რუსთავი-თბილისის მაგისტრალის მიმდებარედ, სოფელ აღთაკლიასა და ფონიჭალაში მდებარე 590 ჰექტარის მიწის ნაკვეთზე მილიარდიანი ინვესტიცია უნდა განახორციელოს - ამის შესახებ იმ რენდერიდან ირკვევა, რომელიც კომპანია Eagle Hills-მა გამოაქვეყნა. რენდერის თანახმად, ტერიტორია მოიცავს იმ მიწასაც, რომელსაც ამჟამად კრწანისის ტყე-პარკი ეწოდება. ტერიტორია სახელმწიფო საკუთრებაშია და მის განმკარგავად სსიპ ველური ბუნების ეროვნული სააგენტოა მითითებული, თუმცა მას დაცული ტერიტორიის სტატუსი არ აქვს.

მიწის ინვესტორისთვის გადაცემა ჯერ არ მომხდარა. ისევე როგორც კვლავ სახელმწიფო საკუთრებაში რჩება 260 ჰექტარის მიწის ნაკვეთი გონიოს ჩრდილოეთით, შავ ზღვასთან მდინარე ჭოროხის შესართავთან, სადაც ასევე მასშტაბური ინვესტიცია დაგეგმილი. საუბარია 260 ჰექტარის მიწის ნაკვეთზე ხელოვნური ყურეს შექმნაზე. აღნიშნულ ყურეში ახალი იახტ-კლუბი მოეწყობა, მის გარშემო კი კომპანია მაღალი კლასის სასტუმროებს, მრავალბინიან საცხოვრებელ სახლებს, ვილებს, რესტორნებს, მაღალი კლასის სავაჭრო დაწესებულებებსა და სხვა ობიექტებს განათავსებს.

როგორც კომპანია Eagle Hills-ის დამფუძნებელმა, მოჰამედ ალი ალაბარმა თბილისში გაყიდვების ოფისის გახსნის ღონისძიებაზე განაცხადა აჭარასა და თბილისში პროექტებზე მუშაობას 6-9 თვეში დაიწყებენ. რას შეცვლის მასშტაბური ინვესტიცია საქართველოს უძრავი ქონების ბაზარზე ეკონომიკური თუ ურბანული მიმართულებით?

სტუმრები: ვახტანგ ჩქარეული - “აპარტ ჯგუფის” CEO;
ანა ბიბილაშვილი - ურბანისტი;
ლევან ბოლქვაძე - "რეინვესტის" დამფუძნებელი


#ახალიამბები #BusinessMediaGeorgia