც დარგში არსებული რეგულაციებისა და საზედამხედველო ფუნქციების ამოქმედების კიდევ ერთხელ გადავადებას ითვალისწინებს. ცვლილებები ახლებურად არეგულირებს როგორც ტურისტული საქმიანობის სუბიექტების სავალდებულო რეგისტრაციის, ისე ტუროპერატორებისთვის ფინანსური გარანტიების მოთხოვნისა და მაღალი რისკის შემცველი ტურისტული საქმიანობისათვის სავალდებულო სერტიფიცირების საკითხებს. ვისთვის რა იცვლება, რით ხსნიან კანონპროექტის ავტორები ამას და როგორია სექტორის შეფასებები? #ახალიამბები #BusinessMediaGeorgia
დამოუკიდებლობის დღის ღონისძიებების ფარგლებში თბილისში, ორბელიანის მოედნის მიმდებარედ სხვადასხვა აქტივობები გაიმართა, მათ შორის წარმოდგენილი იყო მეღვინე მეწარმეების პროდუქციის გამოფენა-გაყიდვა, სადაც ძირითადად საოჯახო მარნები იყვნენ წარმოდგენილები. მცირე მეღვინეები ამბობენ, რომ მსგავსი ტიპის ღონისძიებები პროდუქციის ცნობადობის გაზრდისთვის მნიშვნელოვანია. თუმცა მეღვინე მეწარმეები სხვადასხვა გამოწვევებზეც საუბრობენ, მათ შორის როგორიცაა პროდუქციის გაყიდვის ბაზრები და საექსპორტო პოტენციალის ათვისება, ასევე საერთაშორისო ბაზრებზე ქართული ღვინის ცნობადობა. რას სთავაზობენ მეღვინე მეწარმეები ბაზარს და როგორია მცირე ბიზნესის ხმა? #ახალიამბები #BusinessMediaGeorgia
პარლამენტში „ტურიზმის შესახებ“ კანონში შესატანი მორიგი საკანონმდებლო ცვლილებების პაკეტი დარეგისტრირდა, რომელიც დარგში არსებული რეგულაციებისა და საზედამხედველო ფუნქციების ამოქმედების კიდევ ერთხელ გადავადებას ითვალისწინებს. ცვლილებები ახლებურად არეგულირებს როგორც ტურისტული საქმიანობის სუბიექტების სავალდებულო რეგისტრაციის, ისე ტუროპერატორებისთვის ფინანსური გარანტიების მოთხოვნისა და მაღალი რისკის შემცველი ტურისტული საქმიანობისათვის სავალდებულო სერტიფიცირების საკითხებს. ვისთვის რა იცვლება, რით ხსნიან კანონპროექტის ავტორები ამას და როგორია სექტორის შეფასებები? #ახალიამბები #BusinessMediaGeorgia
საქართველოს დამოუკიდებლობის აღდგენიდან 35 წელი გავიდა. ამ სამ ათწლეულზე მეტ პერიოდში გავიარეთ გზა, რომელმაც ქვეყანა სრული ეკონომიკური კოლაფსიდან, ჰიპერინფლაციიდან და ენერგოკრიზისიდან ღია, საბაზრო ეკონომიკის მქონე სახელმწიფომდე მიიყვანა. 2025 წლის მონაცემებით, ჩვენი ეკონომიკის ზომა 105 მილიარდ ლარამდეა, რაც დაახლოებით 38 მილიარდი დოლარია. 1 სულ მოსახლეზე გაანგარიშებით ლარში მშპ-ს ზომა 28 235 ლარს ანუ 10 296 დოლარს შეადგენს. სტატისტიკა გვაჩვენებს, რომ ისტორიულ მინიმუმამდე - 7.1%-მდე შემცირდა ქვეყანაში აბსოლუტური სიღარიბის დონე. მედიანური მოხმარების 60 პროცენტის ქვევით მყოფი მოსახლეობის წილი 17.3%-ს შეადგენს. უმუშევრობის დონე კი, 13.9%-ია. პოსტპანდემიურ პერიოდს და გეოპოლიტიკურ შოკებს საქართველოს ეკონომიკაზე ბუსტი ეფექტი ჰქონდა. 2021-26 წლებში ეკონომიკა მაღალ ზრდა აჩვენებს და უკვე ყველა თანხმდება, რომ ეს ზრდა სწორედ გეოპოლიტიკის დამსახურებაა - მიგრანტების ეფექტი, სხვადასხვა არხებით განპირობებული მაღალი სავალუტო შემოდინებები და გააქტიურებული IT სექტორი - ამ ფაქტორები ქვეყანაში ეკონომიკური ზრდის აქსელერაცია მოახდინა და შეცვალა ეკონომიკის სტრუქტურა - მაინც რა ტიპის ეკონომიკით ვხვდებით დამოუკიდებლობის 35 წელს, სად გვაქვს ჩავარდნები და რა დგას ლამაზი რიცხვების უკან? სტუმარი: გიორგი ხიშტოვანი - ეკონომისტი #ახალიამბები #BusinessMediaGeorgia
დამოუკიდებლობის დღის ღონისძიებები საქართველოს სხვადასხვა ქალაქში იმართება. თბილისში, სადღესასწაულო ღონისძიებები ათონელის ქუჩაზე, ალექსანდრეს ბაღში, ხაზინის და ფხოვის, ფურცელაძის და ვეკუას ქუჩებზე, ასევე მიმდებარე ტერიტორიებზე გაიმართება. #ახალიამბები #BusinessMediaGeorgia
2020 წლის შემდეგ, საქართველოში სიღარიბე 3-ჯერ შემცირდა - ამის შესახებ დღეს ირაკლი კობახიძემ საქსტატის მიერ მაჩვენებლების გამოქვეყნების შემდეგ გამართულ სპეციალურ ბრიფინგზე განაცხადა. მისი ტქმით, 2025 წელს, 7.5-პროცენტიანი ეკონომიკური ზრდის ფონზე, სიღარიბე საქართველოს 90 ათასმა თანამოქალაქემ დაძლია. პრემიერი კობახიძე ამბობს, რომ ვიდრე 280 000 ჩვენი თანამოქალაქე სიღარიბის ზღვარს მიღმა ცხოვრობს, მთავრობას ყურადღების მოდუნების უფლება არ აქვს. მაღალი ეკონომიკური ზრდის და სიღარიბის არსებული ტენდენციის შენარჩუნების პირობებში მთავრობის მეთაური ირწმუნება, რომ სიღარიბის აღმოფხვრა 2030 წლისთვის სავსებით რეალურია. სიღარიბის შემცირების საპირისპიროდ მიმდინარე წლის პირველი კვარტლის მდგომარეობით იკლებს დასაქმების და სამუშაო ძალის მაჩვენებლები. რაზე მიუთითებს ოფიციალური რიცხვები, რას ამბობს ქვეყნის პრემიერი და როგორია სპეციალისტების შეფასებები? #ახალიამბები #BusinessMediaGeorgia
საქართველოში ქართული ლარის ციფრული ანალოგის, ლარის სტეიბლკოინის გამოშვება იგეგმება. GELT-ის გამოშვება დღეს გამართულ ღონისძიებაზე გლობალურმა კრიპტოკომპანიამ Tether-მა დაანონსა. საუბარია სტებლკოინზე, რომელიც ბლოკჩეინ-ტექნოლოგიაზე იქნება დამყარებული. კომპანიაში აცხადებენ, რომ საწყის ეტაპზე ციფრული ლარი გამოყენებული იქნება ქვეყნებს შორის გადარიცხვებისთვის, მათ შორის საზღვარგარეთიდან გზავნილების მისაღებად. სტეიბლკოინის ერთ-ერთ უპირატესობად გადარიცხვების სისწრაფე და ტრანზაქციების ნაკლები ხარჯები სახელდება. რა გეგმები აქვს საქართველოში კრიპტოკომპანია Tether-ს და როგორია საქართველოში სტეიბლკოინების პერსპექტივა? #ახალიამბები #BusinessMediaGeorgia
ქარის ენერგია გლობალურად ყველაზე იაფ და ეფექტურ ტექნოლოგიად იქცა, რაც საქართველოსთვის ზამთრის ენერგოდეფიციტის დაძლევისა და ენერგოდამოუკიდებლობის მიღწევის რეალურ შანსს იძლევა. ამის შესახებ თიბისი კაპიტალის კვლევაშია საუბარი, რომლის თანახმადაც, საქართველოში ქარის სადგურებში ინვესტირება ფინანსურად მიმზიდველია. კვლევის თანახმად, მსოფლიოში ქარის სადგურების დადგმული სიმძლავრის წილი ჯამურ განახლებად დადგმულ სიმძლავრეში 2000 წლის 2%-დან მკვეთრად გაიზარდა და 2025 წელს 25%-ს მიაღწია. კავკასიის რეგიონში კი, ქარის სიმძლავრე, სხვა განახლებად ენერგიებთან შედარებით, განვითარების ადრეულ ეტაპზეა, თუმცა, 2026 წელს მნიშვნელოვანი პროექტები ხორციელდება საქართველოსა და აზერბაიჯანში. რა აფერხებს საქართველოში ქარის ენერგიის განვითარებას და როგორია დარგში ინვესტირების პოტენციალი? #ახალიამბები #BusinessMediaGeorgia
ქარის ენერგია გლობალურად ყველაზე იაფ და ეფექტურ ტექნოლოგიად იქცა, რაც საქართველოსთვის ზამთრის ენერგოდეფიციტის დაძლევისა და ენერგოდამოუკიდებლობის მიღწევის რეალურ შანსს იძლევა. ამის შესახებ თიბისი კაპიტალის კვლევაშია საუბარი, რომელის თანახმადაც, საქართველოში ქარის სადგურებში ინვესტირება ფინანსურად ძალზე მიმზიდველია. მისი განვითარება კი, საქართველოსთვის სტრატეგიული ეკონომიკური გადაწყვეტილება იქნება, რაც ქვეყანას იმპორტზე დამოკიდებულების შემცირებაში დაეხმარება. რა აფერხებს საქართველოში ქარის ენერგიის განვითარებას, რამდენად მზად არის ენერგოსისტემა ქარის ენერგიის მასშტაბური ინტეგრაციისთვის და როგორია დარგში ინვესტირების პოტენციალი? #ახალიამბები #BusinessMediaGeorgia
საქართველოში ქართული ლარის ციფრული ანალოგის, ლარის სტეიბლკოინის გამოშვება იგეგმება. GELT-ის გამოშვება დღეს გამართულ ღონისძიებაზე გლობალურმა კრიპტოკომპანიამ Tether-მა დაანონსა. საუბარია სტებლკოინზე, რომელიც ბლოკჩეინ-ტექნოლოგიაზე იქნება დამყარებული. კომპანიაში აცხადებენ, რომ საწყის ეტაპზე ციფრული ლარი გამოყენებული იქნება ქვეყნებს შორის გადარიცხვებისთვის, მათ შორის საზღვარგარეთიდან გზავნილების მისაღებად. სტეიბლკოინის ერთ-ერთ უპირატესობად გადარიცხვების სისწრაფე და ტრანზაქციების ნაკლები ხარჯები სახელდება. რა გეგმები აქვს საქართველოში კრიპტოკომპანია Tether-ს და როგორია საქართველოში სტეიბლკოინის პერსპექტივა? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 25.05.2026 „მემო ჯგუფმა“ ნატახტარში 2.5 მილიონი ლარის ინვესტიციით ულტრათანამედროვე საწარმო გახსნა; ICR მოლებში ქართული სწრაფი კვების ობიექტების გახსნასაც გეგმავს; "ფასები 10-15%-ით გავზარდეთ" - ავეჯის საწარმო "მობილია ბათუმი" ნედლეულის გაძვირების შედეგებზე საუბრობს; "ფრიდა" - თბილისში ახალი, ინოვაციური სივრცე შენდება; #ახალიამბები #BusinessMediaGeorgia
დღეს, როდესაც მსოფლიო სავაჭრო გზების უმსხვილესი არტერიები ისევ პარალიზებულია – წითელი ზღვა და სუეცის არხი გემებისთვის უსაფრთხო ისევ არ არის, ხოლო ჰორმუზის სრუტის "ორმაგი ბლოკადა" გლობალურ ეკონომიკასა და ენერგეტიკას უმძიმესი კრიზისით ემუქრება, ეს ფონი ტვირთმფლობელებს და გადამზიდებს უსაფრთხო ალტერნატივების ძიებისკენ უბიძგებს. ამ ძიების პროცესში კი, ტვირთის ნაწილი რომ საქართველოს დერეფანში გადმომისამართდა ადასტურებს სტატისტიკა - 2026 წლის იანვარ-აპრილში საქართველოს პორტებსა და ტერმინალებში ჯამურად გადამუშავებული ტვირთების მოცულობამ 5 მლნ 949 ათას ტონას გადააჭარბა, რაც წლიურად 21%-იანი ზრდაა. 8% გაიზარდა და 258 583 ერთეულს მიაღწია კონტეინერბის გადამუშავების მაჩვენებელმაც. სტატისტიკა აჩვენებს, რომ მხოლოდ აპრილში ნავსადგურებმა 1.6 მლნ ტონაზე მეტი ტვირთი გაატარეს. ამ გლობალური შოკის ფონზე, გამოჩნდა, რომ შუა დერეფანი აღარ არის მხოლოდ თეორიული პროექტი – ის მსოფლიოსთვის კრიტიკულ საჭიროებად იქცა. თუმცა, მთავარი კითხვაა ისე აქტუალურია - რა ვისწავლეთ წარსულის გაკვეთილიდან… ვართ კი მეტად მომზადებული 2022 წელთან შედარებით, როდესაც უკრაინაში რუსეთის შეჭრის და რუსეთის სანქცირების შემდეგ ამ დერეფანში გადმომისამართებულ ტვირთმა სატრანსპორტო სისტემები გაჭედა. გვაქვს თუ არა დღეს რეალური შესაძლებლობა და რა არის ის კრიტიკული აუცილებლობა, რითაც შუა დერეფანი გლობალური სავაჭრო გზების ერთ-ერთი ძირითადი არტერია გახდება? სტუმარი: ჯაბა თარიმანაშვილი - სატრანსპორტო კომპანია "ტრანს ლოგისტიკა“, დირექტორი #ახალიამბები #BusinessMediaGeorgia
#ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 13.05.2026 ACE Group Georgia $300 მილიონის ინვესტიციას აანონსებს - როდის გაიხსნება საგარეჯოს თიზი? "წელს ფასების ზრდას არ ვაპირებთ" - Lumier's Chimney Cake; სატაცურის სეზონი პიკშია - "ოზაანი" მოსავლის 25%-იან ზრდას ელის; “ვისოლის“ ბიუჯეტური ავტოგასამართი სადგურების ქსელი „ვიგო“ ქუთაისში 3 ობიექტს ხსნის; #ახალიამბები #BusinessMediaGeorgia
შტატგარეშე დასაქმებულებზე საბიუჯეტო დანახარჯები იზრდება, სახელმწიფო უწყებებში შტატგარეშე მოხელეების რიცხოვნობა კი წლიდან წლამდე გაუმჭვირვალე რჩება. ფინანსთა სამინისტროს მონაცემებით, ბოლო 10 წელიწადში შტატგარეშე მოხელეთა ხელფასებზე გაწეული ხარჯები 170 მილიონიდან 684 მილიონ ლარამდე გაიზარდა. რაზე მიანიშნებს შტატგარეშე ბიუროკრატიის მასშტაბის ზრდა და რა ეჭვებს აჩენს პროცესის გაუმჭვირვალობა? #ახალიამბები #BusinessMediaGeorgia
ცვლილებებია დაგეგმილი ტყის კოდექსში, რომლის საფუძველზეც „ტყის მცველის“ პოზიცია შეიქმნება. გარემოს დაცვისა და სოფლის მეურნეობის სამინისტროს მიერ პარლამენტში ინიცირებული ცვლილებების თანახმად, ტყის ფიზიკური დაცვის ფუნქცია აღდგება და ამ მიზნით „ტყის მცველის“ პოზიციაზე 400-ზე მეტი ადამიანის დასაქმება იგეგმება. სამინისტროში ამბობენ, რომ დღეისთვის ერთ-ერთ მთავარ გამოწვევად ტყის უკანონო ჭრა რჩება. ასევე, იცვლება ხე-ტყის დამზადებისა და რეალიზაციის წესი და ტყის მართვის ორგანო ხე-ტყის დამზადების უფლებას პირდაპირ აუქციონზე გაიტანს. სპეციალისტები „ტყის მცველის“ ინსტიტუტის შემოღებას დადებითად აფასებენ, თუმცა კითხვები აქვთ ხე-ტყის დამზადების წესის ცვლილებასთან დაკავშირებით. რას ითვალისწინებს კოდექსში დაგეგმილი ცვლილებები და როგორ აფასებენ მას სპეციალისტები. #ახალიამბები #BusinessMediaGeorgia
მთავრობის საცავებში მილიონობით ლიტრი სპირტი და ღვინო მყიდველის მოლოდინშია, თუმცა ბაზარი არ ჩქარობს. წლის დასაწყისში გამოცხადებული 20-მდე აუქციონი, რომლითაც სახელმწიფოს 80 მილიონი ლარის ღირებულების საკონიაკე სპირტის რეალიზაცია სურდა, ჩავარდა. ფასის სამჯერადი შემცირებისა და 19%-იანი გაუფასურების მიუხედავად, „მოსავლის მართვის კომპანიის“ რეზერვუარებში დაგროვილი პროდუქცია კვლავ მყიდველის მოლოდინშია. სპეციალისტების შეფასებით, ეს ვითარება ყურძნის სუბსიდირების პირდაპირი შედეგია, რადგან სახელმწიფო ბაზრის მოთხოვნაზე ორჯერ მეტი ყურძნის შესყიდვას საკუთარ თავზე იღებს და ამაში გადასახადის გადამხდელების 247 მილიონ ლარს ხარჯავს. არის თუ არა ჭარბი მოსავალი „რეალური შესაძლებლობა“, თუ ეს ეკონომიკური ტვირთი, რომელიც ყოველწლიურად მძიმდება. #ახალიამბები #BusinessMediaGeorgia