პარლამენტში ფასების კომისიის რიგით მეექვსე შეხვედრის ფარგლებში დღეს მსხვილი სადისტრიბუციო კომპანიების წარმომადგენლებს მოუსმინეს. წინა შეხვედრებისგან განსხვავებით, სექტორის წარმომადგენლებს შედარებით განსხვავებული პოზიცია ჰქონდათ და მათი ნაწილი აცხადებდა, რომ რითეილ სექტორის მიერ დაწესებული ქეშბექის გაუქმებას ბაზარზე ნეგატიური გავლენა ექნება. კერძოდ, სადისტრიბუციო კომპანიების ნაწილში ამბობენ, რომ ე.წ. ქეშბექი ხშირად ფასდაკლებებისთვის გამოიყენება. დღევანდელ შეხვედრაზე დისტრიბუტორებმა ისეთ გამოწვევებზეც ისაუბრეს, რომელსაც საბოლოოდ პროდუქციის ფასწარმოქმნაში მნიშვნელოვანი წვლილი აქვს. მათ შორის დასახელდა გაძვირებული იმპორტირებული პროდუქცია და ლოგისტიკასთან დაკავშირებული საკითხები. უკვე მომავალ კვირაში პარლამენტის ფასების კომისია რითეილ სექტორის წარმომადგენლებს მოუსმენს.

#ახალიამბები #BusinessMediaGeorgia