აშშ-ირანის ომის გამო შეფერხებული საავიაციო და ტურიზმის სექტორი აღდგენის ტენდენციას აჩვენებს. 27 თებერვლის შემდეგ პირველად Qatar Airways-მა და კიდევ რამდენიმე ავიაკომპანიამ დოჰას მიმართულებით რეგულარული რეისების შესრულება განაახლეს. "ტავ ჯორჯიაში" აცხადებენ, რომ თბილისი-დოჰას საჰაერო ხაზზე რეისები ყოველდღიურად შესრულდება. ამასთან, მარტ-აპრილში ტურიზმში შემოსავლების კლების შემდეგ, მაისში მოგზაურობიდან მიღებული შემოსავლები აღდგენას აჩვენებს. Galt & Taggart-ის ინფორმაციით, მაისში ტურიზმიდან მიღებული შემოსავლები წლიურად 3.5%-ით 380 მლნ დოლარამდე გაიზარდა. საინვესტიციო ბანკის პროგნოზით, წელს ეს მაჩვენებელი 4.9 მლრდ დოლარამდე გაიზრდება. გაუქმებული ჯავშნებისა და ფრენების შემდეგ, აღდგენის რა ტენდენციას აჩვენებს ტურიზმის სექტორი და როგორია მოლოდინები ზაფხულის სეზონთან დაკავშირებით ?

სტუმარი: პაატა კოკაია - „ინნ ჯგუფის“ დამფუძნებელი

#ახალიამბები #BusinessMediaGeorgia