ჰორეკა სექტორი და სასმელების მწარმოებლები ახალი რეგულაციების მოლოდინში. 1 ივლისიდან საქართველოში სასტუმროებსა და კვების ობიექტებში მომხმარებლებისთვის პლასტმასის ბოთლებით სასმლის მიწოდება აეკრძალებათ. ეს პეტის ბოთლებით სასმლის რეალიზაციის აკრძალვის მეორე ეტაპია. ამ დროისთვის, პლასტმასის ჭარბი მოხმარების გამო, ამ სახის ბოთლებით სასმლის შეძენა საჯარო სექტორს აქვს შეზღუდული. მთავრობა აცხადებს, რომ სურსათთან შეხებაში მყოფი ერთჯერადი პლასტიკა ზიანს აყენებს ადამიანის ჯანმრთელობას და ამასთან აბინძურებს გარემოს. ამავე რეფორმის ფარგლებში 2031 წლის 1 თებერვლიდან: ქვეყანაში სრულად აიკრძალება 3 ლიტრამდე მოცულობის პლასტმასის ბოთლებში სასმლის წარმოება, იმპორტი და ბაზარზე განთავსება. არის თუ არა ქვეყანა მზად პეტის ბოთლების მასშტაბური აკრძალვისთვის, როგორ აისახება რეგულაცია სასმელების მწარმოებლებზე და ხომ არ მოუწევს მთავრობას რეგულაციის გადავადება?


სტუმარი: ნიკოლოზ ხუნძაკიშვილი - „ეფეს საქართველოს“ კორპორაციულ საქმეთა დირექტორი

#ახალიამბები #BusinessMediaGeorgia