ბიზნესისთვის საერთაშორისო კონტროლირებული ოპერაციების შესახებ ინფორმაციის ყოველწლიური წარდგენა სავალდებულო ხდება. ფინანსთა მინისტრის ბრძანებაში შესული ცვლილებების თანახმად, თუ კომპანიების მიერ წინა საგადასახადო წელს შესრულებული მსგავსი ოპერაციების მოცულობა 500 000 ლარს აღემატებოდა, მათ დამატებით დაეკისრათ ვალდებულება, რომ მოგების გადასახადის დეკლარაციაში შესაბამისი ინფორმაცია წარადგინონ. აღსანიშნავია, რომ საერთაშორისო კონტროლირებული ოპერაცია ეს არის ბიზნესოპერაცია ურთიერთდამოკიდებულ უცხოურ კომპანიასთან ან ოფშორის რეზიდენტ პირთან. როგორც აუდიტორული კომპანიების ნაწილში აცხადებენ, მოსალოდნელია, რომ ცვლილებების შედეგად, მნიშვნელოვნად გაიზრდება საგადასახადო შემოწმებები სატრანსფერო ფასწარმოქმნის მიმართულებით. რა მიზანი აქვს საერთაშორისო კონტროლირებულ ოპერაციებთან დაკავშირებულ ცვლილებებს და რა უნდა იცოდეს ბიზნესმა?


#ახალიამბები #BusinessMediaGeorgia