რძე, რძის ნაწარმისა და რძის შემცველი პროდუქტები ეტიკეტირების დამატებით წესებს დაექვემდებარება. დაგეგმილი ცვლილების თანახმად, საუბარია შეფუთვაზე სპეციალური ფერადი პიქტოგრამების შემოღება, რომლებიც მომხმარებელს მკაფიოდ მიანიშნებს, პროდუქტი ნედლი რძით არის დამზადებული, აღდგენილი რძით თუ მცენარეული ცხიმების გამოყენებით. ცვლილებას „რძისა და რძის ნაწარმის შესახებ“ ტექნიკური რეგლამენტი ითვალისწინებს. გარემოს დაცვისა და სოფლის მეურნეობის სამინისტროში აცხადებენ, რომ ცვლილებების მიზანი ადგილობრივი რძის წარმოების წახალისება და საბოლოო მომხმარებლის ინფორმირებულობის გაზრდაა. რძის გადამამუშავებლები აცხადებენ, რომ ცვლილება მათ საოპერაციო ხარჯებს გაუძვირებს. მათ მომავალი წლიდან სხვა -უფრო დიდი რეგულაციაც ელოდებათ, რაც საკვები და სასმელი პროდუქტების პლასტიკის შეფუთვაში განთავსებას კრძალავს. რა ცვლილებებია მოსალოდნელი სექტორში და როგორ აისახება დაგეგმილი რეგულაციები ბაზარზე და პროდუქტის ღირებულებაზე?


#ახალიამბები #BusinessMediaGeorgia