მთავრობა გეგმავს, რომ სახელმწიფო საწარმოებთან მიმართებაში სამოქმედო გეგმა განაახლოს და ფინანსური ზედამხედველობა კომპანიების უფრო ფართო სეგმენტზე გაავრცელოს. ამას ითვალისწინებს საერთაშორისო სავალუტო ფონდთან რეფორმასთან დაკავშირებით მიღწეული შეთანხმება. რეფორმის შემდგომი ეტაპი კი საწარმოებში ე.წ. კვაზი ფისკალური აქტივობების იდენტიფიცირებას და მათ ეტაპობრივ შემცირებას ითვალისწინებს. აღსანიშნავია, რომ სულ ცოტა ხნის წინ ასევე გამოქვეყნდა საერთაშორისო სავალუტო ფონდის ტექნიკური მისიის მიერ მომზადებული ანგარიში, რომელიც საქართველოში მიმდინარე სახელმწიფო საწარმოების რეფორმას ეხება, სადაც სხვა საკითხებთან ერთად აღნიშნულია, რომ პოლიტიკური ჩარევა სახელმწიფო საწარმოების სამეთვალყურეო საბჭოების წევრების დანიშვნასა და გათავისუფლებაში კომპანიების დამოუკიდებლობას ამცირებს. როგორ აფასებს სავალუტო ფონდი სახელმწიფო საწარმოების რეფორმას და რას გეგმავს ფინანსთა სამინისტრო?

#ახალიამბები #BusinessMediaGeorgia