ღვინის სექტორი ახალი რეგულაციების ამოქმედების მოლოდინშია. მომავალი წლიდან სერტიფიცირებული ალკოჰოლიანი სასმელების სავალდებულო ნიშანდება ამოქმედდება, რომელიც ფასიანი იქნება, ბოთლზე დაახლოებით 10 თეთრი. ნიშანდება ბოთლზე ან ეტიკეტზე სააგენტოს მიერ სპეციალური QR კოდის დატანას გულისხმობს. როგორც ღვინის ეროვნულ სააგენტოში აცხადებენ, ნიშანდება წარმოებული ღვინის სრულ მიკვლევადობას უზრუნველყოფს, შესაბამისად, ხელს შეუწყობს ფალსიფიკაციასთან ბრძოლას. ამასთან, როგორც სააგენტოს თავმჯდომარემ განაცხადა, ეს თანხები საბოლოოდ ქართული ღვინის მარკეტინგს და პოპულარიზაციას მოხმარდება. ამასთან, შეიცვალა “მცირე ზომის მარნის“ დეფინიცია და მისი წლიური წარმადობის მაქსიმალური ზღვარი 40 000 ლიტრიდან 25 000 ლიტრამდე მცირდება. როგორ აისახება ახალი რეგულაციები მცირე მეღვინეებსა და მარნებზე?

სტუმარი: ზურა მაისაშვილი - „ღვინუკას“ დამფუძნებელი

#ახალიამბები #BusinessMediaGeorgia