გასულ კვირას პროკურატურისგან ფულის გათეთრების, ანუ უკანონო შემოსავლის ლეგალიზაციის ახალი ფაქტის შესახებ გავიგეთ. ამჯერად საქმე ეხება ასეულობით მილიონი დოლარის კრიპტოვალუტის გათეთრების ტრანსნაციონალურ დანაშაულს. უწყების ცნობით, ყადაღა დაედო 173 ერთეულ სატრანსპორტო საშუალებას, რომლებიც სავარაუდოდ, უკანონო შემოსავლის ლეგალიზაციის მიზნით იყო შეძენილი, ძვირად ღირებულ უძრავ ქონებებს, საბანკო ანგარიშებზე განთავსებულ თანხებს. შსს-ს ოფიციალური სტატისტიკით, 2025 წელს უკანონო შემოსავლის ლეგალიზაციის, ფულის გათეთრების 58 შემთხვევა გამოვლინდა. აღსანიშნავია, რომ სწორედ გასულ წელს გამოვლინდა 2022-2024 წლებში განხორციელებული, უპრეცედენტო ოდენობის - თითქმის 700 მლნ დოლარის უკანონო შემოსავლის ლეგალიზაციის ფაქტიც. ფულის გათეთრების ეს საქმე ვალუტის გადამცვლელ პუნქტს ეხებოდა. რამდენად მასშტაბურია საქართველოში უკანონო შემოსავლის ლეგალიზაციის შემთხვევები და როგორ აისახება ფულის გათეთრების საქმეები ერთი მხრივ, ქვეყნის ეკონომიკაზე, მეორე მხრივ, კი მის რეპუტაციაზე?

სტუმარი: გიორგი ქობულია - ეკონომიკის ყოფილი მინისტრი

#ახალიამბები #BusinessMediaGeorgia