30 თეთრი, 80 თეთრი და 1.30 ლარი - ეს ის საფასო კატეგორიებია, რომელშიც წელს სახელმწიფო რქაწითელს და კახურ მწვანეს ჩაიბარებს. თუ ყურძნის შაქრიანობა 20%-ს აღემატება, ჩასაბარებელი ყურძნის ფასი 1.30 იქნება; 17%-დან 20%-მდე შაქრიანობის შემთხვევაში - 0.80 ლარი, ხოლო 17%-ზე ნაკლების შემთხვევაში - 0.30 ლარი. საფერავის შემთხვევაში, ფასი 30 თეთრი, 90 თეთრი და 1.50 ლარი იქნება. ღვინის ეროვნულ სააგენტოში აცხადებენ, რომ ეს სამი საფასო კატეგორია მოსავლის ხარისხობრივი მაჩვენებლების გაუმჯობესებისთვის მოტივაციას გააჩენს. ამასთან, სააგენტო კვლავ აცხადებს, რომ ყურძნის ჩაბარება მთავრობის სოციალური პასუხისმგებლობაა, რათა ჩაუბარებელი მოსავალი არ დარჩეს. ამის მიუხედავად, მევენახეების ნაწილი მომავალ რთველზე დიდ იმედებს არ ამყარებს, ხოლო მეღვინეების ნაწილი მთავრობის მიერ საბაზრო ფასების დადგენით უკმაყოფილოა.


#ახალიამბები #BusinessMediaGeorgia