პარლამენტში ფასების შემსწავლელი კომისიის მეორე სხდომაზე ხილის, ბოსტნეულის, წვენების და ჯემების ადგილობრივი მწარმოებელ კომპანიებს მოუსმინეს. 3 საათიან შეხვედრაზე მწარმოებლებმა პრობლემებს შორის ქეშბექები, თაროს გადასახადი, თუ რეალიზებული პროდუქციიდან თანხის დროულად მიღება დაასახელეს. კაკლის გადამმუშავებელი საწარმო "ანიგოზის" თანადამფუძნებელი ანი ქევხიშვილი ამბობს, რომ ქართული ნიგოზი ადგილობრივ სავაჭრო ქსელებში არ იყიდება, რასაც პროდუქტის მაღალი თვითღირებულება განაპირობებს. “ყველა მეწარმე და ყველა ბიზნესმენი ცდილობს, საგადასახადო ტარიფები იყოს დაბალი, მაგრამ რაც არის, ამაზე დიდ დარტყმას “ქეშბექები” აყენებს”, - თქვა შეხვედრაზე მისულმა „აჩინებულის“ დამფუძნებელმა გოჩა ღვინეფაძემ;

#ახალიამბები #BusinessMediaGeorgia